تكفن يااخواتي ادعن لي ان الله يريحني بحياتي ويسعدني ويكتبلي الخير بدربي والله عانيت كثير وتعبت

الله يعينك يا رب و الله لو أني بمكانك ما أرجع له .. و قسم بالله أني مثلك رجعت لزوجي مضطرة عندي ولد خفت عليه من هالدنيا و فتنها إن كان عندي ما اقدر احبسه مثل البنت لازم يطلع و يبغى له مراقبة بالشارع و لا عندي احد اخواني الله يحفظهم كل واحد مو ناقصه مسوؤلية علشان اكلفهم بولد الناس و ان تركته عند ابوه اخاف عليه ما اقدر اخليه عنده و الحين عاظة اصابع الندم كلها أني حملت بهالولد لإنه الأب مو مقصر كل ما أشتهى المشاكل رجعنا لأيام ما قبل الطلاق .. و الله اني ماله منه بس الأمر لله من قبل و بعد .. كثري استغفار و دعاء و صلاة مالك إلا الي خلقك ما احد بهالدنيا بيرحمك و يلطف فيك مثله حتى والديك

اول شي ولي أمرك غلط غلطه كبيره مفروض مايرجعك إلا وهوشايف الشقه الجديده مأثثه..الرجال كذا ياحبيبتي إذا بغوا الوحده يسووون كل شي لها بس إذا اخذها يجحد عشان كذا مفروض مارحتي إلا بعد ماتحققت شروطك
المهم الحين نصيحه لله قفلي جوالك لاتخلينه يدق وماتردين ..قفلييييييه ...لايوصلك..وهوبيدق على ولي أمرك ..وهويتفاهم معه ..الرجال مايخوفه إلا الرجال
ولاترجعين إلا بشروطك وإلا خليه يفارقك
ترى والله ان تنازلتي بيدق خشمك طول العمر
وان قمتي تردين عليه وحس انك تبينه وخايفه يطلقك بيسحب عليييييييك..ترى انا كنت كذا صابره صابره والله ثم والله كنت اقول ليه زوجي يعاملني كذا ماهميته أبد
ولايحترمني ولايحترم طلباتي ولاعليه مني
وان زعلت عند اهلي يذلني واحس انه بيطلق وارجع له
وان طلبت شي اوشرط يوعدني واروح معه قبل ينفذ ثم يجحدني..وابوي انسان متعلم وحكيم ودايم يقول قفلي جوالك وطنشيه وهوبيدق علينا ولاترجعين إلا عن طريقنا وبعد ماينفذ شروطك..وفعلا يوم سمعت كلام ابوي حسيت بالعز ..وزوجي صار يضرب لي ألف حساب ونفذ شروطي
وصار يخاف اني ازعل واسحب عليه ومشى مضبوووط

كلام الأخت نوسة والي قبلي حسن الرأي

وانا من رأيهم