رجعت لكم بعد غياب عشرة أيام وفي حضني حبيب قلبي حموووودي

حبيباتي رجعت لكم وأنا أشيل بين حضني حبيب قلبي حمودي "محمد:arb: " فديته..:icon28:
بس تعبت وايد في الولادة بالطلق الصناعي 20 ساعة طلعوا روحي :09: واضطروا يولدوني بعملية قيصرية بس الحمدلله على كل حال من شفت حبيب قلبي والله إني نسيت كل آلام العملية ..

حيث كانت ولادتي بتاريخ : 2/5/2007 - تمام الساعة :1:15 مساءً ..

حبيباتي أدعولي إن الله يبارك لي في ولدي يرزقني بره يارب ويكون ولد صالح:42: ..

وعن قصة ولادتي راح أرويها لكم لاحقاً خل استعيد أنفاسي قبل وبعدين اقول لكم التفاصيل ..

أنا أمس المساء طلعت من المستشفى واليوم قلت خل أبشر حبيباتي وأفرحهم جعل ربي يرزق كل وحدة فيكم..

والله إني دعيت لكم كلكم بالذرية كل اللي بالمنتدى أو خارج المنتدي ويفرح قلوبكم شرات مافرح قلبي بالضنا والله إنه أحلى وأجمل إحساس جعل ربي لايحرمكم من هالإحساس يارب ودعيت وأنا في حالة الطلق إن الله يرزق كل مسلم ومسلمة بالذرية ولايظل أي أحد محروم من هالنعمة :22: ..