رجعت لكم بعد ولادتي لاحكي قصتي

انتظر التكمله .......... لا تهملينا .. ترى انا اتحمس مع مواضيع الولادات وتجاربهن

الف مبروك وحمدلله على سلامتك وبانتظار باقي القصه

الله يسلمكم ويخليكم مشكورين على الرد
المهم رحت البيت وانا فرحانة برجعتي وفي نفس الوقت خايفة بالوقت الباقيلي كانة الموت قرب مر يوم الثلاثاء بسلام وجاء يوم الاربعا وكلمالة الخوف يزيد واطمن نفسي باقي يومين المهم طقت كبدي جاء يوم الخميس ولا شي الا في العصر عاد انا رحت اتمشى <<<<<<<<<<عفلي ماريحني ابي اودع واتمشى رحت البحر مع الاهل عاد زوجي تركتة من بداية التاسع<<<<<<<تفكر انه الولادة في اي وقت .وانا بالبحر حسيت بمغص هذا المغص الوحيد اللي الامني عن جد كان قوي وفي النهاية نزل شي زي الموية بس خفيفة عاد انا خفت وفي نفس الوقت فرحانة انة الطلق بدا وماراح اخذ طلق صناعي المهم بعد كذا ماحسيت بالم لما يوم الجمعة في الصباح انقهرت مووووووت يعني لابد من الطلق الصناعي وفي صباح يوم الجمعة جاني الم بس خفيف جدا وكلمالة يقرب الوقت بس مو هذاك الام بس خفيفة والاوقات تقرب لدرجة انه صارت كل بعد خمس دقايق بس الالم خفيف
استمر مهاية لنا الساعة 3ونصف فجرا الوالد خاف وامي بعد وهم اللي صرو انة اروح المستشفى الالم مو كثير بس يخوف لانة صار كل بعد خمس دقايق المهم رحت المستشفى وانا بالطريق والدنيا فجر واول مرة احس انة جدة فاضية بالرغم انة كنت اتمنى ان العالم كلهم في الشوارع عشان احس بامان وكاني رايحة القبر خوف مصيطرني في نفس الوقت كنت اقول العالم كلهم ولدو ماقد تعسرت ولاداتهم بس تخيلت انة انا من الناس القليلين اللي راح تتعسر ولاداتهم وانا بالطريق كنت افكر انة الدكتورة ماراح تيجي لانة انتهى دوامها بس السكرتيرة مطمنتني انة مستحيل ماتيجي اللة يخليها السكرتيرة مطمنتني مرة وصلت المستشفى ودخلت الطواري وماكشفو علية طلعوني قسم الولادة على طول وانا طالعة قالو لية تبغي عربية عاد انا رفضت مااحتاجها لانة الالم مو قوي طلعت وانا اقول في نفسي ماراح اطلع من هذا المستشفى الاوانا والدة حتى لو ماانفتح الرحم زين لازم من الطلق الصناعي لانة اليوم السبت اليوم الموعود للطلق الصناعي طلعت ودخلت ولبسوني واللة العظيم ماكنت خايفة من الولادة قد ماخفت من الكشف بالاصابع جات المرضة وقالت راح اكشف عليك وهذا في غرفة الملاحظة رفضت موت حلفت انة مايكشف علية الادكتورة
كان فية دكتورة مناوبة الله يسعدها بس عورتني شوي حاولد تدخل يدها ورفضت ورفضت ورفضت وفي النهاية دخلتها اصعب شي والام شي اكثر من طلوع الراس <<<<<<<<لانها ماحسنت فية:42:
والصدمة الكبيرة انه ماطلع مفتوح الرحم الا3ونصف ياويلي يعني فية طلق صناعي قالت لحظة عشان يكلمو الدكتورة عشان يسالوها لانة اللي مفتوح الرحم 3ونصف تخير انة تجلس بالمستشفى اوتطلع المهم كلموها وهية عارفة انة انا اخوف انسانة وانة اليوم هذا يوم الطلق الصناعي عاد هم مسكوني بيدي ورجليني لانة خلاص انتهى موعدي بالانتظار جات الممرضة ومعاها المريلة وقالت فسخي والبسي عاد انا شلت كل شي ماعدا البس الداخلي<<<<<<<<اهم شي بالموضوع:22:
وبعدين جات الممرضة ومعاها دواى فكرتة مغذية بس طلعت:09: الطرمبة الحقنة الشرجية اللة يلعنها من حقنة عذبتني وكنت باجيب العيد فيها:22: واوسخ المستشفى كلة :eek: ورحت الحمام وانتو بكرامة وفضيت كل اللي ببطني وبعدين قالت الممرضة تعالى استغربت وين راح توديني الاودخلتني غرفة الولادة ونمت على السرير والاهذي الاجهزة فوقي خفت منها موت ونمت على السرير وادتني المغذية واكسجين استعربت منة والاشفط شفطة ورحت فيها دايخة المهم انا كنت راح اخذ ابرة الظهر باي وسيلة المهم قلت للممرضة ابغاء ابرة الظهر وقالت لحظة وجاء دكتور البنج واسالني كم سول وانا توني شافطة البنج عاد انا اشفط كل شوية العب <<<<<<:42: :42:
المهم جاء دكتور البنج وسالني اول سوال زوجك معاك استغربت ليش يسالو عن زوجي :22:
قال لازم هوة اللي يوقع سالت ليش قالو هذا قوانيننا طيب الولاد معية ماينفع قال ممكن بس لازم الزوج
زوجي في الطريق جاي توة صحي من النوم ماحبيت اقلقة من بداية اليوم خليتة ينام عشان ورانا يوم عصيب وسالني ثاني سوال قال من متى ماكلة الوقت كان 4 الصبح وقلت من الساعة12الليل عاد لما عرف رفض عشان لابد 24 ساعة فقت الالم من الابرة خاصتا الالم مو كثير وقلت اذا كان الام كذا ماراح احتاج لة<<<<<<<<:42:
مابقي الا القليل واكمل القصة بس راح اقوم اصلي وارجع لكم.........:eek:

الف مبروك وحمد لله على السلامه

مبروووك



و بانتظار باقي القصه ..