بسم الله الرحمن الرحيم
الحمد لله والشكر والثناء له سبحانه
اللهم لك الحمد حتى ترضى ولك الحمد إذا رضيت ولك الحمد بعد الرضا
أخواتي الحبيبات بفضل ومنة من الله ثم بدعواتكم حبيباتي قام ولدي بالسلامة من العملية اللي اجريت له يوم الخميس واستغرقت 7 ساعات ( وياااااااطولها كأنها 7شهور ) واللحين اليوم الخامس من العملية ومازلنا في المستشفى والعافية من الله تجي على شوي شوي
وكنت أفكر قبلها وأقول ( 7 ساعات ؟؟؟؟؟ 7 ساعات وهو بعيد عني؟؟؟ أكيييييييد بيطير عقلي والا بموت والا بيصير لي شيء لانه ما بعد عني ساعة وحدة من ولادته
والله الكريم المنان ياأخواتي نزل علي هدوء وسكينة من الله وصرت أدعي وأدعي ورميت حملي وشكاتي على الله
وحنا بالانتظار جتنا المسؤلة عن أهل المرضى اللي بغرفة العمليات وقالت إذا تبين فيه غرفة هنا تنامين فيها ليما تخلص العملية وفيه ممرضة راح تبلغكم أول بأول ، وقال لي زوجي يالله وانتي بس تمددي لا تنامين ( عارف إنه من وين بيجيني النوم )والله ماااااااصحيت الا والدكتور داخل عينا ويقول العملية نجحت وحالته مستقرة وفريقي الطبي اللحين ينهونها
وبعدها بساعة نادونا للعناية المركزة وهم يصحونه من البنج
وهنا.....
وهنا....
وهنا صار موقف ماراح أنساه طووووووول عمري
دخلت العناية ولقيت سرير ولدي والممرضات حوله يفحصونه بعد العملية
ولقيته _ بسم الله عليه _ رافع يده اليمين فوق كانها معلقة وفيها أبرة المغذي وهو بين النوم والصحوة ؟؟؟؟
سألت الممرضة ليه معلقين يده ؟؟؟؟
قالت : لا ماعلقناها بس هذي حركات لا شعورية من تأثير البنج
بس هذي الحركة اللي سواها وليدي ما أحد فهمها إلا أنا وأبوه !!!!!!!
عندنا ساعة أذان بالفندق وهي قبل الأذان بـ 10 دقائق تعطي تنبيه !!!!!
وكان صوت جهاز دقات القلب زي صوت تنبيه الساعة ويحسبها ولدي ساعة الأذان ورافع يده وهو يشير بأصبع السبابة لا إله إلا الله ويناظر السقف والدموع بعيونه ونفسه سريع كأنه خايف
ويوم مسكت يده وقعدت أقرأ عليه شد على يدي وغمض عيونه ونام
وما قدرنا نمسك أنفسنا أنا وزوجي وقعدنا نبكي ونحمد الله على سلامته
وهذا الموقف ذكرته لكم عشان نعرف كلنا إننا إذا توكلنا على الله حق التوكل وسلمناه أمرنا فالله سبحانه وتعالى ما يخيب رجاءنا
وجزاكم الله خير على وقفتكم معي بقلوبكم ودعواتكم الصادقة اللي ما راح أنساها واللي أسأل الله إنه يجعلها في موازين حسناتكم ويجزيكم خير الجزاء
ولا ترون مكروه لا أنتم ولا أحبابكم والله ينول كل وحدة اللي تبيه وتتمناه ويجمعنا بكم على خير
$$ حبيبة $$ @hbyb_5
عضوة نشيطة
يلزم عليك تسجيل الدخول أولًا لكتابة تعليق.
برونا
•
الحمد لله على سلامته قرة اعيونكم الله يحفظه لك انشالله.الحمد لله متوكلين على الله وراضين بحكمه .
الحمممممممممممممممممممممممممممممممممممممممد الله على سلامته ويقومه بالسلامه والله يخليه لك وتفرحين فيه عريس انشاءالله اللهم اميييييين
الصفحة الأخيرة