رجعت لكم بنفس مشكلتي ادخلو تكفون

مساء الخير من مده ماكتبت لكم قلت يمكن يتغير الوضع واجي ابشركم اني تصالحت مع اهل زوجي بس الله المستعان الوضع ازداد سوء كنت زعلانه مع عمتي وبناتها الثنتين ومره اخوهم خالت عيال زوجي الحين صارت حريم العايله كلهم مايدخلون بيتي قلت بكسر الشر واروح لخالت عيال زوجي رحت وزرتها ولو تشوفون كيف كان استقبالها لي كانت تعد الدقايق والثواني عشان اطلع من عندهالاكن عمتي وبناتها لو رحت لهم مافيه استقبال لي لان عمتي تقول لزوجي اخرها قبل يومين مابي زوجتك لاتجيني ولا اجيها حسبي الله عليها طبعا عمتي الي تتحسب عليهوانا والله من بعد المشكله ماحتكيت فيهم ولا سولفت مع احد فيهم المشكله ان زوجي في نفسه اني انا الي قطعت اهله من بيتنا لا تقولون وش السالفه انا سبق وكتبت مشكلتي هنا اتمنى الي تعرف مشكلتي ترد علي ولي ماتعرفها تقراها وتكفون لاحد يرد رد جارح انا مو ناقصه وجالسه افكر وش سويت عشان هذا كله مع ان حريم عياله الباقيات يصير معهم ومع بناتها مشاده كلاميه وقويه بعد ويصلحون في اقل من يومين وانا مادري وش سويت لهاذا كله دلوني حلو معي وضعي والله اني في حرب نفسيه من تسعه شهور اخر مره قالت عمتي لزوجي انها ماتبيني ولا تبي تدخل بيتي فقال لها زوجي تبين اطلقها فابشري وجاء وقالي وانا بصراحه استسلمت عشان خاطر ترضى امه عنه ويرجعون له اهلهحتى حريم العيال حرمو بيتي واخوانه بزور يكلمونه حلو وضعي تكفون بدون تجريح