رجعت لكم مع شوربة (توم يوم )على طريقة صديقتي التايلنديه

السلام عليكم يا احلى مبدعات في عالم حواء


البارح جاتني ضيفه عزيزه عندي وطيبه وتجنن ربي يسعدها طبعا عرفتوها مين صدييييييييييييقتي التايلنديه وقمت انا وياها على المطبخ وسوينا كم طبخه بسيطه ومن ضمنها شوربتهم توم يوم اللذييييييييييييذه فحبيت انزلها لكم لان فيها اختلاف بسيط في الطرق الي مكتوبه في النت طبعا الطبخات هذه اهلها اخبر بها

المقادير :
1-روبيان (الكميه حسب الاشخاص )

2-فطر

3 ليمون اندونيسي (انا ما عندي كان حطيت ليمون الصغير مو الكبير الاصفر )

4-بهارات اندونيسيه (بدالها حطيت بهارات عاديه الجاهزه المخلوطه)

5- عجينة توم يوم الجاهزه (هذه في تقول انه ما فيه منها هنا بس انا حصلتها في اسواق التميمي مكتوبه بالانجليزي (instant tom yum baste) او راح تحصلونها في محلات الاندونيسيين الصغيره بس طعمها غريب ولذيييييييذ

6-ورق ليمون

7-بصله صغيره

8-فص ثوم

9-حبه طماطم


10-قرون فلفل حار

11-صلصة ريح السمك (هذه تحصليها في اسواق التميمي )
مكتوبه بالعربي

12-زنجبيل

الطريقه:

البصل والثوم والزنجبيل نبشره مع بعض نضع الزيت وبعدها نضع البصل والثوم والزنجبيل المبشور نحركه الين يصير لونه ذهبي وتطلع ريحت الثوم والزنجبيل .

2-نضع الروبيان والفطر ونقلبه حتى يختلط تماما مع الخلطه الاولى ونضيف الطماطم ونقلبه وبعدها الماجي وبعدها عجينة التوم يوم .

3_نضيف المويه كاسين ونص ونتركه يغلي نضيف صلصل ريح السمك او صلصة ريح المحار ( الموجود عندك )

4-بعد ما يستوي الروبيان اذا تحبي تضيفي نشاء حتى تكون الشوربه ثقيله شوووووووووويه بس اضيفي او حسب الرغبه بدون ما تضيفي نشاء انا اضفت النشاء صارت حلوه )

5- بعد ما تجهز الشوربه ضعي ورق الليمون عليها وغطيها وقصري على النار مررررررره لمدة خمس دقائق وطفي النار وبعدها اضيفي الليمون

طريقة التقديم :

تقطعي بقدونس وكزبره وقرون الفلفل وتضعينهم في صحن الشوربه وتصبي الشوربه عليها

وبالعااااااااااااااااااااااافيه



لنا عوده بطبخه تايلنديه جديده بالسمك الهامور ان شاء الله