رجعت لكم ياطباخات حواء ... ولكن من بيتي <<<< احلى طبخات من احلى عروس ... آحم آحم

عدنا

4 _ بيتزا وايدام دجاج لذيييييييييذ




زوووووووم عالبيتزا






زووووووم عالايدام والرز





راجعتلكم بالطرق حبيباتي

والحين يجي وقت الطرق

طبعآ كل طبخاتي عاملتها لشخصين بس تكفي من شخصين لثلاثه

1 _ المقلوبه

المقادير :

2 بطاطس متوسطه مقطعه طوليه ومقليه
2 باذنجان مقطعه دواير ومقليه
1 طماطم مقطعه دواير
2 صدر دجاج مقطع مربعات متوسطه
رز الكميه اللي تكفي عايلتك .. انا استخدمت رز كان باقي من عشانا اليوم اللي قبله وماحبيت ارميه

البهارات المستخدمه في حمسة الدجاج :
3 ملاعق زيت
بصله متوسطه مفرومه
2 فص ثوم مفروم
كمون
فلفل اسود
باربيكا
بهارات مشكله حارة
شوي بهار ليمون
ملح

الطريقه :
_ نقلي البطاطس ورنصه فقدر بحيث نغطي قاعدة القدر وبعدها نحط طبقة من الباذنجان المقلي وبعدها شرايح الطماطم
_ في قدر ثاني نسوي حمسة الدجاج وهي نحمس البصل والثوم الين ماتتشقر وبعدين نحط الدجاج والبهارات ونقلبه لمدة 3 دقايق وبعدين نضيف عليه مويه ونغطي عليه لحد ما يصير ثلاث ارباع استواء
_ اذا استواء الدجاج اخذ كوب من مرقة الدجاج واخليها على جنب
_ احط الدجاج فوق الطماطم
_ احط الرز فوق الدجاج بحيث ما يبقى فراغات <<< اللي بتسوي الرز تخليه ثلاث ارباع استواء انا الرز كان جاهز فما احتجت الا نص الكوب من مرقة الدجاج
_ اصب مرقة الدجاج فوق الرز واخليها لمدة ربع ساعه على نار هاديه
_ اطفي عنها واخليها تبرد شوي عشان تآخذ شكل القدر انا ما سويت هالحركه لانه زوجي كان مستعجل عالغداء ,,, والحمد لله عجبه مررره واكلاه بالعافيه على قلوبنا

_ للتزيين استخدمت كزبره ولوز مدقوق




2 _ مضغوط اللحم

المقادير:

أ _ لحم بالعظم الكميه حسب عايلتك
_ بصلة متوسطه مفرومه
_ 3 ملاعق زيت
_ 1 طماطم كبيرة معصورة
_ 1 فص ثوم مهروس

ب _
البهارات :
_ 4 حبات هيل
_ فلفل اسود
_ 2 عود قرفه
_ ملح
_ ملعقه كبيرة صلصة طماطم

ج _
_ رز ( انا استخدمت كوبين وهو لشخصين ) منقوع فمويه دافيه لمدة ساعه
_ 2 فلفل حار

الطريقه :
_ تحمسين البصل مع الزيت والثوم حتى تتشقر بعدها تضيفين البهارات واللحم وتحمسينها لمة 5 دقايق
_ نضيف الطماطم المعصور
_ نضيف 3 اكواب ماء حار ونقفل قدر الضغط ويترك لمدة 25 دقيقه على نار متوسطه

_ نفتح صمام الامام ونترك البخار يطلع وبعدين نرفع الغطاء ونضيف الرز والفلفل الحار
_ يضغط القدر مره ثانيه لمدة 10 دقايق على نار هاديه
_ نرفع صمام الامان ونتركه لين يخرج البخار بعدين نفتح القدر ونحطه بصحن التقديم ... وبالعافيه



3 _ الصلصات
أ_ الصلصه البيضاء :
انا اسوي منها كميه واخليها بالثلاجه تكفيني تقريبآ 5 وجبات
المفادير :
_ 3 علب زبادي
_ ثلاث ارباع بيالة طحينه
_ بياله لبن
_ 2 باذنجان مسلوق بقشره وبعدين نفرمه
_ البهارات اللي تعجبك انا استخدمت ( ملح - فلفل اسود - باربيكا )
_ خل بقدر الغطاء
_ ليمونه معصورة

الطريقه :
اول شي الاشياء السايله والبهارات نخلطها سوى وبعدين نضيف لها الباذنجان ... وبس


_ الصلصه الحمراء :

كمان اسوي منها كميه عشان تكفيني لكذا وجبه
_المقادير :
_ بصله مفرومه
_ 2 ثوم مهروس
_ 4 فلفل حار
_ 4 طماطم تكون لينه وحمراء

البهارات :
_ 3 ملاعق صلصة صويا
_ ملح
_ باربيكا
_ فلفل اسود
_ بهارات مشكله حارة
_ بهار الليمون
_ كمون

الطريقه :
_ نحمس البصل والثوم فشوية زيت
_ نقطع الطماطم انصاف ونضيفها ونضيف الفلفل والبهارات ونتركها حتى تتسبك
_ نطفي النار ونخليها الين تبرد واحطها فالخلاط وافرمها ... وبالعافيه

4_ ايدام الدجاج بطريقتي
المقادير :
_ 2 صدر دجاج مقطع مربعات صغيرة
_ 1 بصله مفرومه
_ 2 فص ثوم مهروس
_ ملعقة نشا مذابه في ثلاث ارباع بيالة مويه
_ شوي كزبرة ( حسب الرغبه )
_ فلفل حار ( حسب الرغبه )
البهارات :
_ 3 ملاعق صلصة صويا
_ ملح
_ باربيكا
_ فلفل اسود
_ بهارات مشكله حارة
_ بهار الليمون
_ كمون

الطريقه :
_ نحمس البصل والثوم في شوي زيت الين تتشقر
_ نضيف الدجاج ونقلبه شوي ونضيف البهارات والفلفل الحار اذا حبيتي يكون حار
_ نضيف نص كوب مويه ونغطي عليها الين يقرب يستوي الدجاج
_ نضيف النشا وبنلاحظ انه الايادم صار ثقيل
_ نضيف الكزبرة ... ونطفي النار وبالعوافي

انا سويت رز مع الايدام
ووكمان حلو ينآكل بالخبز


5_ البيتزا

طبعآ انا من عشااااق البيتزا وزوجي نفس الشي .. وقالي منجد البيتزا حقتك وربي اطلق من البيتزا حقت المطاعم وانا عاد من الوناسه يالله اشيل راسي خخخخخ

ما علينا نرجع للمهم

انا العجينه اسوي عجينه الربع ساعه من كتاب الاطباق المميزة وكل وحده تعمل العجينه اللي معتمدتها

وهذي طريقة العجينة للي ما تعرفها نقلتها لكم وبصراحه رووووعه


عجينه الربع ساعـــــــــــــــة
المقادير:
أ(2 كاس دقيق ابيض_ 2 كاس ماء دافي _ نصف ملعقه صغيرة ملح _ فنجال سكر غير مطحون _ واحد ونصف ملعقه كبيرة خميرة فوريه _ واحد ملعقه صغيرة بكنج بودر _ ثلاثه ملعقه كبيرة حليب بودرة )
ب( 2 ونص كاس دقيق ابيض _ نصف كاس زيت )
الطريقة:
نخلط مقادير أ في خلاط الكاس ثم يصب في وعاء كبير ويغطىلمدة ربع ساعه حتى يتضاعف حجمة ثم بعد الربع ساعه نصع مقادير ب فوق الخليط ويعجن وتعجن جيدا نبدا بلت العجينه وهذه اهم خطوة للحصول على فطائر طرية وندهن اليد بملعقه كبيرة من الزيت وتضرب العجينه بقوة على طاوله نظيفه لمدة دقيقتين حتى تتمطط العجينه ثم توضع العجينه في وعاء كبير وتترك حتى تخمر مرة اخرى ثم تستخدم .



_صلصة البيتزا :


_ 2 ملعقه كبيرة مليانه مايونيز
_ بيالة كاتشب
_ ملعقه صغيرة فلفل اسود

المقادير :
_فلفل بارد ملون ( اصفر - احمر - اخضر ) مقطع مربعات
_نقانق مقطعه حلقات
_ زيتون شرايح اخضر واسود
_ جبنة مبشورة انا افضل جبنة فرسانا

الطريقة :
طبعآ معروفه بعد ما نفرد العجينه نحط الصلصه ونوزع الخضار والنقانق وبعدين نحط الجبنه المبشوره وخليك كريييمه فالخضار والجبنه .. وندخلها الفرن وتكون والعه النار من قبل ب5 دقايق ومن تحت بس وتكون النار هااااديه
وبعدين اذا استوت نولع من فوق بس عشان تذوب الجبنه


وفالاخير اتمنى تكون طبخاتي عجبتكم .. واللي تطبق شي لا تنساني من دعواتها الحلوة

مودتي ..

كنت آظن .. وخاب ظني

ماشاء الله رووووووووعه عدتي والعود احمد والففففففف مبرووووك الزواج والله يوفقك بحياتك الجديده ياعروووسه
وننتظر الطرق لان الصور مشهييييييييييييييه

هلابك كنت أظن لك وحشة يالغلا الله يوفقك ويسعدك ياااااااااااااااااااااااااارب وأطباقك كالعادة تشهي

يااااااااحركااااااااااااااااااااااااااااااااااااات
ماشاء الله عليك وش هالزين
الله يوفقك
ومبروك عليك الزواج ياعسل