رجعت لمطلقي وليتني ما رجعت

رجعت لمطلقي وليتني ما رجعت:06:

تتذكرون موضوعي الي كنت استشيركم فيه اذا ارجع لمطلقي او لا
امهم انا رجعت بدون علم اهله وزوجته. اهله لانهم ما يهموني بشي وزوجته لانه خايف لتطلب الطلاق وهو ما يريد يطلق فحطيت مصلحة الاولاد فوق كل اعتبار ورجعت والنتيجه انه ما يجي عندنا الا كل 15 يوم ولما يجي ويريد يكلم اهله او زوجته يخرج برا لبيت ليشكوا فيه وغيركذا مايعطيني حقوقي الشرعيه الا لمن اطلب بنفسي ويشعرني بمهانه . دايما يحسسني انها الافضل ومره طلب مني اتعدل له ولمن وصل قضى حاجته وكانه انسان الي ماحسيت ان عنده اي مشاعر اتجاهي.انا واعوذ بالله من كلمة انا دايما احب اطبخ له بنفسي واجهز ملابسه وابخرهن واتزين والبس احسن ماعندي سواء قبل الطلاق و الحين ولكن ولا عمره مدح فيني.
يجي ينام ورائحته سيجاره ولمن كلمته قال هذا انا اذا عاجبج.اليوم من الساعه خمس الفجر وانا اجهز له اكل ياخذه معه لان مكان عمله بعيد وفي النهايه لمن عرف صرخ علي في حضور الشغاله وقال لي انه ما رايح ياخذ شي وفعلا ما اخذ ولا شي وخلاني ابكي من صباح الله وانا الي كان على بالي انه بينبسط ورحت اودعه ودمعتي على خدي ولا كلف خاطره يطيب خاطري .فاتصلت فيه وقلت له اذا ما مستحملني لايكلف نفسه فوق طاقتها فقال لي اذا تريدي الطلاق انا مستعد وبكل بساطه.دلوني ايش اسوي فانا لو كنت اريد الطلاق ما رجعت له انا كل الي اريده الحب والاحترام .والله يعلم لاي درجه انا احبه لكنه ما يهتم بمشاعري:06::06::06: