مساء الخير على الحلوين
بالبدايه اشكر الاخت ديدووو الله يسعدها وين ماراحت من جد موضوعها في محله وكل شى كتبت من جد يستاهل خصوصا السكن اوووووه الفندق 3نجوم بس وربي تقولون 5روعه وراحه نفسيه عجيبه ولافيه زي ماقالت لابار ولاخرابيط محترم ونظيف ترا لا تفكرون اول مره اسافر ولاعمري شفت خير خخخخخخخخخخخ رحت ماليزيا وتركيا وسوريا والاردن ووالكويت والبحرين عمري ماحسيت براحه ونظافه زي هالفندق روعه وسعره جدا جدا معقول مع ان دبي غاليه وتبي دراهم المطاعم والتكسي اكلنا بس لان ماعندنا فيزا المره الجايه ان شاء الله بنستاجر سياره:arb:
وصلنا العشاء الفندق نزلنا الشنط وجاب زوجي عشاء من مطعم تحت وتعشنا ونمنا يازينها من نومه من جد روعه.
اليوم الثاني اخذنا دش ولبست ولبست بناتي ولان الفطور من 6الي 10ونص ماامدى نفطر بالبوفيه المجاني فاجبنا فلافل وفول ونزلنا الساعه 12رحنا الامارات مول روعه رحنا سكي دبي وكانت تجربه ممتعه الثلج لاتفوتونها بس جلسنا ساعه عشان الصغار ركبنا التلفرريك روعه حسيت بدوله اروبيه من جد روعه رجعنا نفر بالمول فرينا فيه3ساعات وطلعنا لابن بطوطه وتغدينا في مطعم حاتم امممممممممممممممممممممم لذيذ وفريناللمغرب بعدين رجعنا نصلي ونريح للفندق لان معنا اطفال بعد العشاء طلعنا دبي مول روعه عجبني حيل احواض السمك تجنن ومحل الحلويات كاندي لايفوتكم رحت له مرتين فرينا في المول وكان طول الوقت ممتع صراحه ماتوقعت دبي بهالحلاوه روعه رجعنا الفندق نزل زوجي جاب عشاء تعشينا ونمنا.
اليوم الثاني
الصباح طلعنا فندق اتلانتس خياااااااااااااااااااااااااااااااااااااااااااااااااااااااااااااااااااااال من جد حسيت اني بامريكا ليه الي بتروح بتشوف ليه....
ومن هناك طلعنا مرسى دبي وتغدينا في مطعم الحواكاتي الصراحه يعني الاكل والاسعار غاليه رجعنا الفندق وصلينا وطلعنا مجمع الاوت ليت حق الماركات المخفظه بس بعيد من الفندق نص ساعه واخذ علينا بالروحه90 والرجعه90التكسي بس العطور ارخص واكسسوريز يجنن وماتصدقون الشنط اشتريت وحده من 275 81 تخيلووو وتنوره من مانجو200سعرها اخذتها119 هناك فيه فرع لمطعم حاتم والكوفي الي بالمدخل عنده بسكوت عذاب ليتني كثرت ههههههههههههه من جد يجنن.
اليوم الثالث الاحد
جربنا المتروووووو روعه التجربه بناتي انبسطوووو قطار هههههههه من جد الامارات حققت اشياء في التكنلوجيا والتطور والعمران مشاء الله يكفي رقبتك وانتي بالشارع تعورك من المباني والابراج المهم رحنا سوق التنين الصيني فعلا الشنط والجزم زي ماقالت ديدوووو الله يسعدها روعه وكل شى حلو وسعره رخيص لان المولات نار
في اليل رجعت لدبي مول كنت ابي كذا محل لان بنات ماينفع ثلاث مولات نفس اليوم بس لاني 3ايام كنت ابي الحق اكبر قدر ممكن من الاماكن.
الاثنين يوم العوده:icon33:والله ماودي رجعت من غير شر مره بدري وفيه اماكن كثيره باقي رحت للامارات مول فريت وتغدينا بالحلبي حلو اكلهم ومكانهم وجو المطعم بس حاتم الذ.....
وبس هذا الرحله 3ايام و4ليالي من احلى الايام
وماقصرتي ياديدووووو وكل وحده تكتب تجربه صادقه ونصيحه كل هدفها الخير حتى زوجي يقول شكرتي الاخت الي نصحتك بالفندق ههههههههههه.
الف شكر ياديدووووو.:26::26::26:
قلب حواء 2009 @klb_hoaaa_2009
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
هههههههه
الله يسعدكم والحمد لله على سلامة الوصول وعقبال ماتروحون مره ثانيه وعااااشره
والله يجزاها خير ديدوو ماقصرت