هلا والله بصاحبات الرجول الكلحة (( والنعم ))
هه ههههه ههههههههههههه
هذي المشكلة عانيت منها لفترة طويييييييييييييييييييييييييييله
كل ما أعمل بديكير لرجولي ما اتهنى فيها الا يومين ثلاث وترجع تكلح وتملح
المهم فكرت في طريقة وربي خلت رجلي وقدمي دايما رطبة وندية
بقول الطريقة وهي سهلة جدا جدا جدا
بس أول أمانه ادعو لي بالخير والله يحقق لي اللي اتمناه
أوكي دعيتو لي
يالله الطريقة
احنا كلنا والحمد لله نصلي في يومنا خمس مرات صح
أوكي بتقولون لي شدخل الصلاة في القدمين
أنا اقول لك
قبل الصلاة تتوضين طبعا
وانا عاد ارفع رجولي للمغسلة لين اغسل اقدامي
قمت اذا لقيت فيها في الكعب سواد تراب ولا شي اغسلها على طول بالصابون السائل
سهل اضغط وينزل الصابون
وبعدين جاتني فكرة ليش ما احط جمب الصابون كريم مثل الفنادق
وبالفعل حطيت كريم سائل ايضا
وبعد كل وضوء ورجولي مبللة ورافعتها عالمغسلة ادهن رجواي بالكريم واللوشن
نفس الشي مجرد ضغط ودهن سريع
تخيلي خمس مرات في اليوم بعد الوضوء
وربي تصبح أقدامك ندية ورطبة
مو لازم نفس أنواع الصور اللي حاطتها أي نوع لوشن ولو جليسوليد أحسن
عاد سووها وادعولي أمانة
ابدأي باتباع هالطريقة بعد جلسة بديكير أحسن
وممكن اتباعها للجسم بعد أخذ الدش والجسم مبلل دهني بالكريم قبل لا تتفوطي بصير جسمك
حرير حرير حرير