رجليني شهب لهب وش السوات

السلام عليكم
أهلين ومرحبتين لكل الصبايا الحلوين
أنا سالفتي سالفه كل مالبس صندل أتعقد من رجليني الشهب اللهب اللي يشوفهن يقول ذي توه حايستهن بغبار وأنا توي دهنتهن بجلسوليد وماشاء الله تبارك الله أشوف بعض البنات رجلينهن حلس ملس ولا ودك تبعدين عينك عنهن
وقررت بهالشتاء أني أعتني برجليني ولا أخليهن يشمن الهواء عشان لاجاء الصيف كان حنا من الحيين أكشخبهن
بس أنا مادري وش أحط عليهن من خلطات
فقلت مالي غيرالله ثم خواتي الحوائيات اللي ماولدتهن أمي
فياليت كل وحده تدخل تقول وش تدهن رجلينه به ويصير مرجع لنا بالهشتاء منه نتدفى ومنه تصير رجولنا حلوين