اذا شاف مرة (بفتح الميم واالراء)..اذا شافها مارة من قدامنا وكانت مزيونة يقول لي شوفي ياقلبي شوفي الزين كيف يمشي على قدمين
اناظر والقاها حلوة ...اقول اي والله انها مزيونة ...يالب قلبي يابو عيالي ...عينك ماتشوف غير الجمال...
يقول لي...يابعد قلبي ...اكيد عيني ماتشوف غير الجمال ..لانك الجمال نفسه..
ياربي لايحرمني منه ومن كلامه الحلو
وحتى لاطالع بالتلفزيون ...يقول ناظري هالمزيونة - سبحان من اعطاها -
واناظره وانا سعيدة بذوق رجلي واحساسه الحساس بالجمال
وفي مرة من المراير استفاق عقلي على غفلة
وسالت نفسي..ليه رجلي مايشوف الزين غير بالحريم ؟؟
يوووووووووووه
لايكون؟؟!!!
ولايكون؟؟!!
ولايكون؟؟!!!
يووووووووه عالافكار السوداء..الله يخليه لي يارب ...
ومرة حطيت قدامه صورة رجال مزيون ..ووقلت شف ياقلبي الزين هنا شوف كيف ربي محليه ومعطيه!!
الا وجهه يوم صار طماط ...وقال لي : من متى تناظرين بالرجال؟
يالب قلبي يغار علي ..........
ومرة شفت بزر يركض في السوق قلت شف شف الزين يركض على قدمين!!
قال اقول : انهجي بسرعه ...ترى انا ماني فاضي لسوالفك؟!!
شوي الا تمر مرة و بفتح الميم والراء من قدامنا ورقبته تلتلف 180 درجة ...ويقول لي شفي الزين ماهو البزر!!
زعلت بقوة
تدرون ليش؟
لانه ماوافقني الراي ويحلف لي ان المرة الي شفناها احلى من البزر الي شفته...طبعا هو ماشافه
ياليتكم شفتوها قسم ان البزر احلى والطف منها صحيح انها صغنونة وبيضاء ونعومة وعباتها حاشرة جسمها حشر لكن يظل البزر الي شفته ازين
اها
لايكون
ولايكون
ولايكون
لا لا رجلي ماهو براعي هالسوالف
كل الحكاية انا ماتفقنا هالمرة
ومرة صب المطر وبروق ورعود وقلت له شف الزين كيف بالطبيعه ...الله يالارض وهي مبتلة بالمطر!!
قال اقول : صكي الدريشة لايدخل علينا المطر وخلنا نرقد
شوي الا مرة تركض خايفة تبتل من المطر
وقلت يالله هالحرمة المسكينة عباتها ابتلت ..
ومايمديني اخلص هرجتي الا هو طامر على الدريشة يقول وينها وينها؟!!
قلت : منهي
قال : الحرمة المبتله
قلت : دخلت بيتها
قال: اجل صكي الدريشة وخلنا نرقد
عاد انا بديت اشك؟
لايكون
ولايكون
ولايكون
يوووووووووه رجعنا للافكار السوداء ....ياربي الى متى الشيطان يوسوس لي بحبيب قلبي
..اعوذ بالله من ابليسومرة دخلت البيت ........ولقيت؟
مرة
مرة
لاتنسون بفتح الميم والراء
مزيووووووووونة
قسم اني شكيت ان زينها بينطف
لقيتها على سريري .........مع رجلي
قلت وانا مذهوله: من هذي
قال : ياقلبي
كم مرة وانا اشوف الزين...واشوفه..
تعبت وانا اشوفه.
قلت هالمرة باذوقه.
قلت له :
وكيف طعمه؟
قال : شهد ........
قلت :
<<<لاتخافون هالمرة مصحصحه
قلت : والله لااشهد عليك الله وخلقه...ولاذوقك المر بضم الميم بدال الشهد ..ولااشوتك برجلي بكسر الراء ...
ولااخلي الزين الي اتدوره شين بعيونك ..لاني باقفعها لك...
>>بدري توها تصحى اختنا
طبعا الموووضوع منقول من العضوهـ هنادي بس اعجبتني وحبيت تشاركوني مره خفيفه دم
::::::::::::::::::::::::::::::::::::
بعض الحريم تشك وتشك وتشك ولاطاح الفاس بالراس قالت حصلت زوجي مع الشغاله او يخوني مع وحده او خاطب او او
المره بفتح الشسمه ومدري شسمه مثل ماقلتي مافيه اصدق من حدسها فمدري ليه تتجاهل هالاحساس
فتحو عيونكم وبطلو اكل فول وفكرو زين هذا والله اعلم < صح لساني