رجلي يبيني اطبخ ذبيحة ابي الطريقة

ذبيحه كااااااااااااااااااامله الحين من جد الله يكون بعونك خااااااااااصه إن كانت أول مره لك تطبخين خروف كامل000000بس لا تخافي عندي الحل وان أم محمد:
أول واهم شي لازم يكون عندك قدر خاص بذبيحة واحده (لأنو في قدر لذبيحتين وثلاث 000الخ) تحطين القدر على النار وتعبينه مويه عاديه(من الحنفية ليس مغلي)بشكل عامودي (إذا زاد الماء بيصرالمرق مااااااااصخ وهذا إلي اكييد ما بيبيه 000)
تحطين ألحمه وأحسن شي إنها تكون مقطعه أرباع أرباع ا(قوائم) في الماء وتتركيها لمدة ربع ساعة 0
افتحي الغطا وشيلي الريم وترميها من على المويه بالمغرفة وغطيها واتركيها إلى أن تغلي وتنضج ألحمه نصف استواء في هال حظه ملحيها بحسب الرغبة وفي هال حظه خذي السكين واعملي ثقوب على الهبر الموجود بالأفخاذ عشان يستوي 100% وبعد حوالي أربعين دقيقه تقريبا بتكون ألحمه جااااااااهزه والمرق يااااااااعيني 0
طلعي الحم من القدر وحطيه في صحن وغطيه إلى وقت غرف الرز0
إذا كنني حابه وأكيد المرق خذي بس لا تكثرين عشان الرز 0
إذا عندك وصفه للرز بتساويها كان بها وإذا بغيتي تسويه رز عربي من عيوني:
خذي الرز وغسليه100% وانقعيه قبل الاستعمال بربع ساعة حطي الرز في القدر بحيث يكون المرق يغطيه مسافة (3-4سم) واتركيه على نار معتدلة إلى إن ينضج الرز 0
إذا كان المرق قليل زيدي ماء مع شوي ملح ومكعب ماجي 0
وبيني وبينك بعض الرجاجيل يحبونه حبه واااقفه وبعضهم يحبونه لين شوي وهذا يعتمد على كميه المرق يزيد وإلا ينقص0

إنشاء الله أكون أعطيتك المعلومة الصحيحة حبيبتي وإذا بغيتي شي أنا جاهزة 0

السلام عليكم ورحمة الله وبركاته
جعله الله في ميزان حسناتكم
اذكر في مدرسة زوجها يحب يعمل عزايم وقاللها سوي خروف مشوي
طيب كيف السواة الحين وهي تروح المدرسة وتجي متاخرة
المهم
تقول علمتني حرمة كبيرة
حطي الخروف على الشعرة وروحي المدرسة ويوم بترجعين بيكون مستوي ولا بعد يباله تحمير ازيادة شوي طبعا على حسب ذوقك

بس عفوا شو يعني وفي هالة حظة

مشكوره عيوني 00غلطه مطبعيه اقصد وفي هذي اللحظه00 :D

الله يعينج .....انا زوجي راعي ديوانيه و كل شهر نسوي مفطحه حق الديوانيه هذا غير عزايم ربعه .......فابتكرت لي طريقه حدها سهله ..و تطلع عزيمتج من احلى ما يكون و كل الناس رح يمدحونج ...
اول شي غسلي الذبيحه عدل و شيلي الدم الاسود المتجلط ..خليه لا ذبحها يقص لج الرقبه بروح و الاطراف بروح ...
تاخذين الجدر مالج و حطي فيه ماي من الحنفيه و خليه يغلي ...
بعدين تاخدين بصله كبيره و تفرمينها و تحطين زنجبيل مفروم ..و بهارات حب ( قرنفل و دارسين و هيل وورق غار ) و حطي كركم و ملعقه من بهاراتج العاديه و حطي 4 حبات ماجي دجاج وياهم انا اسوي كميه جبيره فاحط 8 حبات ماجي يعني 4 علب في كل وحده حبتين
بعدين جيبي فلفل حار وحد و 3 لومي ...و حطي دهن يا ما يصير البصل يحمس جنه بطاط ...يعني تحطين زيت بالمقلاه كانج تبي تحمسين بطاط .. و احمسي البصل و الزنجبيل و البهارات كلهم ويا بعض ...
الحين يكون الماي غلى حطي المفطحه مقلوبه على بطنها ....لا تنسييييييييييييييييين و فوقها حطي الاطراف لانها مقطعه رح تستوي بسرعه و المفطحه تكون توها ....
و صبي فوقهم الحميسه مالتج و سكري ...بعد نص ساعه افتحي و ملحي ....
ترى اذا طلي صغير ما ياخد وياج وقت واجد ...نقعي العيش ..حوالي 5 كيلو ... حنا عزايمنا احط 10 تطلع وياي صحن كبير ابو كرسي و 3 متوسطين
المهم لا استوى شيلي الاطراف و حطيهم بصحن و غطيه لا ييبس ...شيلي المفطحه لا استوت و الحين جيبي لج مشخال و اشخلي الماي من البصل و اللومي و البهارات الحب ....لا شفتي دهن واجد شيليه بالقفشه بس مو كله عشان ما يطلع عيشج يابس
الحين كبي العيش ...تكوني منقعه كلاص ماي ورد وزعفران .....لا استوى العيش رشي عليه نصه...
الحين نرد للحم ..عقب ما طلعتيه من الجدر تدهنينه بماي ورد و الزعفران و رشي عليه شوي هيل ...و ذخليه الفرن شوي عشان يتحمر و اذا ما تبين مو مشكل لا تحطينه بالفرن عادي
الحشو ...بصل و كشمش عادي تحمسين البصل مع كركم و هيل و قرفه و دارسين و لومي شوي بس لا تكثرين رشات بسيطه ...و حطي الكشمش و صبي عليه ماي ورد عشان ينتفخ ...
الحين خلص العيش حطي فوقه اللحم و الحشو و سكري عليه يا ما تغرفين لهم
الرقبه قطعيها و سوي عليها مرق ..بطاط و قرع و باميا
و عاد جيبي لج معبوج و فلفل ....و لا تتعبين نفسج بالسلطه ترى ما حد ياكلها ..حطي لهم جرجير و ريحان ..ههههههههههههه
و انشاء الله تعجبج طريقتي
و ترى عندنا ذبيحه يوم الاربعاء بالبر ..الله يحييييييييييكن

ماشاءالله تبارك الرحمن عجبتني طريقتج اختي damaces 1

سهله وريحتها طيبه (( هههههههه تقولي شميتها )) بس مبين من الهيل والزعفران

باحاول اجرب اسويها في اقرب وقت

وعليكم بالعافيه عزيمة البر