رجل في البقالة اتحرش بولدي ولحقه؟!!!!!!

السلام عليكم


يا خواتي انا زوجة ثانية وزوجي يوم عندي ويوم عند زوجته الأولى واحيانا احتاج أغراض من البقالة وارسل ولدي يجيبها عمره 12 سنة هو من زوجي الأول وعندي من زوجي الثاني بنتين صغار سنتين ونص وستة أشهر
اليوم ارسلته البقالة يجيب لي أغراض وهو منتظر قدام المحاسب عشان يحاسبه ماحس الا بيد رجال يلمسه من وراء التفت عليه لقيه حاط نظارة شمسية ومتلثم ورجع لمسه من قدام من تحت خاف ابني ورمى الأغراض وهرب والرجال لحقه ومن حاره لحاره ومن لفه إلى لفه الين وصل ولدي بيتنا وهو يبكي ودق الباب فتحته لقيته يرتجف من الخوف حسبي الله عليه الله ينتقم منه
المشكلة انا في جدة والبقالات ماعندهم توصيل وماقدر اطلع كل مرة ومعي بناتي الصغار للبقالة وصعب احطهم في البيت واروح مع ولدي البقالة كلما احتجت أغراض وش الحل ساعدوني؟