رجل يتحرش في حارتنا ...ماذا افعل.

ساعدوني

السلام عليكم ...
بنات , ابغا اسألكم ...
سكنا في حارة جديده , وقالت لي احد البنات اللي ساكنين قبلنا انه فيه رجل متحرش واني لازم انتبه..انا طنشت على بالي مستحيل يسوي شي في مكان عام ,و بعد اشهر مرة كنت ماشية في شارع قريب من حارتنا ابغا اروح البقالة ,قام رجل بالتحرش فيني عن طريق لمس جسدي بيده و ذهب , لكني صرخت في وجهه , و رأيته غير مبالي و قمت لحقته عشان اعلم الناس عليه , وقام يجري و دخل في الحارات و لا عاد لقيته ,, فكرته خلاص تاب و ما عاد بيسويها ... شفته في يوم مرة ثانية , و الحارة كان فيها ناس ! و قام يمشي وراي !!...انا خفت و رجعت واجهته وقام هو غير وجهته و جلس يراقب من بعيد !....واضح انه متعود يضايق بنات الحارة ...الآن انا قررت ما اسكت , لازم اتصرف وابحث عن حل جذري بما انه ساكن قريب من حارتي فلن تنتهي المشكلة
أنا ما ابغا اهلي يعرفوا , الأهل تصرفاتهم احينا غير محسوبة , ممكن توصل لقتـ ـل ..الخ وبعدين الناس في الحارة بتصير تتكلم بما لا تعلم ..ألخ ..., أبغا احل الموضوع بشكل بعيد عن الأهل ...فكرت ابلغ الشرطة ...وفكرت اصوره ...لكن جالسة افكر اخاف الشرطة تقول بنكلم اهلك و انتي مين وووو الخ ..ونرجع لنفس المشكلة ,,,وكمان فكرت اكلم الشرطي و اشرح له اني ما ابغا انعرف , وبإمكانهم يراقبونه و يتابعوه عشان ينمسك بالجرم بالمشهود ,بس كيف بيراقبوه ؟ معقولة بيحطوا واحذ في الحارة طول الوقت ؟؟ مرة اقول اول ما اشوفه بصرخ وبلم عليه الناس حتى قبل يسوي شي... ...
في شي ثاني خايفة منه , انهم يمسكوه و بعدين يتركوه , ويرجع يشمخ و يسوي شي اكبر !..
وش رايكم ...ابغا افكاركم يا بنات ...
مرة فكرت اشيل معي صاعق كهربائي أو مسدس ..بس حاليا ماعندي ولا اعرف من وين يشتروه .الخانا بصوره , و بصور الدباب حقه , شفته مرة جنب دباب فاتح الباب , يعني معه دباب و عرفت وين يوقفه..لازم اسوي شي بما أني صرت اعرف شكله, حتى لو ما كان عشاني , لأجل الجميع و لأجل كل البنات اللي ضايقهم و تعدى على امنهم و على حرماتهم ..انا طبعي ما اسكت ابدا...حتى لو نقل و شفته مرة ثانية في اي مدينة او حارة اخرى ماراح اتركه لين القانون يربيه
12
916

يلزم عليك تسجيل الدخول أولًا لكتابة تعليق.

تسجيل دخول

___-__
___-__
ماشاء الله على قوتك اهنيك
وصراحه ماعرف كيف اتصرف بهذا الموقف لاكن انا اشوف انو لو تبلغين احسن وعادي اذا علمو اهلك مافيها شي
___-__
___-__
معلومة
اقوى سلاح للرجال هو : الصراخ :
منيـــرة
منيـــرة
المشكلة باجر لامسكوه يطلعونه مريض نفسيا ومسكين ومعاق ذهنيا ويلا تحملوه
بس احب اقول لج لو اشتكيتي مراح يطلبون اهلج ويبلغونهم بالعكس تنحل الامور بسرية لان هم عارفين مشاكل الاهل
فكرة التصوير من انسب الامور اللي ممكن تسوينها لكن هل بتقدرين توضحين شكله عالاقل فالتصوير؟ لان لو صورتي حتى لما تصرخين عليه ويشرد شردته دليل ان هو فعلا مسوي شي وخاف منه
ممكن بعد تقولين حق اللي تعرضت للتحرش انج تبين تشتكين واذا حابة هي تشهد انه متحرش، او تسألينها اذا تعرف بنات تحرش فيهم ممكن تقدمون شكوى جماعية
om areen 1
om areen 1
انا برأي التصوير مش حل لانه في دول بتعاقب على فكرة التصوير بحد ذاتها.. بتوقع بالسعوديه في تطبيق مره سمعت عنه هون بعالم حواء انه بتقدمي شكوتك بسرية تامه ما بعرف اذا انا متذكره صح ولا هداك شي تاني اسألي واستفسري وقدمي شكوى وهم بعرفو كيف يتصرفو مع هاي الاشكال
اصبع توكس
اصبع توكس
وعليكم السلام
المشكله محد تجأ فيكم وتعلم الرجال لان اذا عرفو الرجال بيجلدونه ويتأدب وان بعد ماطردوه من الحاره غصب … تقدرين تقولين لاهلك ان وحده تشتكي منه وجارتك نفس الشي تقول لاهلها