أحمد الله واشكره وأثني عليه
.... كافـل الأرزاق .. خلاّق الأمم
جل شآنه .. ما لنا رب ٍ سواه
.... موجد المخلوق .. كلّه من عدم
يا إله العرش .. يا من لا يضام
.... اسألك وأدعوك بأسماك العِظَم
إتفكني .. من شر عجز ٍ جايرات
.... هن تبلّني .. تقل طلاّب دم
كن لهن عندي على ما قال دين
.... محلّلات بجورهن ما قد حَرَم
غافل ٍ عنهن ولا فيهم دريت
.... لكن العِجْـز .. إمحنني بالتِهَم
أربع ٍ وافيتهن أمس الضحى
.... في طريق السوق يامال الوهم
ملتفت خلفي وإلا هن واقفات
.... أوقفن .. مشبهرات ٍ كالغنم
قالت الأولى : سمعنا قيل مات
.... و هذا هو حيٍّ يتركّز كالعلم
ما هقينا يقوم من ذاك المطيح
.... صاقعات ٍ تصقعه مسرع سَلَم
ما يموت بساع طرّاد الهوى
.... وإبليس ما يخرّب العشّة لو هدم
قالت الأخرى وهي صوبي تشير
.... إفطنوا له زين ما بقلبه رَحَم
من يبشرني بموته لو يموت
.... أعطيه ما املك وأكتب بالقلم
له على نفسي ولا هذا جزاه
.... من يفك العِجْز من هذا الصنم
الثالثة قالت وهي تمتاز غيظ
.... صدّدوه بسكة ٍ ... و بنتقم
نضربه يا ناس لين إنه يموت
.... نقطع الأنفاس .. منه و النِسَم
قبل يالانا ترى ماله أمان
.... وإن تولّانا .. ترى فينا حَكَم
ما بقلبه رحمة ٍ لو هو يقول
.... لو ينـال العِجْز خلاهن رِجم
الرابعة قالت : تراكن قاصرات
.... ما عرفتوا كلكم صرتوا غِشم
ذا جزاه بليل روحوا وإعزموه
.... وبرّقوا له بالغضي ترف القِدم
قولوا المجمول طرشّنا عليك
.... ملزم ٍ .. يبغيك هذا ما لزم
لي سِمع تطرون له صافي الجبين
.... ابرم الساقين مروّي الجسم
أدعج العينين يا ويله عليه
.... بنت ذاك وذاك تخدمها الخدم
يب يجي معكم في كل حال
.... وإظهروا له ف الطريق من الكرم
ولا دخل للبيت خل يكتب وصاة
.... نربطه و نزيد .. برباط ٍ عَسَم
وفي قصاميل السَعَف نركض عليه
.... نضربه لين إيغدي جسمه لحم
ذا جزا منهو يصير إلنا حَرِيب
.... من يعادي العِجْز يبشر بالندم
أنظر الصغرى بهم تسعين عام
.... عمرها والشيب بالراس إحتدم
تلتفت و تقول : سمعوا يا بنات
.... كلكم بالعِرْف من أهل العَزم
ساعدوني .. و كلنا نهجم عليه
.... هجمة المآخوذ في يوم الزَحَم
يحسبنّي بكل هذا ما دريت
.... وعن حكيهن يحسبنّي في صِمَم
ما درن إني لهن أكبر خَصيم
.... أترقّب .. كل فرصة وأغتنم
أغتنم لهلاكهن .. مهما قويت
.... و ودي يهلكهم وهن صمٌ بُكم
حيث موت العِجْز نفرح به جميع
.... جعلهن في النار تودعهن عَدم
إلتفتّ و قلت : يا عِجْز الطغاة
.... وش تبن بي واقفات ٍ كالبقم
تنظرن و عيونكّن مثل النذير
.... كم واحد ٍ منكم على غيظه كِظم
كنكم في الأرض صرتوا موكّلات
.... تدّعون الدِين و أشراف الذِمم
وين مِسباح العيارة في النهار
.... إتعلّقونه للتهلل " يا زعم "
في ظلام الليل كلكم تركضون
.... وفي نهار الناس تطوون العِمم
والله إني كامن بعرض الطريق
.... ناصب ٍ لكم الشرك يا أهل النِمم
ومن لقيته منّكم بجمد عليه
.... واستوي لقلوبكم مثل السَهَم
قالت : إرفق يا فتي عِلمك غَديت
.... ليش تنكرنا و حنّا من قِدِم
لك على المجمول حنّا مساعدين
.... كم ليلة ٍ جيناك تِسمعنا النَغَم
والحبيب اللي تبي معنا يسير
.... في ظلام الليل نجيب لك ترف القِدم
قلت ماني لقربكم والله حريص
.... من يقاربكم .. يقارب داب سِم
حيّة ٍ تسعين .. وانتي تلدغين
.... نملة ٍ تمشي .. على ريح الدِسَم
لكن الله لي كِشَف سترج زِتات
.... بكشف المخشوش وأظهر ما إنكتم
وأفضحج ما طول خلق الله وقوف
.... وأشهرج كالنار من فوق العَلم
قفّن القشرات .. و هن محندبات
.... راحن أربعهن .. يخفّون القِدم
إركضن و عبيهن .. خطر ٍ تطير
.... و المرافق تومي .. و ما ينوهم
مثل سِحّْر قِيس .. ولّن مدبرات
.... طارن السِّحَر .. وتَم القيل تَم
منقول
ورقة خريفية @ork_khryfy
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
العجز مايتركن احد
يسلموووو