رجيتكم لاتخلوني وعطوني الحل بسررررررعه

السلام عليكم ورحمة الله وبركاته كيفكم ان شاء الله بخير
انا داخله على الله وحده ثم عليكم وابيكم تساعدوني بموضوع كارثي
اقسم بالله هو شغلنا الشاغل ننام ونصحى واحنا هذا موضوعنا وكيف نعالجه ونحله وربي انا خايفه على امي يصير لها شئ من شد ماهي ضايق صدرها وقالت لنا انا بس ودي اطمئن عليكم قبل اموت
والمشكله ان كل شئ نسويه يتقفل بوجهنا
المشكله ان ابوي متزوج وحده سوريه من زمااااااان وهي جدا حقود وغيور وشرانيه حسبي الله عليها طلقها ابوي وراحت لاهلها كانت تضرب امي واخواتي لما كانوا صغار المهم رجعها بعد ترجي من اهلها..بعذرهم يبون يفتكون ويرتاحون منها وبلونا احنا فيها الله ينتقم لنا منها
من بعد هالرجعه وابوي قالب على امي جابت بزارين وعاشت عيشة احسن من عيشتنا
فتنت علينا وحشت راس ابوي علينا وابوي يسمع لها ويجي يهاوش ويلعن ويسبنا عند الناس هي عندها ولد واحد الله يحسبي عليه وامي عندها اثنين معاقين وابوي طبعا دايما يتشمت فيهم كانهم عيال امي لحالها
وااااااااااه وش اقول وش اخلي قسم بالله حالتنا حاله وربي شكينا وضعنا على داعيه وانها صاحت ورحمتنا
سوت فينا على مر السنين شئ شئ يشيب له شعر الراس..خواتي الي اكبر مني جاهم شئ بمراهقتهم فظيع
المهم احنا نشوف وضع ابوي ونبصم بالعشره انها مسويه له سحر بس نبي نتاكد..لانه وربي مهوب صاحي مستحيل اب يسوي كذا..ودايم اذا راحت سوريا ورجعت ابوي يشكي معدته وش معناه؟؟
الماضي والأشياء الكثيييييييييييييييييييييره الي سوتها لنا كووووووم والي بقولكم اياه بكووووووووم ثاني
.نسيت اقولكم وش سوت فينا بعيد الفطر هالسنه تخيلوا جايبه ابوي من الرجال وماسكه ايده تحفظه كلام ومخليته يلعنا ويهوشنا عند الناس والعالم حسبي الله عليها ونكدت علينا وامي جلست تصيح عند الناس هي ميته غيره و حسد منا هي منقهره ليش امي بنت حموله وناس بس مانفعها وهي الله العالم بأصلها..
تنبش بأخبارنا وتتهمنا بأشياء ماصارت ولاحصلت وابوي يصدق تتكلم علينا عند عماتي وكأنها تحبنا وتخاف على مصلحتنا
وربي العالم بنواياها..المصيبه الأعظم ان عماتي عارفين عنهاويسايرونها وساكتين خايفين من ابوي..
:angry2:
عندي عمين كلهم لاهين بأنفسهم ماينفعون بقرش..يعني المختصر رجال يدبروننا ماعندنا
تجيكم الكارثه الي تقطع القلب وتهد الحيل والوجدان وتغضب الرحمن بعرشه..جدتي قبل كذا شهر نقلت لبيت جنب بيت السوريه الجدار بالجدار وخدامتها مررره حنونه عليها والكل يحبهاا لانها قايمه فيها الا السوريه ماتطيقها ودايم تسبها
هي الخدامه اول ماجت ماراحت لجدتي على طول جلست عند السوريه شهرين يمكن بعدين راحت لجدتي...ودايم السوريه تسبها وماتأكل من اكلها وهي طبخها لذيذ والسوريه تجيب معها قهوتها وتجيب معها اكل والغريب بالموضوع انها ماتأكل منه واذا جوا بناتها معها مايأكلون بعد واحنا ماانتبهنا للموضوع الا قريب بعد ماحللنا الموضوع
مرت الأيام وخلصت فترة الخادمه وبقى لها اسبوع او اثنين وتروح وتمسك امي واخواتي وتقولهم انا لازم اقولكم الي شفته قبل سنتين اول ماجيت وجلست عندهم شفت شئ والله كأني جالسه عندهم سنتين من هول الي شفته وماكنت ناويه اقولكم ياه لأني مهدده بالقتل ان تكلمت بس زوجي يقول لازم تعلمينهم قبل تروحين.انتم طيبين ولاتستاهلون الي صاير لكم هاذي ساحره ولاعبه بكل اهل البيت وشفتها بعيوني وش تسوي:44:
مااقدر اكمل الحين التفاصيل والهوالات الي تسويها اكملها لكم بعدين بس رجيتكم ادعو لنا بالفرج.