مشكوووووره

بنتظااااااااااااااارك

البارت قبل الاخير بس لا تستعجلوون علي تكفوووووووووووووووون حتى اخلصها لكم اليوم بحول الله :-



بوقت الزيارة زارت نرجس الجازي وكان النونو عندها لفته نرجس بعباتها وشرردت وبعد لحظات لحقتها الجازي وشردوا من المكان


كله كان حمد وواقف باخر الشارع ينتظرهم ودخلوا البنات السيارة وكانت الجازي مرة تعبانة وحمد حتى ما ناظرها

سألته سمر : حمد وين بنرووح الحين ؟

حمد وقف السيارة وناظر سمر : الشارع وين يعني يالله انزلي بسررعه مابيك معنا !!

التفتت عليه نرجس والجازي شهقت ونهى المريضة غطت وجهها ماتبي تشووف شي سمر صرخت : انت اكيد مجنوون وين انزل وين اروح ؟


حمد وهو يشفط السيجارة : بالشارع قلت لك برررررررررى !!

ناظرتها الجازي : انزلي سمر انا معك يالله بنات كلكم انزلووا وش تنتظرون يسوي فينا اكثر من كذاا ؟

حمد شغل السيارة ومشى وصار يمشي بالديرة ما يعرفها والبنات هلكووا جووع وعطش ويبون يرتاحون والجازي حاضنه ولدها بحضنها


وقامت تبكي

فجأة وقف حمد عند حارة خرابة معفنة وبيوتها متهدمة وناسها اشكالهم غيرر وحياتهم غيرر وصار حمد كل شوي يوقف عند باب ويدقه


ويسأل عن شقة للإيجار وبالاخير لقى شقة ونزل البنات وطلع !!

نرجس وهي تبكي : يااربي وش اللي صار فينا ياربي ليش ليش ؟؟

الجازي حست انها تتحمل مسئوليتهم : نرجس سمر نهى ولا يهمكم لا تخافون انا معاكم .. نرجس امسكي الولد اللي حتى اسم ماله


وتعالي معي سمر


نزلت سمر مع الجازي وصاروا يدقون ابواب الجيران ويطلبوون عشاهم واكلهم وحنوا عليهم الجيران ويعطونهم بقايا الاكل والسفرة


الجازي وسمر دخلووا ع البنات بالاكل وانبسطووا وصاروا ياكلون والجازي كانت تناظر بالاكل ودمعت عيوونها

سألتها نرجس : وش فيك الجازي كلي معانا يالله

الجازي صارت تبكي بصووت عالي : انا مو متعودة على كذا وماعمري اكلت ع الارض ولا بيدي صرت الحين آكل فضالي الناس !!

نرجس وهي تضم الجازي : وكلنا امرنا لله حمد مو طيبعي يا الجازي مو طبيعي بس خلينا نصبر ونشوف آخرتها ..

جاء الصبح واستغربت نرجس يوم جتها الجازي وحطت النونو بحضنها وأمنتها عليه وقوومت سمر وطلبتها تروح معاها


مشت الجازي وسمر وصاروا يدقون الابواب بعضهم يفتح لهم والبعض يقفل والبعض يطردهم وصاروا يمشون لين طلعوا من حارتهم ودخلوا عالم ثاني


شافوا حارات نظيفة وناس مرتبين وشوارع نظيفة صارت تمشي الجازي لين دخلت مدرسة بنات ماهي مختلطة ودخلت ع المديرة وصارت

تترجاها انها تبي تشتغل عندها شغالة .. بالمقصف .. خدامة اي شيء وصارت الجازي تبوس يدين المديرة ورجولها وبالعافية رضت المديرة


ونسميها ابلة ياسمين : شوفي حبيبتي يبدأ دوامنا الصباح الساعة 6 وينتهي 3 مساءاً وش رايك ؟

الجازي تناظر سمر مبسووطة : مواقفة وما يهمني متى اروح ومتى ارد بس اهم شي اشتغل

سمر : لا ال.... قاطعتها الجازي : أم ريحانة .. سمر تكمل كلامها : ام ريحانة اسألي عن الراتب طيب !!


لا ما يهمني اهم شي اكسب رزقي واعطيكم ابيكم تاكلون وتشربون وصارت الجازي تبكي

ابلة ياسمين : اوكي الراتب 150 درهم

سمر : لا حرام مررة قليل ما يستاهل تعبها

قاطعتها ابله ياسمين : فيه غيرها تكفيهم ..

الجازي وهي تعض على شفايفها : موافقة متى ابدى الشغل ؟

ابله ياسمين : من بكرة استعدي وننتظرك بس حالياً روحي اتعرفي على زميلاتك الخالات والمعلمات وشوفي المطلووب منك


دخلت الجازي وهي مستحية ع المعلمات وناظرت اللبس والضحك والاناقة والراحة باينه بعيونهم وهي يا حسرة قلبي كانت لابسه روب


الحمل حقها ولها اسبوع ماغيرته وكله ريحة معفنه وشعرها معفووط ونافش ولامته بشباصة اغلبها مكسررر وعيونها متوجة بسواد ورموشها


طويلة تجنن كلها دمووع ويدينها من زمان ما غسلتها اظافرها الطويلة الناعمة اللي كل شهر تسوي لها بديكير ومناكير كلها وساخة وسواد


وصندلها مقطع من كثر ما تمشي عليه وحالتها تبكي العدو والصديق

سلمت على المعلمات وهي تستحي انهم يناظرونها وجاها سؤال وحدة : انتي صغيرونه وحليوة وش حادك تشتغلين هنا ؟

هزت الجازي رقبتها بمعنى : ما ادري !!

استمر الوضع اسبوعين تقريباً والجازي تجي من الفجر وتطلع آخر وحدة وتوصل وهي هلكانة وصاروا المعلمات ما يقصرون معاها


يوم تجيب معاها ملابس ويوم غداء ويوم خبز ويوم عصاير والبنات جالسين بالبيت ينتظرونها لين ترد لهم ولدها فديته ساكت حتى هو ينطرها


وحمد لا تسالون عنه عايش بعالم ثااني .. وصار بس يسكر ومخدرات وحبوب وتااجر وحالتهم من سيء لآسووووووووووء



سعود وهو ماسك شعرهـ : يمه بنجن بنجن بيتهم خالي مافيه احد واغراضهم مثل ماهي حتى شناط الجازي بمحلها واوراق حمد

وسألت الجيران يقولون ما يدروون عنهم وش اسووي يمه قولي لي ؟

ام سعود وهي تبكي : والله مدري ياسعود يا كسر ظهري اذا صار لبنتي شي

شهد وهي تتفرج : بلغ الشرطة !!

سعود : ماكوو حل الا كذا بروح ابلغ واللي يصير يصيررررررررر

ام سعود : تبي تفضحنا انت ؟ وش بيقولون الناس وعمتك شيخة ؟ والله غير تخلينا علكة بحلووق العالم خلونا ننطر شووي وربي يسهل


الاموور ياارب ..


مرررررررررررررررت الشهووور وصار نونو جازي يخطي خطوات يبي يمشي وسمته الجازي باسم علي على اسم جدهـ ابو ابوهـ


وكل يوم تزيد علاقة البنات مع بعض وبيووم تعبت نهى وارتفعت حرارتهاا وكان حمد متسطح كعادته :


نرجس : حمد قووم الحقنا نهى حرارتها مرتفعة وصارت تستفررغ وماندري وش نسووي لها يالله نوديها الطبيب يالله حمد


حمد مترنح : انتي وش تقولين ؟ اي طبيب واي مستشفى اقوول اطلعي من راسي احسن لك


جاته الجازي وهي تصارخ عليه : انت ماعندك دم ؟ ماتحس ؟ تقول لك اختك مريضة هذا ردك عليها ؟

قررب حمد من الجازي ومسكها من حلقها وصار يخنقها بقوته : انتي بالذات تاكلين تبن فهمتي


وصار يخنقها والجازي تتفلت منه ما قدرت الا يوم اخذت سمر حديدة كانت مرمية بالحووش وضربت راس حمد باقوى ماعندها وطاح


حمد مغررق بدمه واغمى عليه


صاروا البنات يبكوون وما يدروون وش يسوون والسيارة حقت حمد عند الباب ويبون يفتحونها عجزووا وما لقوا مفتااح

قامت الجازي شالت ولدها واخذت البنات الثلاثة وصارت تمشي لين ما وصلت لباب مدرستها والحين الساعة ثنتين الفجر وصارت هي


والبنات جالسين ع الباب ونهى حرارتها صارت ترتفع وما باليد حيلة والساعة سته بدوا المعلمات والطالبات يجوون وراحت الجازي تعلقت


بوحدة من المعلمات توسمت فيها الخير وصارت تترجاها بس توصل نهى للمستشفى لانها تعبانة ومن التعب صارت تهذي وترغي وتزبد

ويوم شافتها الابله على طوول اخذتهم كلهم ووصلتهم للمستشفى وطلبوا تنويم نهى بالعناية المركزة لان الحرارة أثرت عليهاا

المعلمة : قوموا معايه يالله بنات

البنات رفضوا يبون يجلسون يتطمنون على اختهم

وبعد الحاح من المعلمة اخذتهم لبيتها واعطت كل وحدة ملابس وغيارات ودخلتهم دورة المياهـ وتسبحووا وتنظفووا وجهزت لهم فطور


مدري عشاء مدري غداء لانهم من امس ما ذاقوا شي وصارت تسولف معاهم تبي توصل شلوون وصلوا للحالة هذي ويوم حكوا لها قررت


تشتكي حمد بالشرطة وهنا البنات خافووا وبس التهت عنهم شردوووا من البيت ورجعوا المستشفى والصدمة هنااك




















نهى توووووووووووووووووووفت جاها نزيف بالدماغ من اثر الحرارة وتووفت


البنات كانوا متوقعين هالشي ورجعووا لبيتهم المعفن المهجوور يجروون اذيال خيبتهم وحزنهم على اختهم ويبون يشوفون حمد وش صار

له وما لقوهـ بالبيت طاالع بس الارض باقي مبقعة بالدم

مر يوم


يومين


ثلاث ايام

لا حس ولا خبر من حمد والجوع تمكن من البنات والنونو كل شوي صوته ينكتم من الجووع وقررت الجازي ترجع للمدرسة وتجيب


لهم اكل يعني بالعربي بتشتغل شحاذة !!!!!!


مرت على المديرة اللي طردتها شر طردة وصارت تهزأها وتسبها ليش تغيب يومين عن العمل


المعلمات وقفووا معاها والابله اللي ساعدتها اعطتها نصيحة : انتم فيكم مس او سحر او عين انصحك تروحين لمطووع !!

الجازي طنشت الكلام وصارت تلف بالشوارع تمد يدها للي يسوى واللي ما يسووى وتطلب النااس ويعطونها مررة ويطردونها مرات


وياما تعرضت لتحرش من الشباب خصوصا انها جميلة وجذابة !!


بيوم طلعت الجازي وصارت تلف وتلف وتشحذ ما لقت احد يمد يده لهاا وغابت الشمس وما قدرت توفر لقمة تاكلها هي والبنات وولدها


ورجعت وهي يائسة وماتدري وش تسووي ولقت نرجس وسمرر يبكوون



هي ما تأثررت ولا بكت لانها عرفت


ان ولدها مااااااااااااااااااااااااااااااااااااااات !! وما تكلمت ولا شي



دخل حمد كعادته ومن شافته الجازي نطت عليه وصارت تضرربه وتصارخ وتضررب وتتكلم بصوت عالي بكلام محد يفهمه



وحمد مفهي مايدري وش تقووول


يوم تعبت الجازي من الضرب والبكاء والصراخ طاحت ع الارض وصارت تئن وتنادي ولدهاا


حمد حط راسه وناام



الصباح



سمر انا بطلع اليووم وبجيب لكم اكل انتبهي على الجازي وما راح اتأخر طيب !!

سمر : طيب يا نرجس بس انتبهي لنفسك تكفين


نرجس طلعت وصارت تلف ع الحواري وتدق الابواب تبي بس لقمة عيش تسد فيها جوعها وجووع البنات وبالصدفة :

^

^

كملي الله يوفئك شوئتيني أكتر

الصراحة هذا مو اسلوب تشويق اسلوب تعذيب
يالله استسمحكم وبعد شهرين ثلاثة أن الله أعطانا عمر ارجع اقرأها ....ويمكن ما كملت بعد