مشكوره اختى BB
بس بغيت اسال يصلح تعمل فيه وحده فيها سكر حمل ولا لا هالرجيم

جزاك الله كل خير

والله انا اللي اعرفه انه الحامل ما يصير تسوي ريجيم ؟؟؟؟؟
وانه الوزن اللي تزيده الحامل يكون (( 16 )) كيلوووووو

اختي الله يقومك بالسلامه
والريجيم للحامل مو زين انا سمعت معلومه بس ماادري عن صحتها ان الريجيم في الحمل وخصوصا الاشهر الاولى يسبب تشوهات للجنين وبعدين وزنك مو ذاك الزود عشان تقول الدكتوره كذا تدرين انا وحده من صديقاتي وزنها 99 ونفس طولك مع ذلك الدكتوره ماقالت لها شي عن وزنها وبعدين خلي الريجيم بعد الولاده بس لاتكثرين اكل مو لدرجه الريجيم صحة البيبي اهم وكم كيلو تقدرين اتنزلينها
والله يقومني ويقومك بالسلامه

والله انا اللي اعرفه انه الحامل ما يصير تسوي ريجيم ؟؟؟؟؟

السلام عليكم ورحمة الله وبركاته...

أخواتي أنا يوم أعطيت الأخت هالنظام مو على أساس أنه رجيم بالعكس هذا غذا متكامل وفيه كل اللي يحتاجه الجسم من بروتين وفيتامينات ونشويات والماء طبعا أهم شئ.

ويوم نصحتها انها ما تاكل من برع وبالأخص الوجبات السريعه هذا لمصلحتها ومصلحة جنينها، وما يخفى علينا كلنا أن الوجبات السريعه ما فيها فايدة ومضرتها أكثر!!!!!!

وهذا النظام أنا اتبعه لله الحمد وما شفت منه أي مشكلة، ويبقى كل واحد بكيفه واللي يريحه.
وأنا معاكم أنا الرجيم مضر للحامل وهذا النظام مو رجيم..

أما الأخت المتجوله للفائده نعم يصلح للمرأة اللي فيها سكر مع تخفيف الفواكه الى فاكهه وحدة في اليوم والأكثار من الخضار كالخس والخيار والطماطم أما الجزر فيحتوي أيضا على نسبة من السكر فيفضل الإقلال منه.

الخبز نصف خبزة أو شريحة وحدة من الخبز السليس نصف كوب من الرز مع الأكثار من السلطات واللحوم ولا تنسين الماء.

والله يتمم حملي وحمل كل أخواتي بمنتدى حواء على خير إن شاء الله ويرزقنا بالذرية الصالحة.

ونصحية وعن تجربة أمتنعو منعا باتا عن تناول البطيخ والشمام والجح في فترة الحمل لأنه خطر على الجنين، لأني أكلتهم بحملي الأول وخسرت جنيني البكر، وانا لا أرغب ان يصيب أي وحدة ما صابني، ويبقى كل وحدة بكيفها..

الله يتمم حملي على خير اللهم آمين ويكحل عيني بشوفة جنيني بصحة وعافية كامل الخلق والخلقة اللهم آمين.