رجيم الكيتو دايت

الكيتو يعتمد على الدهون ما حبيته ولا اعتقد إنه صحيح كحمية
لكن الرجال ناسبهم كثير لأن سهل عليهم وينزلون بسرعه
قريبة زوجي كبيرة بالسن كانت ٩٥ وبشهرين صارت ٧٧ لكن كبرت سنين زياده هد حيلها
وولدها شاب سواه نزل ٣٠ كيلو وبخير
طبعا الحمل والولادة والتعب ونقص الفيتامينات عند الحريم تأثر بالصحه
عكس الرجال راحه جسديه

قريت عنه كثير عجبني وشفت تجارب كثيره ناجحه
لكن ماجربته اغلب اللي جربوه جاتهم دوخه
وانا معي من الاساس دوخه اخاف تجيني وقت مايكون زوجي مداوم واطيح ماحد يدرني عني

سبق قلتها والحين اكررها اذا هدفك من رجيم الكيتو انقاص الوزن وليس علاج مرض معين فما انصحك تطبقينه
خاصة انه يحتاج صبر ودقه في التنفيذ واستخدام بعض المعادن والفيتامينات والاملاح لان الجسم يفقدها بشكل كبير بسبب كثرة شرب الماء
وبالمقابل انتي قادره تخففين وزنك بدون ماتصعبينها على نفسك برجيم الكيتو اللي انتي اساساً ضد فكرة عدم وجود النشويات فيه يعني هذا اول مؤشر لك انك ماراح تقدرين تواصلين فيه
ومثل ماقالت سبات مجرد فكرة انك تخففين كميات اكلك راح تنحفين اكيد مع الرياضه
جربي طريقة اكل نص كمية الوجبه اللي كنتي تاكلينها بالعاده خاصة النشويات ركزي انك ماتكثرين منها
وعوضي هذا النقص في كمية الاكل بإنك تشبعين معدتك بطبق سلطه خضراء كبير مع كل وجبه
وغيري طريقة طبخك بحيث انك ماتكثرين شحوم ودهون في الطبخ واستبدلي القلي بالزيت بإنك تشوينه او تسلقينه
واستبدلي البطاطس والذره بالخضار الغير نشويه مثل الكوسا القرنبيط البروكولي الفطر الباميه الباذنجان
واستبدلي الخبز الابيض بمنتجات النخاله او البر او الشوفان عشان فيها ألياف مشبعه
واذا طلبتي من المطعم مشاوي او ساندويتشات كلي منها لا تحرمين نفسك لكن خليك على نفس الوعد والمبدأ انك تاكلين نص الكميه اللي كنتي تاكلينها بالعاده واشبعي معدتك بطبق سلطه
وحتى العصاير والالبان والاجبان نص الكميه فقط
كذلك السكر اذا ماقدرتي تقطعينه استخدمي نص الكميه او استبدليه بسكر ستيفيا
وخذيها مني من اول شهر بتفرحين بالنزول وبتتشجعين تكملين شهر ثاني وقتها راح يلاحظون الناس رشاقتك ويقولونها بوجهك وبتفرحين وتحسين بالفخر وبتحسين ان الموضوع كان اسهل من اللي كنتي تفكرين فيه
اما الرياضه انصحك تفتحين اليوتيوب وتبحثين عن الزومبا او الخمسه ميل او اي مقاطع لحرق الدهون غير الاجهزه الرياضيه