- السلام عليكم ورحمة الله وبركاته نظام اللقيمات المطور
هو عباره عن من 5 إلى 6 لقيمات غير وجبه اللا محاله
اولا ليه اسمهم لقيمات واسمها لا محاله
دكتور محمد الهاشمى ربنا يجازيه عنا خيراً ويرزقه السكن فى المدينه المنوره وبعد عمر طويل الدفن فى ارضها اقتبس النظام من حديث نبوى
رواه المقداد بن معد يكرب عن النبي - صلى الله عليه وسلم - أنه قال: (ما ملأ ابن آدم وعاء شراً من بطنه، بحسب ابن آدم لقيمات يقمن صلبه، فإن كان لابد فاعلاً فثلث لطعامه وثلث لشرابه وثلث لنفسه) رواه الترمذي وحسنه.
فسمى الوجبات الصغيره لقيمات وهى بتدل على صغر حجم الاكله
وسمى الوجبه الكبيره لا محاله وهى اقصى حجم للمعده
نرجع للنظام
هو من 5 الى 6 لقيمات بين كل لقيمه والتانيه من ساعتين الى 5 ساعات
واللقيمه عباره عن 2 كوب مياه + نص الكف اكل +نص كوب اى مشروب (اختيارى)
ووجبه اللا محاله ممكن تخديها مع غدى اسرتك او لو بتجوعى بالليل تخديها قبل الساعه 11
وهى عباره عن كوب ونص اكل صلب (نص كوب نشويات او نص رغيف بلدى +نص كوب خضار مطبوخ من البيت عادى + ربع فرخه او حته لحمه قد الكف او 2 سمكه وسط أو 2 بيض مسلوق) +كوب ونص سوائل (كوب ونص سلطه او كوب سلطه ونص شربه او نص سلطه ونص شربه ونص مشروب ) +قطعه حلوى قد علبه الكبريت
بين اللقيمات
* اى مشروب بدون سكر او لبن مش لقيمه
* ممكن من مكعب الى 8 شيكولاته لو شعرتى بجوع بس متقسمين على اليوم مش كلهم مع بعض
* مفيش ممنوعات اى نوع فاكهه ممكن تخديه اى نوع اكل كذلك المهم الكميات
* الكوب اللى بنعاير بيه 220 ملى مش مج كبير
* عند الشعور بجوع ممكن اخد 3 لوز او 5 سودانى مش مملح
* مهم جدا شرب 8 اكواب مياه يوميا وممكن اكثر
* قبل اكل اى لقيمه لازم نفتكر الايه الكريمه
"وكلوا واشربوا ولا تسرفوا انه لا يحب المسرفين "
ميزه النظام انه مش بيحرمنا من اى نوع اكل فبالتالى مفيش حاجه اسمها ممنوع ولا يوم مفتوح وبنزل امثله للقيمات والوجبه المفرحة
