كلام ايجابي جميل لي ولكم


ويارب يحمسني ويحمسكم واعمل به وتعملون به




القاكم باذن الله الليل ومعي انجازاتي الجميلة يارب




يارب ماازيد على نقاطي
ويارب اخلص المويا الترين
ويارب اني اتريض




ان شاءالله راح اعرف وتعرفون الليل موعدنا
نشوف كنت قد يومي اولا🧐😁

صباح الخير :)

امل يا امل
الرقم كل ماله يزيد!
خلاص ستووووب
شدي حيلك و التزمي قد ما تقدري لازم تتخلصي من عالم ال80

رجيمنا الجديد البسيط السهل اللي ابغا اقترحه عليكم
تحتاجو فيه ميزان الطعام
اسعاره من 20 ريال الى 100 ريال
وكلها تؤدي نفس الغرض
يعني خدي ابو 20 و حافظي عليه رح يعيش معاكي ان شاء الله
المهم نجي لرجيمنا
حناكل 5 وجبات >> رح تقل الكمية في الاسابيع الجاية
فطور- سناك - غدا - سناك -عشا
كل وجبة عبارة عن 720 غرام>> رح تتغير الكمية كل اسبوع
بين كل وجبة و الثانية 3 ساعات >> رح نزيد الوقت كل اسبوع
الرجيم مرة سهل و مررررررررة مافيه حرمان
ميزانك معاكي على السفرة
لا تقولي انكسف ولا استحي احط الميزان قدام الناس
ترى اللي يكسف اكتر الوزن الزايد و الشحوم المرعبة من كل جانب غير الكرش حكاية تانية!
المهم
تحطي الميزان و فوقه الصحن بعدين تشغلي الميزان عشان لا يحسب وزن الصحن
رح يطلع الرقم صفر
ابدأي اغرفي في صحنك مما لذ و طاب الين تشوفي الرقم 720غرام و توقفي
كبداية مافي شي ممنوع كلي مقالي مشاوي حلى اي شي مو مشكلة بعدين رح نحط قائمة للمنوعات بالتدريج
طبعا لو حابة تشربي شي مع ال720 غرام
مسموح لكي كوب واحد اي شي شاي قهوة عصير ..الخ اللي تبغيه المهم كوب فقط
مثال عن يوم كامل:
الفطور الساعة 8 الصباح:
صحن يحتوي على 720 غرام فول و فلافل و تميس و جبنة + كوب شاي بسكر
بعد 3 ساعات سناك الساعة11 الصباح :
صحن يحتوي على 720 غرام شيبس و شوكولاته و معجنات و قهوة عربية و ياسلام ههههههه
بعد 3 ساعات الغدا الساعة 2 الظهر:
خدي كوبين قبل الغدا بنص ساعة>> ( شاي اخضر + زعتر الخاص للشرب زي اكياس الشاي مو تبع الاكل) بدل مشروب الكرش
صحن يحتوي على 720 غرام رز و لحم و ايدام و سلطة و كوب عصير
بعد 3 ساعات سناك الساعة5العصر:
صحن يحتوي على 720 غرام شيبس و شوكولاته و معجنات و قهوة عربية و ياسلام مرة تانية :)
بعد 3 ساعات 8 العشاء حتاكلي وجبة العشاء:
صحن يحتوي على 720 غرام صامولي و نواشف او حتى شاورما او بروست
المهم الكمية بالوزن بالتمام لا تزيدي + كوب بيبسي >> مدلعتكم هذا الاسبوع :)
و خلاااااص تقفلي فمك قبل النوم ب3ساعات يعني حتنامي 11 تقريبا خلاص تكون اخر وجبة 8 العشاء
المهم اضبطي مواعيد الوجبات من ساعة ما تصحي من النوم الين قبل النوم ب3ساعات>> حنزيد الوقت في الاسابيع الجاية
لازم تنامي و انتي مو شبعانة
ما نحتاج اي طاقة و احنا نايمين ولا تقولي حتحسي بدوخة اساسا انتي نايمة هههه
الا اللي عندها مرض السكر او حامل لا تطبق الفقرة دي
كدا انتهى رجيمنا الجميل باقي عليكم التطبيق و كتابة يومياتكم و عليا متابعتها
هذا النظام بالراحة ينزلك 4 كيلو كل شهر بدون اي حرمان
مين حابة تبدأ معايا؟