رجيم ام هديل مين سوته

اول ماقرأت موضوعك قلت لنفسي مين أم هديل هل هي اخصائيه تغذيه او دكتوره
وايش هو الرجيم اللي تتكلمين عنه
رحت بحثت بقوقل وجابني لمواضيع قديمه بعالم حواء وفهمت ان ام هديل عضوه ليست طبيبه ولا اخصائيه
والرجيم عباره عن شرب 5 قوارير ماء كل قاروره سعتها نصف لتر
وبعد ساعه من شرب كل قاروره ياكلون او يشربون صنف معين

بعد اول قاروره يشربون قهوه
بعد الثانيه 3 بيضات
بعد الثالثه شوربة كوسا
بعد الرابعه زبادي قليل دسم
بعد الخامسه ماتاكلين شي وتنامين
واللي فهمته ان الرجيم مدته 10 أيام
وحسب اطلاعي على اغلب انواع الرجيمات احب احذرك من الاستمراريه على هذا النظام لانه فقير جداً بالبروتين اللي جسمك يحتاجها بشكل يومي للمحافظه على العضلات وغيرها من العمليات داخل الجسم .. ومعروف انه اذا العضلات ذابت يتعطل الحرق ويتدمر
هذا غير خسارة جسمك للفيتامينات والمعادن والاملاح بدليل انك جالسه تحسين بالدوخه لان جسمك بدأ ينهار ماعنده وقود يقويه على القيام بوظائفه داخل الجسم وبدأ يحصل معك انخفاض بالضغط انتبهي الله يسعدك كل شي يتعوض الا الصحه
ومكونات هذا الرجيم خاليه من النشويات يعني تدخل جسمك في مرحلة الكيتوسس اللي بالرجيمات البروتينيه مثل الكيتو ودوكان واتكنز ودشتي وهذا شي خطير انك تطبقينه بطريقه غلط غير مدروسه ممكن تتضرر عندك المراره والكلى
هذا غير انك لما تضطرين تقطعين الرجيم مجبره لان صحتك تدهورت او خلاص طفشتي منه للاسف وزنك راح يرجع دبل وخلال فتره قصيره


المهم اذا انتي حابه هذا الرجيم انصحك تعدلين عليه

يعني فطورك خليه بيض لكن اضيفي جنبه ورقيات خضراء وقطعة توست بر او نص صامولي بر
غداك بدال شوربة الكوسا لحالها ممكن تنوعين مره قرنبيط مره بروكولي او باميا او باذنجان او فطر مع شريحة لحم او دجاج او سمك او روبيان اطبخيهم مع بعض بالطريقه اللي تناسبك مشويه او بالطماطم او حتى مع رشه خفيفه جبن ومايمنع انك لو اشتهيتي رز تاكلين 4 ملاعق
العشاء ممكن تستمرين على الزبادي لكن اضيفي معاه خيار او خس ، وممكن ايام ثانيه تغيرين تاكلين تونه مع سلطه او تسوين لك سلطة السيزر مع نص صدر دجاج مشوي
وانصحك بشدة تاخذين من الصيدليه حبوب فيتامينات ومعادن متعدده
انتبهي من الرجيمات العشوائيه الغير مدروسه

لا لا رجيمها هوا
برتقاله و زبادي و موزه

شفت موضوع الزبادي والموز والبرتقال هو واللي كتبته انا بالرد كلهم لنفس العضوه
وللاسف رجيم الموز والبرتقال والزبادي اكثر اجرام من الرجيم الثاني اللي كتبته
هي مجرد عضوه عاديه اجتهدت وجالسه تجرب وتطبق مع العضوات بدون معلومات كافيه
واكيد الموضوع قديم جداً يعني هذاك الوقت ماكان في وعي كل وحده تخترع لها رجيم وتجي هنا تجمع لها بنات يطبقونه معاها