رجيم سليم فاست (slim fast )

السلام عليكم

جبت لكم هالرجيم منقول للإفاده

رجيم سليم فاست

سليم فاست= منتجات امريكيه وجبات بديله للرجيم تلقونها بسوبر ماركت

والاكيد بسفواي(اسواق التميمي )

رجييم سلييم فاست
وهذي الطريقه للي يبي يلحق علي في عالم الرشاقه والجاذبيه

الفطور: لوح شوكلاته سلم فاست أو علبة من شراب سلم فاست + كوب قهوة بدون سكر

وجبة خفيفة: حبة فاكهة طازجة أو زبادي قليل الدسم أو أونصة واحدة من جبن قليل الدسم

الغداء: لوح شوكلاته سلم فاست أو علبة من شراب سلم فاست + حبة فاكهة طازجة

وجبة خفيفة: لوح شوكلاته سلم فاست أو شوربة قليلة الدسم

العشاء: قطعة لحم مشوية أو قطعة سمك مشوي أو بطاطا مشوية + خضار مسلوقة + سلطة فواكه

وجبة خفيفة للسهرة: صحن صغير من الفشار المطبوخ دون زيت أو بسكويت مملح خالي الدسم

منقول من تجربه واحد قريتها بأحد منتديات وتجربته هذي

بسم الله الرحمن الرحيم
الحمدلله

عندي خبر حلو
حلو حلو حلو
بالنسبه لي طبعا
وهو المفروض يكون خصوصي
بس انا نويت اخليه عمومي ...ونشتغل بقسم لوحات السيارات
وش خصوصي وعمومي ؟؟؟
ماعلينا

نرجع للخبر

قبل عشرة اشهر تقريبا
او بالاحري يوم ميلادي العام الماضي ... 23 فبراير
كان وزني 116 كيلو
دب والا ؟؟؟
دب بقوه
الحين اقولها علي نفسي
والا زمان ازعل لااحد قالها
لاحد ياخذها فرصه ويقول دب والا تري .... ابقول لابوفهد

عموما
بعد يوم ميلادي ... قعدت اقلبها يمين يسار
ياولد ... انت لمتي بتقعد دب ؟؟
لو بيوم تزوجت .. وجوك عيال ... وحد من عيالك سالك ..انت ليه دبه يابابا ؟؟؟ وش اقول له
او ... صحتي ...
صعب الجري..وصعب النط
قعدت فتره اقلبها براسي واخر شي قلت ياولد
سو رجييم
وفعلا بديت الرجييم
سجلت بنادي ... قلت نادي اي كلااام بس... اشوف نفسي اول شهرين وش باسوي
ويوميا صرت اروح للنادي
اقضي ساعه وحده بس
وارد البيت وانا متروش عرق وحالتي يرثي لها وماتسر
بس الناس اللي بالنادي كلهم اجسام ... وعضلات
الواحد فيهم قنبله عضلات
وانا قنبله شحم
الله يرحمك ياابوي ...كان يقول الغربه المفروض تنحفك ماهي تفردك يمين ويسار ...
الله يرحمه
السته اشهر الماضيه بديت اصير انسان شبه طبيعي
صرت اشوف ناس امتن مني
دبب ... اطالع فيهم واتذكر
صرت اقضي ساعتين بالنادي
جري واثقال وسباحه وسونا
احيان اطقها اربع ساعات
الحمدلله الحين
وصلت للوزن اللي ابيه
70 كيلو
خلاص ماعاد فيه مئات بالمررررررره
الا اذا حسبناها بالباوند
بالباوند ياطويل العمر والسلامه اصير 161 باوند
يعني نزلت من 266 باوند الي 161
وهذا لحاله ...يبيله حفله
ها مااسمع حد يبارك لي ؟؟؟
عموما
انا جربت عدد من الرجيمات
رجيم الشوربه الحارقه ... رجيم الكيميائي ... رجييم مايو كلينك
وكله خرااط فاضي
صحيح ينقص الوزن بسرعه
لكن مامن توقف حتي تفرد من جديد
والرجييم اللي استفدت منه ومحافظ علي وزني حتي لو اخذت اجازه منه
هذا هوه
رجييم سلييم فاست

اتمنى انه يعجبكم :)