رجيم للحوامل من تساعدني ادعي لها بالشهر الفضيل

حبيبتي لا تعملي ريجيم
لكن خلي أكلك متوازن ابعدي عن الحلويات وكثري بروتينات واعتدلي في النشويات ،،
أو استشيري طبيبك أفضل 🌹

مافيه شي اسمه رجيم للحوامل
يالغاليه في شي اسمه
غذاء صحي للحوامل
الحامل لازم تاكل عشان الغذاء يوصل الجنين ماتحرم جنينها من المفيد سوا هالمفيد كثرتي منه
المفيد مايسمن مستحيل المفيد يسمن
دايم نقول للحوامل الحامل مالها رجيييييم لها اعتدال بالاكل الصحي والامتناع عن الضار
اللي بس سد جوع ونفخ للام بس الجنين لا يستفيد ولا شي
مثل المكرونه والرز والخبز الابيض والفطاير والدقيق الابيض (النشويات) وش فايدتهم للجنين
مايستفيد منه ولا يوصله لانه الحنين محتاج فقط
فيتامينات - وبروتينات
حديد - كالسيوم
وين هالاشياء بالنشويان
النشويات ممنوع النفساء تاكله فترة النفاس لانه تسمنها وتنفخها
لازم تاكلين بدال الخبز الابيض - خبز بر
بدال الدقيق الابيض - دقيق بر
الفطاير سويهم بالبر
السمبوسه سويهم بالبر
البر مفيد بالرجيم لانه مليان الياف والحامل محتاجه اللياف بشكل كبيييييير
قلي لا زيوت ماتستخدم مافيها الا تعب معده وحرقان وامراض
سوي السنبوسه بالفرن زي الفطاير شوي
الدجاج شوي
قلي ممنوع نهائياً القلي يتعب معدة الحامل ويزيد الشحوم
كثري خضراوات وفواكهه لانهم مليانات فيتامينات يحتاجها الطفل ببطن امه
لو تاكلين كل ساعه فواكه وخضراوات ماراح تسمنين ولا ينفخون لان الفيتامينات مستحيل يزيدون الوزن
البروتينات باللحوم وخلصه الدجاج والاسماك
اللحوم الحمراء ممنوعه مليانه دهون وصعبة الهضم
اما البيضاء خاليه من الدهون وسهلة الهضم
لو تسوين سلطه وتاكلين كل شوي
بس ابعدي عن المايونيز والخلطات اللي فيها زيوت
استغرب من بعض البنات ( ياي سلطه رجيم وتصب عليها صلصه خليط ) وين الرجيم وين الصحه هنا تبي النحف وتصب على المفيد ضار
يكفي ذرة ملح وعصير ليمون وفلفل اسود على السلطه
وسلطة فواكه سريعه ولدىذيه اي فاكهه عنده قطعيها مع بعض وروعه
فيتامينات وحديد مليانه
الشاي والقهوة وش فايدتها مالها فايده غير ضرر للجنين
كولي ولا تجوعين نفسك لازم الحامل تاكل عشان وزن الجنين يزيد ومايزيد الا بالفواكهه والخضراوات لانه مخزن الفيتامينات والبروتينات
والتمررررررررر احرصي عليه حاول تاكلينه يوميا بكثره
لانه التمر فايدته اكثر شي بالعقل يزيد ذكاء الطفل
ومو بس عقله جسمه كله بس عقله اهم شي التمر مليان فوائد لاتحصى
اللي يقول التمر يجيب الولاده هذا غلط كبير ومفهوم خاطئ
التمر مايجيب الولاده ابد تشوفون البنات مايبلعون التمر الا اذا بغت تولد تاكل تاكل ولا يصير شي
طلعا ماراح يصير
ياليت الكل يفهم الايه صح بس الكل سمع بالايه وفاهمها غلط
اقرواء الايه زين وشوفوا متى السيدة مريم اكلت التمر او امرها الله بان تاكله
قال تعالى:
((( فَأَجَاءَهَا الْمَخَاضُ إِلَى جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَذَا وَكُنتُ نَسْيًا مَّنسِيًّا @ فَنَادَاهَا مِن تَحْتِهَا أَلاَّ تَحْزَنِي قَدْ جَعَلَ رَبُّكِ تَحْتَكِ سَرِيًّا@ وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا. فَكُلِي وَاشْرَبِي وَقَرِّي عَيْنًا )))
جاءها المخاض - يعني حاها الطلق وشدت عليها
يعني كان الطلق حامي مو بداياته فامرها الله عزوجل ان تاكل تمر وتشرب من المويه
لانه قالها فكلي واشربي
تحتك سريا - يعني جدول
ليش قالها الله تاكل من التمر وهي معاها طلق حامي
لانه اولاً الجوع مو زين للي تولد لانه يسبب عسر ولاده ليش يسبب عسر ولاده لانه الجوع يهد الحيل ولا يقدر الجوعان يبذل مجهود وطاقه عند القيام بعمل اي عمل فكيف بالولاده وهي كل الجسم لازم يكون قوي
اولا: سد جوعها
ثانياً: التمر يحتوي على سكريات اللي تولد الطاقه بالجسم لانه اي حاجه فيها سكريات تزيد الطاقه فيقوى الجسم
ثالثاً: التمر يهدي الانقباضات اللي تحدث بالرحم اذا هدت الانقباضات وخفت تقدر اللي تولد بدون طلق شديد تقدر تدفع عدل لانه التمر خفف من شدة الطلق
لذا التمر مايجيب الولاده زي ماكلك فاهم
انا حريصه عليه بحملاتي من اول شهر لاخر شهر يحتاجونه عيالي وهم ببطني لازم يستفيدون منه
انا اكل التمر بعض ايام قبل النوم مع كاس لبن لانه مفيييييد حيل للجنين ممتاز
منتجات الالبان لازم تاكلينه يوميا وتشربينهم
عشان ماتجين تشتكين باواخر الحمل من اسنانك ضعف وتكسر وسوس لانه السوس يكون سريع بفترة الحمل اذا الحامل اهملت الكالسيوم الجنين يسحب من اسنانها وعظامتها فتلقين اغلب الحوامل يشتكون من هالنقطتين لانه يحسبون حبوب الكالسيوم تكفي وهي ماتكفي بدون المنتجات الالبان
وماعتقد الحليب واللبن والزبادي والجبن والقشطه واللبنه يسمنون وش فيهم عشان يسمنون مافيهم دهون تسمن لذا احرصي عليهم حرص كبير
المشروبات الغازيه هذولي مررررررض
تضر الجنين والام تكسر الكالسيوم بجسم الحامل فمايوصل للجنين ويسبب مشاكل
الغازيات تكسر الكالسيوم بالجسم
الشاي الاحمر يكسر الحديد
الشاي الاخضر يلغي الفوليك بالجسم
لذا امنتنعي عن
الغازيات والمنبهات والحلويات
سمنه وامراض وتعب ولا فيهم فايده ولا صحه


انتي راح يزيد وزنك كل شهر لازم لانه مويه الجنين مع وزن الجنين لازم تزيدين حتى لو سكرتي فمك عن الاكل لازم يزود وزنك


بس ماراح يزيد شحومك وتنتفخين اذا امتنعتي عن اللي قلتلك
وكثرتي من اللي قلتلك

كلمت دكتورتين بخصوص ريجيم الحامل جميعهم رفضواااوقالوا بعد الولادة اعملي

الله يسهل حملك الأفضل تبعدى عن الحلا وتخففى نشويات ولازم الغذاء السليم عشان صحتك ممكن رياضه ع الخفيف
سبحان الله وبحمده

حتي انا كلمت دكتوره عن رجيم الحمل قالت لي ابتعدي عن الغازيات والنشويات مامنها فايده وتركت كلام الدكتوره وسويت رجيم خفيف والله تععبت تعب في السابع انخفاظ سكر وفقر دم ونقص حديد والله تمنيت العاافيه والحين اي شي اكله من التعب الس شفته