رجيم معتبر......خلال شهر تنزلين 11 كيلو...

:cook:هلا حبيبات قلبي

:32:
وحشتوني ...
اكيد كل وحدة منا تبي رجيم اوحمية بالاصح ..يكون ما يتعبها وفي نفس الوقت يخسس بسرعة ..وانا لقيت هالجيم ..
انا شفت قبل كم يوم في التلفزيون.وماادري اذا احد شافه قبلي ..في قناة الكويت ..دكتور اعتقد اسمه حسين دشتلي او دشتني ..اخصائي نحافة وسمنة ..

عنده برنامج للحمية رهييييييييييييييييييب .. يقول اول اسبوع راح تتعب بس ثاني و ثالث اسبوع راح تشعرين بتحسن .. لان الجسم راح يتعود وراح يعرف ان فيه مخزون من الدهون واللي راح يستخدمها لحرق وانتاج طاقة..
برنامج يقول : اول اسبوع

اكلي كل شئ لحوم اسماك بما فيها دهن السمك مقلي مشوي على راحتك ..
مع الخضروات اللي تحبينها ماعدا الجزر و البطاطا ..بشرط عدم اكل مشتقات الخبز و الحليب و الحلويات و الارز و المشروبات الغازية

ثاني اسبوع: راح نضيف الحليب و الاجبان الكاملة الدسم ....ادري راح تستغربين بس انا موغلطانه .. اكتشف الدكتور ان الدهون نفسها تحرق الدهون ..وان الحليب و الاجبان الكاملة الدسم ..اهي اللي تنحف ..(صدق او لا تصدق)

ثالث اسبوع

اضيفي الفاكهة ..ما عدا الموز و العنب
والاغرب ...في البرنامج يقول اكلي كل شئ حتى بجلوده حتى لو كان من كنتاكي بس بدون رز ولا خبز ولا اي شئ فيه سكر واضمن لك انقاص الوزن ..
وعلى فكرة .. في البرنامج جاء للدكور اتصال من الممثل الكويتي ( شعبان ) والمعروف بالبدانه ويقول انه استخدم هالنظام وفعلا نقص 11 كيلو في شهر واحد واللحين راح يواصل مع الدكتور باقي البرنامج ..

بالنسبة لي برنامجه وايد مريح ...انا عن نفسي راح اتبعه من بداية الاسبوع الجاي ..

ادعولي باتوفيق..
اختكم المحبة لكم دوما/ ftm :27:.