رجيم 1000 سعره اختي جربته و نزلت في شهر 12 كيلو

قبل كم شهر بس تقريبا في شوال نزل وزني مره لاني مخففه عشان زواج ولد عمتي
و مره جسمي صار حلو :) بس خلص العرس
بدات في الاكل :( صرت اكل مثل المفجوعه الين رجعت كل الوزن الي نزلته من الصيف الي شوال و انا ما ينزل وزني بساهل نزلت من الصيف الي شوال 6 كيلوا بس من 69 ال 63 بس اثر كثير نزل بطني و شوي من فخودي و زنودي بس صار جسمي حلو
انا الحين ابغى ارجع اسوي رجيم الي سويته وهو رجيم السعرات
و راح ابدا برجيم 1000 سعره اختي جربته و نزلت في شهر 12 كيلوا بجرب و بشوف
الفطور في 3 خيارات
1- 6 ملاعق كورنفليكس + نص كوب حليب
او
2- 2شابوره دايت + كوب حليب +شاي او قهوه
او
3- ملعقه ممسوحه لبنه قليلة الدسم+حلقات خيار+2 توست بر
الغداء
طبق سلطه +4 ملاعق رز + (250 غرام (لحم او سمك او دجاج او 12 جمبري)
بين الغداء و العشاء : فاكهه المسموحه نوع واحد (مثلا تفاحه واحده )
العشاء
شكشوكه +نصف خبز بر
او
طبق من السلطه + نص خبز +غرفتين شوربه خضار
او
شوربه كوكير عباره عن ملعقتين شوفان و اي كميه ماء+ نص خبز بر

من تبدا بكره معي ؟
لاني عندي زواج ولد خالي في بداية الصيف يعني بعد 4 شهور فانا نفسي انزل وزني الي هذاك الوقت