رجيم nova

رجيم nova

رجيم محاوله انقاص الوزن حتى انزل 30 كيلو في خلال شهرين فقط
يعتمد على البروتين وبعض الفواكه والخضار واالابتعاد كلياَ عن النشويات والكربوهيدرات
مثل :
معكرونه – بيتزا – ارز – جميع انواع المعجنات والخبز – والسكريات والمشروبات الغازيه – والاجبان

يعتمد الرجيم على اكثر من صنف يستخدم بشكل يومي وبعض انواع الحبوب فهذا الرجيم يعتبر قوي ولا اعلم هل بعد تركه يرجع الجسم ام لا ولكن الاعتدال مطلب والجسم اذا اكثر من تناول الحلويات والدهون شي طبيعي يزيد وزنه ...
حسب خبرتي في استخدام الحبوب والرجيم يكون هذا البرنامج الي انا في نظري اشوفه فعال جدا واحاول ان ابدا ولكن احببت ان يكون معي فريق او مجموعه من البنات حتى نشجع بعض ونحفز بعض هدفي ان اكون جميله كل رشيقه جميله في نظري تقدر تلبس الي تبغاه وتقدر تتحرك بشكل طبيعي مو مثلنا اذا جلسنا محتاجين من يمد يده لنا عشان نوقف عن نفسي مليت وقلت خلاص استوب .. الى متى واحنا كذا لابد يكون في اراده قويه الي وزنها زايد منكم بالله ايش شعورك يوم تروحي السووق ؟ مو انتي الي تختاري البس تلقي نفسك بس تطالعي على الورقه الي مكتوب عليها المقاس مادورتي لا على شكل الموديل ولا لونه يهمنا المقاس وبس وربي صرت البس بس قمصان من كم سنه هذي ملابسي وياما اشتري بناطيل اقول لا يجي والله الى الان عندي مالبستها ولا عطيتها احد اناظر فيها وبس قسم بالله قهر.. رحت مره عند الدكتور الجزار ومن دخلت قال اراده قويه اراده قويه قلت ماعندي ولا اراده قال ليه انتي لسى صغيره وجسمك كذا ؟ بعدين الناس ماتشوفك حلوه !! شوفتو يابنات قهرني اكثر وزنت وطلع وزني 90 بغيت انجن نسبت الدهون عندي 35 !!! يعني شي مو طبيعي بس ماحرك فيني شي قلت اوك خلاص اجيك بعد اسبوعين اعطاني برنامج مااهتميت له مرمي عندي مافي يابنات حماس عدا كم شهر وانا افكر وزعلانه لكن كل شوي اوصي المطاعم واشتري ل اهلي اكل وانا راجعه من العمل يعني مدري متى اتحرك ويكون عندي اراده .. والله يابنات مااتحرك كثير نوم واول مااصحى يدوبك اتجهز واروح الدوام وكله جلسه بالمكتب وبعدها اركب السياره يعني برضو جلسه وارجع البيت بعد مااخذ عشا وارجع انام وعلى هذا الحال من كثر ما اجلس احس اني مقوسه خلاص ..

الان ب تأكل على الله وابدا رجيمي بعد مابكيت الين قلت بسس لا ملابس تجي ولا اقدر اتحرك كسسسل مررره ولا اقدر ابطل اكل والله كاأني عجوز بس قمصان دبل XLXLXL
عين وعاون
قررت اعمل رجيم وابغى بنات تساند حتى لو ماشاركتني تشجعني تدعيلي تنتقدني أي شي بس ابغى احس ان في احد معي

البرنامج بنزله لكم وقررت ابدا ان شاء الله السبت القادم .. ماراح اتراجع ان شاء الله
وسلامتكم