رجييييييييييييييييييم متواااااااااااااااااااازن

السلام عليكم ،،
خواتي العزيزات الطامحات للرشاقة ،، الرشاقة مب سهلة ،، تبغي لها طولة بال وصبر والكل

يعرف هذا ،، ليه تبحثين عن الرجيمات السريعة .، علشان ترجعين للأكل بسرعة ، زين كلي

ولكن بتوازن .

يبت لكم اليوم رجيم حلو وانا ومجموعة من المعلمات نتبع هذا الرجيم سار لنا 3 اسابيع ،،

ونريد من الجميع المشاركة في عمل هذا الرجيم .

اولا هذا الرجيم من عند دكتورة وهو متوازن جدا ،، وللتحب الغذاء الصحي ، يله نبدأ الرجيم

بسم الله الرحمن الرحيم

الفطور :

- نصف رغيف خبز + شريحتين جبن أو ملعقتين لبنة أو بيضة مسلوقة .
- كوب حليب
- خضار ( خس - خيار - طماطم )

لازم يكون كله قليل الدسم .
والخبز انا استخدم 2 توست اسمر

الساعة ( 10 ) :
- فاكهة + قهوة أو شاي .


الغداء :
- ستيك مشوي + 7 ملاعق ارز مسلوق + نصف كوب روب + سلطة .
- 10 ملاعق حمص حب + نصف رغيف + نصف كوب روب + سلطة .
- شوربة عدس + نصف رغيف + سلطة .
- فاصوليا حمراء علبة صغيرة + ربع رغيف + سلطة .
- صدر دجاجة مشوي + 7 ملاعق ارز مسلوق + تبولة .

العصر :
- فاكهة + شاي أو قهوة .


العشاء :
- نصف رغيف + ملعقتي لبنة + 7 حبات زيتون + نصف كوب حليب + خضار + فاكهة .
- علبة تونة صغيرة + نصف رغيف + سلطة + فاكهة .
- فخذ دجاجة مشوي + 7 ملاعق ارز مسلوق + سلطة + فاكهة .
-8 قطع ربيان مشوي + تبولة + فاكهة .
- خضار مطبوخة ( صالونة ) + نصف رغيف + سلطة + فاكهة .




ومثل ما تلاحظون السلطة والفاكهة ضرورية في كل وجبة .

وتقدرون تختارون ، وتبدلون بين الغداء والعشاء ، وتقدرون تكررون الوجبة اكثر من مرة ، ومكن تبديل الخبز بدل

الارز ، البنات اول ما شافوا الرجيم قالوا فيه اكل كثير ، وانه هم ياكلون اقل من كذا ، بس الرجيم يريد نظام في الأكل ،

يعني تحاولين تخلين كل وجبة في وقتها وما تأخرين العشاء ، وتنامين مبكر علشان ما تسرين على الثلاجة آخر الليل

مثل الحرامية بعد ماينام اهلك .

وتكثرون الأسئلة وتسيرون مثل اهل البقرة .

الي يكثر الأسئلة يتلكك وما يريد يسوي رجيم ، انا خذت الرجيم وطبقته مثل ما هو.


بخبركم عن معلمة وزنت نفسها اليوم ، تدرون كم نازله ؟؟؟؟
وهي على فكرة بادية الرجيم تاريخ 15 \ 2 \ 2005 .



3 كيلو


وعلى فكرة الرجيم ينزل اربعة كيلو في الشهر ،، واكيد بيكون اكثر مع الرياضة