بصراحة الموضوع حلو و مفيد مرة و الأفكار روعة
أنا صديقتي حاطة على رف المغسلة اللي جنب حمام الضيوف سلة صغيرونة شكلها حلو وحاطة داخلها علك وسكاكر مرة أعجبتني هالفكرة
وصديقتي الثانية حاطة على الشفنيرة اللي بغرفتها تحفة مثل الصينية ما أدري شي سمونها بالضبط


مثل هذي

المهم حاطة جواتها ورود مجففة طبعا هالشي معروف بس اللي أعجبني إنها مخليتها لجوالها وجوالات أخواتها طبعا كان شكلها حلو ونعوم

هذا اللي جا ببالي الحين إذا تذكرت شي جيت وسدحته في ذا

أفكار أفكار أفكار
أنا أهتم بأفكار تنظيم دواليب الملابس علشان المساحة تكفي
خليت درفة من الدولاب لملابسي الطويلة حقة فساتين السهرة ومعها ثياب زوجي وهذي اصغر درفة في الدولاب
ليش سويت كذا ... دولاب زوجي أو درفته الأساسية يعني قسمتها نصفين .شلون
جبت قطعة من ايكيا تشبه العلاقة زي النيكل تقريبا يعني حديدة أطرافها بلاستيك وتتثبت ببرغيين داخل الدولاب في الوسط وتصير علاقة ثانية تفصل الدولاب يصير فوق أعلق القمصان وتحت البلاطين
فكرة ثانية
جبت أدراج قماش مقوي من ايكيا واخترت واحد طويل فيه 10 فتحات واشتريت معه بعد صناديق هذي مالها غطا وهي مو ضرورية ممكن تستخدمي الأدراج بدونها وفايدتها انك تحطينها في الفتحة وتسحبينها وقت ما تبغي كانها درج مطبخ وبكذا تقدري تشوفي محتويات الدرج علي طول
طبعا هذي الأدراج شالت قرمبع بلاوي ملابس داخلية كلها ...ايشاربات الرقبة ... هذي كلها في الصناديق القماش عشان ما تبان وبالذات الستيانات والشرراريب ... اما شنط السهرة الصغيرة حطيتها بدون ما اشتريلها درج بس أدسها في رف القفماش علشان أششوفها
نجي لللمهم
البنات اللي قالوا ورق شجر في الحمام ... اسمعي ولا في الحمام ولا في الكوشة
ورق الشجر الصناعي صار موضة قديييييييييييييييييييييييييييييييييييييييييييييييييييييييييييييييييييييييييييييييييييييي
ييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييمة
فهمتوا
طيب اللي مافهمت تناديني باخذ تاكسي واجي افهمها
اتكلم من جد
ولا تزعلوا وقسم مو قصدي احرج أحد ولا اتهزا بأحد أعوذ بالله
في النهاية انتوا حرين
لكنها موضة تضحك لأنها فعلا قديمة واي محل اكسسوارات راقي مايبيعها تحسبون انه ناسي
ماتنباع الا في ابو ريالين ابو عشرة بطلها هههههه
وبعدين تجمع غبار وريحة مع الأيام
تخلصي من غبار السنين يالله
وانزلي واشتري زرع طبيعي ريحة وجمال ونفس حلو بالبيت وحتي لو خرب غيريه كل شهرين والزرع رخيص ويريح النفسية ومع الأيام بيصير لك خبرة للزرع وبتفهميه وتعرفي شلون تعتني فيه
نجي للكمفورت والداوني وربعله
أنا معجبة جدا بالأفكار اللي اخترعتوها
بس انتبهوا
هذي المواد من أكبر مسببات الحساسية والبيوت موناقصة
الأخت اللي سألت عن الأحجار موجودة في ايكيا بكل الأشكال وسيتي بلازا قصدي سنتر بوينت
وهي فعلا حلوة بس صراحة قرفتني يعني الناس بعد الأكل تجي تغسل و..................
تعرفون الباقي
وبعدين تتغسل ولا تنكب ولا شلون
باعطيكم فكرة جديدة للبيت وتنفع للتجديد قبل العيد
طفشتي من الكنب
خذي كم حركة
المخدات المربعة اللي تنحط علي الكنب مليااااااانة في كل مكان
ايكيا ...ديموس ....هوم بلازا ....سيتي دبليو ... ميداس
جيبي منها مجموعة متناسقة حسب مزاجك االلي تبغيه هالسنة مثلا مجموعة أبيض وأسود .... ذهبي وألوان ترابية .... الوان جلد النمر ..... مجموعات فرو ,,,,,,واو
وبعدين اختاري شوية اكسسوارات للغرفة تناسبها لا تختاري شي غالي
ودوري شي مميز ... التحف الشرقية لما يسوي تخفيضات تصير اسعاره حلوة وممميزة ..أكره سنتر بوينت اللي الكل مشتري منه ... وزيدي لوحتين علي الجدر متناسقة مع الديزاين العام وياليت اباجورة مودرن في الزاوية
هذي أشياء تقدري تغيريها مرة بالسنة أو السنتين ويغيرلك المود العام مرة
اسمعوا لسه ما بردت قلبي
قدييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييمة

الدولاب اللي تحت المجلى ممكن تحطي فيه سللات بلاستيك تنظمي فيها ادوات النظافه ويطلع مره منظم

ONOOO....الصينيه الي تبغينها تلقينها بالرياض في سوق العثيم للاغذيه الي في عتيقه وبرضه تلقينها بقصر الاواني الي في شارع خريص
خزامي ونفل ...عندك افكار حلوة وابشجعك علشان تعطينا الي في جعبتك ..

اما من ناحيت الافكار مشاء الله تبارك الله ماليه القسم من ناحية تنظيم وترتيب وروائح وكل شي مشاء الله البنات ما قصرو

ومن ناحيت موضوعك عندي فكره بسيطه مره والي حي انثري كور السفونيك بالمغاسل والحمام ومجلى المطبخ تعطي ريحه حلوه وهادديه ومن ناحيت الخبز المتبقي بعد الاكل الي هي قطع صغيره حطيها بخيشه الرز او القهوه علشان ما ترمينه بالزباله وبرضه تصيرين تجمعين فيها الخبز قبل يعفن على شان يستفاد منه وتكبونه اب ارض فضى تستفيد منه الطيور ...

وبس واذا تذكرت شي ابرجع لكم