ورد 5 :

أنا باكتب لكم بعض أفكاري ماشاءالله والحمد لله وان شاء الله تفيدكم : @ قبل حضور الضيوف لازم يكون البيت كله والمغاسل والحمامات الله يعزكم وحتى سجاجيد الصلاة معطرين ومبخرين @التقديمات كلها تكون شغل البيت وأنا اللي أخدم ضيوفي والشغالات مايبينون حتى في البيت يكونون في الملحق يكملون شغلهم @صينية الشاي يكون فيها ساعات أكثر من نوع من الشاي ويكون فيها دلة القهوة وزجاجة صغيرة شفافة فيها ماء ورد وزعفران للي يحب اضافته للشاي وصحن صغير شكله حلو للنعناع الفرش وعندي شكل المخدات الصغيرة مطرز عليها اسم أنواع الشاي والقهوة تتعلق على الدلال وتعطي شكل حلو @في صينية التقديم أحط شمعة شكلها حلو مع تقديم بيالات الشاي وأفرش الصينية بشرشف عليه شغل هندي أو تطريزات حلوة @الموالح والحلويات تكون كلها ميني وتنحط بصواني أشكالها حلوة أو سلال وعند التقديم أقدم تشكيلة من الموالح قدام الشاي وبعدين تشكيلة من الحلو قدام القهوة وطبعا طريقة التقديم كل مرة تكون غير @ساعات مع الموالح أحط صحن صغير فيه تبولة ويتقدم مع الموالح في نفس الصحن @العصاير تكون أنواع وتنحط في اما زجاجات عصير مميزة أو عندي أواني خاصة لتقديم العصير ويكون العصير تشكيلة وكل واحدة تختار اللي تحبه @الثلج أحطه في اناء للثلج للي تحب زيادته @في تشكيلات من البلاستيك فيها ماي وتثلجينه وتحطينه اما في زجاجات العصير أو الكاسات لاضافة شكل حلو وللتبريد @للمواح والحلويات أحب أحط أعواد تساعد على مسك الحلو أو المالح وفي نفس الوقت تعطي شكل حلو وفي أشكال واجد حلوة منها @الفواحات تتوزع في كل مكان عشان الريحة تكون مستمرة @التمر أعمله بأشكال وحشوات وممكن أزينه بأعواد فيها ورد أو كريستالات @اللقيمات أحط معاها للتقديم شوك صغيرة على الآخر تساعد على الأكل وماتتوسخ اليد @أخذت ستاند عادي من واحد من المحلات مع معاليق الثياب ولبستهم بمخمل ماروني ودخلت اكسسوارات ذهبية وأحطه لتعليق العبايات الأفكار واجد وان شاءالله باكتبها لكم على فترات وان شاء الله تعجبكم

أنا باكتب لكم بعض أفكاري ماشاءالله والحمد لله وان شاء الله تفيدكم : @ قبل حضور الضيوف لازم يكون...