رفــــــــــــــــــــــــــــــع

رفع

بنات ياحبيباتي
ماشاء الله من جمال الموضوع صار طوييييل وما ادري إذا أحد قال هالكلام قبلي
تكفوووووون مهما كان وضعك مقتدر أتمنى ما تتكلفوووون والله ماتقاطعو الناس إلا بسبب الكلافة
الله يازين بساطة زمان والله كانت أمي تنادي جاراتها على تمر وقهوة وأحلى الذكريات والسواليف وجارتنا نادتنا زمان ووصلنا وهي تشطب على زولية كانت تغسلها في الحوش حسستنا بأنا أهل بيت .. وكم مرة ما تجهز القهوة نصلح القهوة والكيك مع الضيوف
أما الحركات الحلوة والغريبة صح جميلة للعين لكنها بااااعدت مابين القلوب

مرة ناديت جاراتي على ترمس شاهي (المقاس الكبير الي ينضغط من فوق) وصامولي جديد من البقالة وتونه وعلبة جبنة سايلة رتبتهم وحطيت على جنب عصيرات للأطفال
والله كانت جلسة ونيسة واكلنا الصامولي كله وكل وحدة تحشي لنفسها وأولادها ,,بلا فطاير بلا دورااان
واذكر مرة جلست أصلح لأم زوجي صينية كبيرة خلية نحل ..وقبل لا يجون الضيوف طلبو اولاد البيت أكل فقامت تقطع لهم من الخلية : قلت ياعمة خليها للضيوف قالت ياحبي لها : راس مالها خبز وجبن ، أصلا يابنتي مالها داعي
ومن وقتها عرفت إن المضمون أهم من الشكل :) :)

رفععععععع

طيب احيانا والله اقول مابسوي شي بس استحي خاصه اذا جوني ناس من زمان ماجوني

والا ورب الكون ان البساطه مافيه احلى منها

والله المستعان