اذا مطيحه الميانه معها أسألها كيف سويتي هذا ومن وين جبتيه واذا ما أقدر اجيبه أوصيها تجيب لي
واذا وحده لا مو مطيحه الميانه لأ اتكلم بيني وبين اللي رايحه معها ( ماشاء الشي الفلاني روعه )
واهم من هذا كله استقبالها لي

انا احب تبادل الزيارات
يعني اعزم جاراتي ويعزموني
مو صايره كني عجوز العماره ماغير امطيحت عندي ولا يعزمني
حتى زوجي يقول ليه مايعزمنك جاراتك
رغم انك دااااااايم تجمعينهن عندك بشقتك
والله ملييييييييييييت
رغم اني ماتكلف بشي
ماغير حلى ومعمول وتمر مع قهوه وشاي
ولا رسميات ولا شي
لدرجة وحده كملت سنه وهي ساكنه عندنا ولا مره اعزمت الجارات ماغير مره حنا عزمنا انفسنا عندها عشانها توها طالعه من المستشفى
ياررررربيييييي مليت ابطلع لهن
انا ماحب الحلى اهم شي عندي القهوه المضبوطه والتمر
واحب المراه اللي تخلي عيال الضيوف براحتهم
ولا احب اللي ماغير تشكى من الامراض ذا يوجعني وذا يعورني
واحب اللي تنصح وتوجه
واحب اللي تنتقد شي في بيتي وتعلمني الصح يعني يافلانه لو تحطين التحفه ذي هنا احسن ولو تجيبين الشي الفلاني وتحطيه هنا اجمل
وبس بس بس

موضووع اكثر من رائع بس احس بعضكم فاهمين
الناس غلط
يعني اللي تقوول انا ماااحب اللي بس ساكته وانا اسولف وهي ترد ترا هذا طبع يعني غصب عنهااااا
اهم شي النظافه والترحيب الحلووو

طبعا الموضوع جميل وبالعكس حلو انك تعرفين اللي يحبه الناس واللي يكرهوه وقت الزيارات ولكن في نقاط مهمه جدا وهي
* ان العادات والتقاليد تختلف من عائله لعائله فما بالكم من منطقه لمنطقه .
*بعض التصرفات تصدر من المضيفه او الضيفه بشكل عفوي او بسيط او بدون قصد .
* بعض البنات مع صديقاتهن يتصرفن ببساطه مثل بين الاخوات زي اللي زارت صديقتها ومعها ولد 7 سنوات لو هي شايفه ان علاقتكم سطحيه او رسميه كان ماخلت ولدها يا خذ راحته والله اعلم.
*بعض البنات حياويات بزياده فعلا..يعني مو من النوع اللي يرحب بك من تجلسين الين تروحين مره مرتين تكفي وغير كذا مو من النوع اللي يلزم الا تاكلين هي سوت الحلى لك والفطائر كلي اللي تبين والباقي خليه ما في مشكله في ناس تحب احد يلزم عليها وفي ناس تتضايق من اللي تلزم عليها الا تاكل او تشرب برضوا الناس تختلف ممكن شيء يعجبني ما يعجب غيري .
*لازم ما ننظر بعين الناقد ننظر بعين المحب واذا لا فننظر بالتماس الاعذار .
*اذا الوحده راحت لوحده وشافتها متضايقه منها او طفشانه لا تطول بزيارتها شويتين وتعتذر وانتهت السالفه.
* ممكن يكون عند صاحبة البيت ظرف او مشكله او هم او اي شيء طارىء عليها فتلقين تعابيرها مو زي ما تحبي مو معناتها ماتبيك لكن لظرف لا تريد الافصاح عنه.
* برضوا عادة بعضهم كلامهم قليل طبيعي بالذات في اول زيارات بينكم بعدين شوي شوي يصير الحديث انتي تكلمي مو شرط تفتح مواضيع .
*اهم شيء اتفقنا عليها في الردود البشاشه والاسقبال الحسن لو تمر وقهوه وشاي بس .
* الشيء المتفق عليه النظافه وريحه العود والبخور .
اهم الانتقادات المتفق عليها في الردود :
* العبوس .
* الجلسه بالمطبخ كثير للتقديم .
* العبايه تكون محط اهتمام بمعنى ان تكون معلقه وان تكون مرتبه وقت التقديم .
*الانشغال عن الضيفه باي شيء سواء بالاولاد او الجوال او غيره .
من الاشياء المختلف عليها :
* بنات يحبو البساطه جدا لو شاي وقهوه تكفي اهم شيء البسمه وبنات لا اذا ماشافوا الحلى والمالح بيشوفوا هذا نقص في الكرم او عدم رغبه في الاستقبال .
* بنات بيحبو الترحيب الكثير والمستمر بنات اهم شيء برضوا الابتسامه اللتي تنم عن الترحيب بهن .

اختلفت الاراء واتفقت على ان نتطور ونسفيد من بعضنا فضلا على ان نكون ذوات اسلوب حسن سواء في النقد او المدح .


استفدت منكن كثيرا شكرا