لا اله الا الله

الصراااحه افكاااااااااااااااااار مرررررره ذذذوووق

اما انا فما في جعبتي كثير ولكن حكتب اللي اذكره

& مدخل البيت عندي صغير لكن في الركن حاطه نافوره اخذتها من ستي بلازا وقدامها مرااايه طويله كل من دخل بيتي سواء راجل او حريم لفتته هذي النافوره ((حتى الاطفااال ياحليلهم ))
& حلو انك تبخرين بيتك بالعوده قبل لا يجون ضيوفك وتشغلين المكيفات عشان المكان يكون باااارد ورررايق وريحته حلوه .
& اهم شي ان يكون عندك في المطبخ ستاند تجهزين كل اغراضك عليه مثلا :
انا عندي في المطبخ طاوله اول شي ابدء من جهت اليمين واحط تبسي وعليه كاسات العصير عشان بس اصب العصير واروح لضيوفي وبعد كذا احط تبسي ثاني عليه ثلاجتين قهوه والفناجيل وابخرهم بالمستكه واحط الهيل وسط الثلاجه عشان اول ما تخلص القهوه اصفيها وامشي وطبعا جنبها صحون الحلى والملاعق وبعد كذا تبسي فيه فناجيل الشاي وكل فنجال فوق صحنه ومعاه ملعقته وجنبها مكعبين سكر والمكسرات احطها في صحن واغلفه بالنايلون ........ الخ
وكلها اغطيها بمنشفه نظيفه عشان الغبار والذبان لا سمح الله يجي عليها .
(( الخلاصه : اني اجهز كل شي من.......... الى عشان بس اصب واروح لضيوفي لان صعبه الوحده تغطس في المطبخ وتطول ))
والكل تعجبه هذي الفكره ومره جوني ناس ودخلو المطبخ وصاروا يقولوا ما شاء الله مرتبه والله فكره حلوه ومريحه .

& احنا في ضيافتنا اول شي نقدم العصير وبعدين القهوه والحلى وبعدين الشاهي ((هذا اذا ماكان في عشاء ))
اما اذا كان في عشاء فتكون عصير وقهوه وحلى ((وممكن شاي بس ما تكون معاه معجنات لا بس مكسرات )) وبعدين العشاء وبعدين حلى العشاء وبعدين الشاهي ((فاذا تقدم شاهي من اول يتقدم بعد العشاء الشاهي الاخضر والنعناع <<< عشان نهضم هههه ))

& فمثلا العصير : مرات تكون عصيرات عاديه منجو وفراوله .... الخ ومرات احط ايس كريم وفي النت اشكال مره حلوه لكاسات الايس كريم ومرات احط سلطة فواكه ومرات الواحد حلو يسوي خليط يعني مثلا ايام الصيف والحر حلو الايس كريم مو تروحي تقدميه ايام البرد

& القهوه : حلو تنوعي في القهوه مثلا قهوه بزنجبيل قهوه بالهيل قهوه محوجه .... الخ
وترى طعم القهوه يجي جنان اذا بخرتي الثلاجه والفناجيل بالمستكه
وممكن كمان تسوي قهوه المارس وتكون اول صبه منها وتوزعي معاها بسكوت يكون لذيذ
وممكن كمان اذا انها سابع ولا حفله اول عزيمه كبيره تجيبي فناجيل البسكوت وتكون اول صبه فيها وانتي حره تكون صبتك من القهوه العاديه او من قهوة المارس مثلا .
وانا افضل اذا كان عشى او الحريم كثيرين اللي جايين يكون الحلى في صحون كبيره ويندار فيه ومايكون في صحون صغيره ولكل وحده صحن لان هذي اول شي بتعبك في الغسيل وثاني شي بتضايق في الجلسه لان كل وحده بيغالها مكان تحط صحنها وقهوتها فالافضل لما يكونون كثيرين الحريم يكون الحلى في صحون كبيره ويندار فيه ولما يكون عشا عشان الحرمه المسكينه تشرب عصير وبعدين قهوه وحلى وبعدين مكسرات وصاهي اكيد انها مراح تتعشى مزبوط فالافضل الوحده لما تكون عازمه على عشاء حتى كاسات العصير تكون شوي صغيره والحلى ما يكون دسم مره عشان يقدروا يتعشوا هههههههههه

& الشاهي : كل وحده تتفنن عندنا بانواع المكسرات اشكال مره حلوه فروحي مثلا النقلي واختاري اشكال جديده واذا كان فيه مع الشاهي معجنات حلو انك تتفممي فيها يعني رحت لوحده وكانت حاطتها في سبت وكان شكلها مره حلوووووووو
وممكن تحطي قددام كل وحده صحن كبير فيه زبديه صغيره سلطه غريبه ومعجنات وورق عنب وسمبوسك وتجيبي الليمونه وتقسميها بالنص وتلقيها بقماش تل بحيث لما تعصريها ماتنزل بذورها
وكمان فيه صحون تجيك مقسمه ثلاث اقسام تحسيها كانها للكتشاب والمايونيز صغيره ممكن انتي تحطيها بين كل ثنتين وتحطي فيها نعناع وهذا الليمون وتانيه شطه وثالثه سنبل حار او سلطه
امممممم وش كمان . . . . . صح
في اشكال كثيره للسكر شي مغلف وشي ملبس هههههه
فيه بعضها مغلفه ماركات مره شكلها حلو
ووووووووووبس

احم احم مراااااااحب

مرخ رحنا لوحده عزيمه يعني فيه عشاء
قدمتلنا العصير وبعدين القهوه وبعدين في فناجيل القهوه التركيه قدمتلنا هووتشوكلت وبعدين دخلنا للعشى
فمررررره عجبتني فكره الهوت شوكلت

& ومره جوني ضيوف للعشاء فسويت حلى الشتلات للعشاء وجبت صحن كبير قزاز وفرشته بالنعناااااااااااع ورصيت الحلى فوقه فطلع شكله مرررررررره حلو ولما دخلت فيه على ضيوفي الكل عجبو << احم احم هههه

& فكره كمان : ممكن تستفيدي من بواقي العصير اللي عندك اللي حتى ما يكفي نص كاسه وتحطيه في قوالب الثلج يعني مثلا لو كان عندك عصير فراوله باقي منه شوي حطيه في قوالب الثلج ولما مثلا تجي تصبي عصير مانجو حطي قالب الثلج الفراوله يجي شكلها مره حلو . وقيسي على كذا باقي العصاااير.

&وكمان ممكن تجملي كاسات العصير بالفمتو زي مثلا عصير المانجو تحطي في قاع الكاسه فمتو وتصبي العصير شوي شوي من الطرف عشان يعطيك عصير مموج

& وكمان ممكن تضيفي الايس كريم للعصير السابق مثلا ملعقه ايس كريم فانيليا وفوقها فمتو وبعدين تصبي شوي شوي عصير المانجو راح يعطي تموج رااااائع وممكن كمان عصير الفراوله اهم شي يكون العصير سوي ثخين .

&وكمان حلو انك تبخرين مثلا 2 او 3 او 4 كاسات مويه بالمستكه بحيث اذا احط طلبك مويه حلو تكون الكاسه مبخره .

& ممكن للمني معجنات تخبزي عجينه في قدر صغير اهم شي تتحمره من بره مو مهم من جوه وبعد ما تخرجيها تخليها تبرد وبعدين تقلبيها وتجيبي اعواد الشوي وتغزي المين معجنات فيها وتحطيها في العجينه المخبوزه السابقه اللين ما يبان منها شي يجي شكلها مره حلو والعجينه ممكن تحتفظي فيها في الفريز وتستعمليها مره تانيه .

&في طريق حلوه بس ما تنفع الا مع السفن هي انك تجيبي السكر الملون ازرق احمر اخضر الخ ....... من الالوان وتحطي شوي في الكاسه وتصبي السفن فوقه تطلع مره روعه الالوان

وسلامتكم

واتمنى انها تعجبكم الافكاااااااااار وتذكروني بدعوه حلوه منكم
وشكرا

انا رحت عند وحدة وقدمة الشاهي والقهوة في ترامسروعة لونها ليلكي وفيها حزام كرستال دهبي ولا شوفة اجمل منها تقول الحبة ب140 بس تستاهل

احلى شي لما ادخل وصاحبة البيت هي الي تستقبلني مو بزارينها
واكرة شي عندي لما اروح عند وحدة و تحط لك في الصحن 3 حبات تمر وش يعني بخلص تمرك

او انها تحط لي مثلا في صحني كيك و اللي بجنبي تحط لها بسبوسة اخخخخخخ قهر
طيب اذا جالي نفس في البسبوسة وش ذنبها يجيها مغص مني