رحت اجهز اليوم للمولود ...وعيالي..

قوه بت اخباركم اليوم رحت اجهز للمولود الجديد وكان زوجي وعيالي متحمسين طول الطريق بيشوفون اي لون اختار وحتى ابو الشباب متحمس مع انه بالبدايه ماكان اكبرهمه يقول يبغا ولد ما يبغا بنت وانا ماقلت لهم وش قالت لي الدكتوره ابغاهم يتحمسون وقاهرني زوجي لانه دايم يبغا ولد مع العلم ان عندي بنت وحده بس ويحبها وراحمها لانها وحيده ومع ذلك يدعي اني اجيب ولد ....دخلت المحل وكانو مسوين علي مراقبه وحضر تجول ومسوين انفسهم انهم ماراقبوني قمت انا احذ الوان محايده اخر شي اجتمعو علي :eek:يالله قولي لنا والله مانعلم احد ضحكت عليهم وقمت مره اخذ فوشي ومره سماوي اذا اخذت الفوشي ضحكو واذا اخذت السماوي زعلو :06:وبصراحه رحمت بنتي لانها متحمسه مره بتختار ملابس لاختها وحتى االعيال وابوهم كلهم تحمسو بيختار ون فوشي بالنهايه اعترفت لهم وقلت الدكتوره قايله ولد لاكن الله لايخيب رجاي ويارب تكون بنت وتفرح قلبي وقلب بنيتي باختت لها يارب وتقر عيني برؤيتها سليمه معافاه يارب يارب تحسن الخلق وتهون الطلق سوا ذكر او انثى يارب ادعولي يابنات ادعولي تكون بنت والله يحقق لكل وحده مناها ولاتنسون قول الملك ولك بالمثل