يعني لازم الساعه 2 الظهر
نزلي البارت الساعه 1 الظهر؟؟

مبدعه يالمهارات انا متابعه كل قصصك الله يوفقك لما يحب ويرضى

فديتك

بنسبه للي تقول متى ينزل البارت : كل يوم تقريبا زي الوقت هذا الساعه 2 الظهر
**************
جولي 2009 انا اصلاماقريتها الروايه الي تقولين عليها
وانا زي ماقلت يمكن تشابه افاكر ويعدين انتي كمليها
لسه مابدت القصه تونى نقول بسم الله انتي شوفي قصصي الي قبل كذا تكلمنا عن الرضاعه وقيرت الجزء وفيه
قصص حطيتها باسماء البنات الي يقولون وغير انهم كانوا لما يطليون اضافه اضيفها للقصه زي طلبهم يعني الي
يقرء قصصي يعرف ان كلها من تاليفي وشكرلك
*******************
محبت خالتها وبس : ياقلبي تسلمين والله الله لايحرمني
منك ياعسل
*******************
موناليزا : ياقلبي اذا فضيت حطيته بس الساعه وحده اكون مشغوله تسلمين ياقمر
******************
والف شكر للجميع مروركم الرائع الحين بحط الجزء
00000000000الماهرات

فوووووووووووووق

الحين لعيونكم بحط لكم جزئين الخامس والسادس

***الجزء الخامس ***
************************
********************************
فرح : هذه ياجدة فاتن بتتزوج بعد اسبوعين ولد عمتها
الحمدلله هم ونزاح
******************
اخذ فارس البطاقه وقراها وضاق صدره وقام من الاكل
*****************
الجدة : وين ياولدي ماكلت شيء
****************
فارس : الحمدلله شبعت ياجده
****************
الجده : مسكين فارس كان وده فيها بس اكيد ربي يحبه الي ماخذها ماتناسبه ابد
******************
الاب : عاد هو مخلي البنات كلهم وماعجبه الاهالبنت
انا وابوها سالب وموجب مانصلح مع بعض بس الحمدلله
الي راحت وفكتنا
*********************
الجدة : وشرايك ياولدي نخطب لفارس حنان
******************
فرح ومرح : ايوا ولله يبه تكفى اخطبها له
*******************
الاب : حنان والله ياليت عشان أطمن عليها وعليه بعد بس خليه شوي يهدء كم يوم وبقوله وان شاء الله يصير خير
*******************
فرح ومرح طيران على غرفت حنان وقالول لها :
*************
فرح : ابشرك فاتن انخطبت وبعد اسبوعين زواجها وابوي
قال بعد كم يوم بيقوله عشان يخطبك وشرايك
********************
حنان : استحت وقالت لاتستعجلون يمكن فارس مايوافق
*****************
مرح : انتي شفتيه وشرايك فيه
****************
حنان : لاطبعا ماشفته هذاك اليوم كنت مرتبك وخايفه
وكنت بس ابي اطلع من البيت الله لايعيد هذا ك اليوم
وطبعا ماشفته
********************
فرح : ولايهمك الحين اروح اجيب لك صورته من غرفته
وتشوفينها
******************
حنان : تعالي انتي مجنونه كيف تجيبنها وهو فيه
******************
فرح : لاتخافين مراح اقوله بقوله اني انا ابي صورة له
عشان احتفظ فيها ماعندي له صورة
*******************
وفعلا جابوفرح ومرح الصوره قالوا لي وش رايك :

كان نحيف وسيم لونه حنطي يعني مواسمر ولاابيض
كانت ملامح وجهه حاده ومملوح اول ماشفته تبسمت ونسيت
انهم عندي وعرفوا انه عجبني
******************
فرح : ها وش رايك شكله عجبك
*****************
حنان : المهم انا اعجبه يمكن مايوافق لانه متعلق فيها ويحبها
*****************
فرح : هي خلاص تزوجت وهو عمره ماعصى لابوي كلمه
وبعدين انتي لو يشوفك بينهبل عليك
*****************
بيني وبينكم حسيت اني فرحت يوم قالوا لي انها انخطبت
وحسيت انه صار عندي امل ويوم وروني صورته مانمت هذاك اليوم ياترى بيوافق اولا ودعيت الله اذا فيه خير لي
اني اتزوج منه انه يتمم لي لاني من يوم ماانقذني هذاك اليوم وانا احس انه مافيه زيه وقلبي صاريدق من يجي طاريه يعني سيرته وصرت كل شوي استعرض عند المرايا ياترى انا حلوه زي ما يقولون اوبس كلام وجلست افكر
طول الليل ومانمت لحد ماذن الفجرصليت ونمت وقمت متاخره الظهر اخذت شور ولبست وجلست على النت طبعا الوقت هذا مقدرانزل لان فارس وابوه موجودين ومابي اضايقهم فتحت الابتوب وجلست اتصفح بعدين دخلت علي
فرح ومرح :
فرح : صح النوم وشفيك اليوم ماقمتي بدري شكلك كنتي سهرانه امس
*******************
حنان : صحيح ماجاني امس نوم مدري ليش
*************
مرح : أي اكيد مايجيك نوم شكلك تفكرين بالي قلنا لك امس صح
****************
حنان: فيس مستحي يوه وش هالكلام اصلا هو صار شيء
يمكن اصلا الرجال مايبي بس انتوا الله يهديكم
****************
وفعلا كلم ابو فارس فارس وقال له :
فارس : ياولدي ماودك تتزواج ويصير عندك زوجه وعيال وش تنتظر بعد اكثر من كذا ليش ماتتزوج
********************
فارس : اكيد يبه بس انا قلت شوي عشان اضبط حالي
*******************
الاب : وش تضبط حالك اذا تبي تسكن هنا البيت كبير عريض مافيه الاانا وجدتك وخواتك او ماتبي اسكن بالحالك وانا من بكره افرش لك الشقه كامله بعد وش تبي
انا اشوف انه ماله داعي الانتظار ودنا نفرح فيك وعروستك عندي
******************
فارس : مين يبه
******************
الاب : حنان وشرايك فيها وزي مايقولون خواتك وجدتك ماعليها مزيونه
********************
فارس : حنان مافيه الاهذي
******************
الاب : ليه وش فيها هذي ابوها اعرفه زين صديق عمري وامها كانت تعرفها امك الله يرحمها وبنت مودبه
واخلاق وانت شفت كيف دافعت عن نفسها بعينك وش عيبها وبعدين عشان تاخذ راحتها بدال ماهي مسكينه محبوسه لاتقدر تطلع ولاتاخذ راحتها في البيت اتوقع انك مراح تلاقي
احسن منها
*********************
فارس : خلاص الي تشوفه يبه اصلا ماتفرق معي هي اوغيرها
******************
الاب :خلاص على بركت الله الف مبروك ياولدي وضمه
***************
وحددوا الملكه بعد اسبوع كنت احس اني طايره من الفرحه
فرحه ماقد فرحت زيها وعمي ماقصر
عطاني مبلغ رحت مع البنات وشريت لي فستان سماوي
روعه وشريت له اكسسورات واكرمكم الله جزمه كعب سماوي وفي يوم الملكة وسوت لي الكوفيره تسريحه ومكياج ماعرفت نفسي يوم شفت نفسي في المرايه حسيت اني وحده ثانيه
وجتني فرح ومرح بعد ماتمت الملكه قالو لي يالله انزلي سلمي على جدة وعمي وعشان تشوفين فارس وهم مبتسمين
ونزلت حسيت إن قلبي بيطلع من الخوف والربكه لكني كنت فرحانه اني خلاص مراح اتغطى عنهم اثنينهم ونزلت سلمت على عمي وبست راسه وحسيت اني بست راس ابوي الله يرحمه
باركت لي الجده وعمي وانا قلبي يدق وقاعده انتظر يقولون يالله بيشوفك حسيت من الفرحه كاني بحديقه مليانه زهور وفرحانه حدي ..في ناس لماتفرح تقول اللهم اجعله خير انا هذا اليوم قلت الكلمه هذي من كثر ماكنت مبسوطه

وشفته نازل من الدرج وانا منزله راسي ومستحيه وقلبي يدق
بقوه وجاء وسلم علي وصافحني وحسيت انه يتامل فيني و استحيت اكثر وراحت الجده وعمي والبنات وجلست معاه كنت فرحانه والدنيا ماهي واسعتني من الفرحه ومستحيه وفجئه قالي :

فارس : تعالي اجلسي ابي اكلمك
***********
وجلست وانا مستحيه
********************
وقالي :
*******************
فارس : شوفي يابنت الناس ترى انا وافقت لان ابوي طلب مني وماقدرت
اقوله لا لكن انا قلبي مع وحده ثانيه صحيح انها راحت لكن انا ماقدر اوعدك اني انساها بسرعه و
احبك يمكن مع الايام اقدر اتعود عليك انتي وحظك واصلا
كذا او كذا انتي كنتي اصلا بتجلسين هنا لحد ماتتزوجين وبيني وبينك مين بيتزوجك وانتي ماتعرفين احد فزواجي منك يخدمك عشان تخذين راحتك تنزلين وتطلعين من الغرفه على راحتك من غير غطء يعني انا كذا خدمتك لكن غير كذا لاتطلبين مني شيء يعني زواجنا جاء لمصلحتنا اثنينا انا مابي اتزوج من احد وزواجي منك يسكتهم عني وانتي زي ماقلت لك عشان تخذين راحتك لكن اياني واياك تعلمين احد منهم
لاني كذا بزعل منك وانا اذا زعلت ماتعرفيني فلاتزعليني
*******************
حنان :انصدمت صدمه حسيت إن فرحتي كنها كانت جدار من قزاز
وتكسر وطاح علي القزازو جرحني حسيت اني ولاشيء وحسيت اني انصدمت فيه هزئني واهاني بكلامه ومسح فيني الارض كنت ببكي لكن مابقيت
افرحه فيني فقلت
*******************
حنان : ايوا سمعت وجزاك الله خير وماقصرت على الخدمه
الي خدمتني اياها عمري مراح انسى لك هالجميل والحين عن اذنك
*********************
فارس : استني هنا انا ماخلصت كلامي اذا قلت لك روحي روحي اولا مالك دعوه فيني طلعت دخلت لاتدخلين فيني ولاتطلبين مني وديني وجيبني عندك السواق روحي معاه بس اول لازم تستئذنين مني ومابي كثرة طلعات على الفاضي الحين خلصت كلامي تقدرين تروحين غرفتك وزي ماقلت لك

*******************
حنان : حاظر عن اذنك
وطلعت غرفتي ورجعت لي الدموع من جديد بعد ماقلت اني
خلاص ودعتها اثاري إن الدموع ماتقدر تفارق عيني
*****************
الحين بحط لكم الجزء السادس

**الجزء السادس **
*******************
*************************
بعد كم يوم كنت سهرانه بالليل مع فرح ومرح وجالسين بالصاله جاء فارس وكلمهم وطبعا طنشني وكاني ماني موجوده اوكنه اصلاما يشوفني وراح غرفته يقول بنام عشان
بكره بيروح المكتب ونسى ياخذ المفتاح حق السيارة حقته
وحطها على الطاوله الي عندنا

***********************
فرح : شوفوا وش لقيت مفتاح السياره حق فارس نسى ياخذها
**************
مرح : ووووووو معقوله ماني مصدقه اخيرا
******************
حنان : وشفيكم فرحانات كانكم لاقين كنز واذا نسى المفتاح
وش الي مفرحكم
*****************
فرح : فارس عنده بكره شغل واذا نام خلاص مايقوم الابكره
وانا اعرف اسوق حريفه في السواقه تعلمت من فارس من زمان وانا نفسي اسوق مره ثانيه بس طبعا فارس لو اموت مايخليني والسواق العله كل ماقوله يقول لابعدين بابا فارس سوي مشكله ومايخلينا الحين فرصه نروح نلف لفتين
محد بيدري وشرايكم
******************
مرح : انا اكيد موافقه فرصه ماتتكرر
*******************
حنان : لالا انامستحبل اروح معكم اكيد انكم موصاحيات
انتوا انهبلتوا لو فارس يدري وش بيسوي فيكم وبعدين
لو احد من الشباب يشوفونكم والله مايفكونكم اسمعوا مني ترى هذي مخاطره كبيره اقعدوا هنا نسولف وننبسط مع بعض احسن
*******************
فرح : لاتخافين فارس يحط سيارته في الغراج وعلى طول بنفتح الباب من هناك ونطلع محدراح يشوفنا وسيارته مظلله بالكامل محد راح يشوفنا ولايعرف إن احنا بنات اصلا واذا رجعنا بنخلع العبايه بالحديقه حقت البيت ولواحد شافنا بنقول كنا بحديقت البيت
لاتخافين قوي قلبك خطه محبوكه خخخخ
********************
حنان : لاوالله مستحيل لاتحاولون هذه مخاطره اخاطر بعمري عشان السواقه لاانا موناقصه تكفون اسمعوا مني
لاتروحون
********************
مرح : كلها دورتين بالحاره وحنا جاين مدري ليش مايخلونا نسوق وكان احلى شيء يالله بسرعه فرح خلينا نجيب العبيات
******************
فرح : لو سالوك قولي مادري شكلهم نايمات طيب
*******************
حنان : يالله راسكم يابسه طيب بس لاتتاخرون بقعد على اعصابي انتظركم والله محد يسوي سواتكم الاالمهابيل
*******************
وفعلا راحوا المهابيل قصدي فرح ومرح وانا جلست بالصاله انتظرهم اتفرج على التلفزيون وانا بموت من الخوف خايفه عليهم وخايفه
احد يطلع من اهلهم وفجئه شفته نازل من الدرج والدرج اصلا في نص الصاله بغيت اموت من الخرعه راح المطبخ
وانا سويت نفسي اتفرج على التلفزيون وانا بموت طلع ومعاه
مويه وسالني :
فارس : وين البنات
**************
حنان :وانا مرتبكه ننناموا ايوا ناموا
*******************
فارس :طالع فيني مستغرب قال : وانتي وش تسوين بالحالك
ليش ماتنامين
********************
حنان : ايوا ايوا بنام بس كنت بكمل هالفلم مجاني نوم
******************
وطلع وخلاني حسيت إني بغيت اموت من الخوف
جلست على اعصابي لحد ماجوا وكانوا
شكلهم خايفين رجعوا المفتاح مكانه وسالتهم :
**********
حنان : وشفيكم وش صار
****************
فرح : يمه بقينا نموت اشوى انك مارحتي كان متي
لحقونا شباب وصاروا ورانا وحنا نحاول نتوهم موقادرين
ونلف لحد مادخنا وهم موراضين يخلونا صارت مرح تبكي وانا توترت مدري وش اسوي بس مدري كيف عرفوا إن احنا بنات والمشكله انهم سيارتين اخر شيء حوطونا واحد من قدام واحد من وراء وسكروا علينا ومن ورانا جدار والي بسياره الي قدام كان بينزل وانا خلاص بغيت اموت من الخوف ومرح تصرخ كله منك ليتنا سمعنا كلام حنان وانا اقولها اسكتي ماهو وقته الحين اخر شيء قويت قلبي وطلعت من بين السيارتبن وصقعت فيهم وطلعنا بسرعه وهم انشغلوا
يشوفون سيارتهم وحنا حطينا رجولنا وطيران على البيت الحمدلله بغينا نروح فيها
******************
مرح : والله معاد اسويها لواموت الحين عرفت هم ليش مايخلونا نسوق والله انهم صادقين شبابنا تقول موشايفين خير بس يشوفون بنات ينهبلون
******************
حنان : صراحه ماينلامون بنات وطالعين اخر لليل لاويسوقون سياره بعد اكيد وش بيقلون الله يهديكم
حتى المجانين مايسون كذا بس يالله حمدلله على سلامتكم
*****************
فرح : الحين المشكله في السياره حقت فارس الصقعه
واضحه وشكبرها وهوحاطها في الكراج يعني وش صقعها
والله لويدري يموتنا فارس لما يعصب مايدري وش يسوي
****************
مرح : وهي تبكي انا غلطانه الي سمعت كلامك كله منك
*****************
فرح : وانا وش دراني انه بيصير كذا احنا سوينا نفس الحركه العام ومرت على خير وانبسطنا ورحنا وجينا محد شافنا ولادروا عنا
******************
حنان : موكل مره تسلم الجره ربي سترها عليكم مره تقومون تعيدونها الله يهديكم
******************
فرح : والله ماعيدها بس الله يسترها معنا انا بموت من الخوف من فارس
*******************
حنان : إن شاء الله تعدي على خير بس انا اقول احسن شيء تعلمون جده وهي تتصرف
*********************
مرح : مافيه الاكذا والله يعينا عليها بتهاوشنا تعصب علينا بس اهون بكثير من فارس
*******************
وجلسوا فرح ومرح يبكون وحالتهم حاله وانا احاول اهديهم
وأنكت واستخف دمي بالعافيه قدرت اخليهم يهدون ومن بكره الظهر جلسنا في الصاله نسولف مع الجدة وسمعنا صراخ فارس وقلوبنا طاحت في رجولنا من الخرعه
***************
فارس : بنات امس من الي اخذ فيكم مفتاح سيارتي
***************
فرح ومرح : وهم مرتبكين ماندري يمكن السواق
*******************
فارس : لامستحيل السواق امس انا داخل فيها مافيها شيء بليل ومخلي المفتاح في الصاله على الطاوله ومستحيل يدخل السواق البيت تكلموا مين الي اخذها احسن لكم
********************
فرح : احنا وش درانا اكيد الصقعه من زمان بس انت مانتبهت لها
*****************
فارس : لاانا متاكد انها كانت زينه والصقعه كبيره حتى لو اني اعماء كان شفتها حنان انتي امس كنتي سهرانه بالليل
بالحالك والمفتاح جمبك على الطاوله انتي اخذتيها صح
***************
حنان : انا لاوالله ماخذتها
****************
مسكني من ذراعي وقومني بعصبيه وقال اجل مين مافي احد كان صاحي غيرك البنات امس كانوا نايمين من غيرك تكلمي احسن لك لاوالله تشوفين شيء ماقد شفتيه
********************
جده : فارس فكها يفارس انت انهبلت وش تبي هي فيه
مفتاحك
*****************
وفكني وطحت على الكنب
*******************
فارس : انا متاكد انك انتي لاكن موغريبه على وحده زيك
انها تسوي كذا لكن اسمعي ياتعيشين هنا بادبك ياترجعين مكان ماجيتي سامعه وان شفتك تعيدينها لاموتك واقطعك قطعه قطعه احنا عايله محترمه ماعندنا هالحركات قلت ادب
*****************
الجدة : فارس انت انهبلت حرام عليك وش دراك انها هي
********************
فارس : مافي غيرها السواق عندنا من سنين والمفتاح انا
ناسيه هنا واخذته اليوم من هنا وهي امس كانت هنا انا شفتها وجالسه مرتبكه
واسالها تقول اشوف الفيلم من غيرها المشكله لاتجيب لنا مصيبه والله لوادري إن صار شيء ثاني ياويلك مني محد
بيحميك مني
****************
انا انهرت وصرت ابكي ابكي مادريت وش اقول تمنيت لوعندي مكان ثاني اروح له وفرح ومرح صاروا يبكون معاي مايقدرون يقولون له شكله يخوف وهو معصب
وراح وهو اخر درجات التعصيب
********************
الجدة : اخذتني في حضنها معليش يابنتي امسحيها في وجهي الله يهديه بس
مدري ليش هو كذا بس يهدء انا اوريك فيه ولايهمك
*******************
فرح : احنا اسفين ياحنان ماقدرنا نتكلم خفنا منه
******************
مرح : ياجدة ترى احنا الي اخذنا السياراه وسقناها فكرت فرح وانا الغبيه طاوعتها بس لفينا لفتين ورجعنا وحنا لابسين العبايه وحنان مالها ذنب تعبت وهي تقولنا بس ماسمعنا الكلام
ونصحتنا ليتنا سمعنا كلامها لاوكنا نبيها تروح معنا لكنها مارضت المسكينه انا اسفه ياحنان
********************
جدة : انتوا صحيح انكم قليلات الادب وش مطلعكم اخر الليل
ومامعكم احد لاوتسوقون بعد ماتستحون
*******************
فرح : اسفين ياجدة معاد نعيدها والله توبه بعد هالنوبه
بس تكفين قولي له لكن حلفيه انه مايسوي لنا شيء
اخاف يموتنا ياجده
*****************
جدة : اكيد بقوله موعشانكم انتوا تستاهلون انابقوله عشان
حنان مسكينه خليتوه يغلط عليها وهي ماتستاهل
بس صدقيني بس بيهدء بيتحسف بيندم على الي قاله
******************
وطلعت غرفتي حسيت انه ظلمني وهزئني مكتوب علي اعيش كذا كل من هب ودب يهزئني كرهت نفسي وانقهرت من الفكره الي ماخذها عني فارس انا ولاشيء في نظره
*******************
وجدة ماقصرت راحت له العصر وقالت له السالفه كلها
وقالت له اني مارضيت اروح معهم وانهم حاولوا فيني لكني مارضيت
*******************
ياترى يوم قالت له وش رد فعل فارس يوم درى
وش سوى تابعوني بكره عشان تعرفون واتمنى اشوف توقعاتكم
اتمنى يكونون الجزئين نالوعلى رضاكم 0000الماهرات