اااااااااااااه يا مهورة كان كملتي الجزء افا عليك بس
كالعادة ما شاء الله عليك
استودعك الرحمن الذي لا تضيع ودائعه
و يا ريت بكرة ان شاء الله تخلي البارتيين اطول و اطول و يا ريت تنزليه في الصبح ما عليك امر
الله يسعدك:):26::26::26:
كالعادة ما شاء الله عليك
استودعك الرحمن الذي لا تضيع ودائعه
و يا ريت بكرة ان شاء الله تخلي البارتيين اطول و اطول و يا ريت تنزليه في الصبح ما عليك امر
الله يسعدك:):26::26::26:
الصفحة الأخيرة
اليوم نزلته بدري لاني بطلع مراح ارجع الابالليل واخاف
تزعلون لوتاخرت عليكم وانا مقدر على زعلكم بس كل يوم بنزله بموعده تفضلوا تمنى يعجبكم
****************
************************
وجده ماقصرت راحت له العصر وقالت له السالفه كلها
وقالت له اني مارضيت اروح معهم وانهم حاولوا فيني لكني مارضيت
*******************
فارس : معقوله الي تقولينه ياجدة فرح ومرح يسون كذا
حشى ماهم بصاحيات وين راحوا باخرهالليل
******************
جدة : معليش ياولدي معليش ماقصدهم بس عشان يسوقون لفوا في الحاره لفتين وصقعوا فيها على اساس انها مظلله
سامحهم هالمره عشاني وهم وعدوني مايعيدونها
*******************
فارس : خاطرك على عيني وراسي ياجدة بس هذول بنات لازم يتربون عشان يتادبون
*****************
جدة : معليش انا وعدتهم لوعادوها سوالي تبي فيهم
بس المشكله بنت الناس الي بهذلتها ومسحت بكرامتها الارض حرام عليك
***************
فارس : اعوذ بالله من الشيطان مدري انا كيف سويت كذا بس
بغيت انجن قلت معقوله تطلع بالسياره اوكيف ماكنت عارف
وطلعوا خواتي هم الي سوو كذا خلاص ياجده انا براضيها
*****************
دخل غرفت فرح ومرح ومسك كل وحده منهم باذنها وحده بيده اليمين وحده باليسار
فارس : إنا بسامحكم عشان جدة طلبتني بس إن عدتوها مره
ثانيه ياويلكم مراح ارحمكم البنات المؤدبات مايسون كذا
يطلعون من غير مايدرون اهلهم بلليل ويخذون المفاتيح
********************
فرح ومرح : خلاص والله معاد نعيدها مره ثانيه
***************
فارس :يالله اشوف قدامي روحوا لحنان وخلوها تجي بالصاله قولوا لها فارس يبيك
****************
وجوا فرح ومرح وقالوا لي وانا خلاص مالي نفس
اشوف احد قلت لهم لاقولو له ماتبي تجي قالوا
*****************
فارس : قولوا لها فارس يقولك تجين ولااطلع لك انا
***************
حنان : خلاص بنزل ونزلت على عيني قلت شكله نسى كلمه ماقالها نزلت لقيته بالصاله
******************
فارس : تعالي اجلسي ابي اكلمك
**************
حنان : نعم في كلمه نسيتها ماقلتها
******************
فارس : جلس شوي ساكت وبعدين قال عن جد انا اسف ادري اني غلطت بس والله بغيت انهبل وين رحتي يسيارة او وش سويتي فيها ميت شيء جاء في راسي انتي قلتي لي انهم نايمين والمفتاح عندك حطي نفسك مكاني
انتي وش بتسوين انتي بنت مافيه زيك وانا عارف إن اخلاقك عاليه يكفي الي سويتيه وكيف دافعتي عن نفسك سامحيني انا فعلا زودتها ومااقصد ولاكلمه من الي قلتها لك
لكن غصب عني سامحيني تكفين
********************
حنان : تفجئت بعتذاره وقلت حصل خير
*******************
فارس :طيب الحمدلله اخليك الحين عن اذنك
******************
وبعد مدة حددوا عمي والجدة موعد الزواج لكني هالمره مافرحت حسيت إنه مراح يفرق عن الي انا فيه ومسكتنيالجدة في يوم زواجي وقالت لي :
الجدة : حنان يابنتي الله يوفقك ويهدي لك زوجك بس حبيت
اقولك عشان ماتتفجئين ترى فارس عصبي جدا لكنه حنون وطيب لكن اذا عصب مايعرف ابوه من امه لكن بس يهدء
يصير زي العسل وبعدين انا مدري بس احس انك مو فرحانه مدري ليش قولي لي انا جدتك لاتخبين عني وشفيك
*****************
حنان : لايجدة مافيني شيء بس اخاف انه لسه متعلق بفاتن مانساها
******************
الجدة : حتى لو كان كلامك صحيح مع اني ماتوقع بس انتي تقدرين تخلينه ينساها
واي شيء يضايقك تعالي على طول وقولي لي وانا اتصرف
*******************
حنان :عمي ماقصرسوالي زواج كبيرمره والجميع كان فرحان الا انا وفارس
انا كنت في داخلي بطير من الفرح لكن كان مخرب علي كلامه وضيق صدري
بس كان عندي امل انه يتغير لاني قصب عني تعلقت فيه جرحني بس ماقدرت اكرهه
وزفوني وكان عمي حاجزلنا جناح في فندق عشان الصبح بنسافر من هناك جزرالمالديف مسكين عمي يبي يسوي لنا جو يحسب إن احنا عرسان زي الناس لودرى كان ماتعبنفسه وحجز لنا المهم اخذني ورحنا الفندق
******************
ودخلت واخذت شور ولبست بجامه ناعمه
وطلعت لقيته اخينا في الله نايم في سابع نومه وستحيت انام جمبه نمت على الكنبه وكان في غطاء على الفراش ثاني واخذته وتغطيت فيها شكل الي في الفندق قلبهم حاسهم اني
بحتاج له خخخخ ونمت بالعافيه اخر شيء توقعته دايما كنت احلم اني اذا تزوجت بتتحقق كل احلامي لكن كلها كانتاحلام ذهبت مع الريح
****************
في الصباح قام هو قبلي وشكلي كسرت خاطره لاني نمت على الكنب شالني وحطني على السرير قمت لقيتني على السريروماحسيت فيه وهو خرج جهزت اغراضي وجمعتها ودق جوالي
فارس : يالله تجهزي وجمعي اغراضنا كلها عشان بعد ساعه بنسافر
****************
حنان : جمعت كل شيء وانا جاهزه
********************
فارس : طيب زين انا كلمت الفندق عشان يرسلون لك
الفطور بيطقون الباب لاتفتحين الااذا راحوا انا قلت لهم يحطونه عند الباب وبعدين مره ثانيه لاشوفك تنامين على الكنب عندك سرير نامي عليه مايحتاج تسوين فيها البوئساء
سامعه يالله سلام عليكم
******************
وفعلا انتظرت لحد مراحوا وفتحت الباب واخذته وجلست افطر عند التلفزيون عروس وافطر بالحالي وش اسوي
مكتوب علي بس كنت اضحك على كلمته البوئساء الي يده في الماء موزي الي يده في النار بس الحمدلله وين كنا وين صرنا وبعد ساعه جاء ورحنا للمطار وسافرنا
*****************
صراحه جزر المالدليف روعه روعه ابدا ماتخيلتها كذا
واخذنا كوخ على البحر كنت اقضي اغلب الوقت على البحر
وطول الوقت هو بجهه وانا بجهه رغم انه كانت كثير حلوه
لكني زهقت من كثر ماجلست بالحالي قربت انسى الكلام من قلت مايكلمني وكان نادر مايمشيني اويهتم فيني
وبعد اسبوع :
كنا جالسين على البحر وهو متمددعلى البحر وحاط يده على
عيونه كانه نايم اويريح شوي
وانا طفشانه قلت له بمشي شوي على البحر قالي من غير مايطالع فيني روحي بس لاتروحين بعيد وكان المكان الي جالسين فيه فاضي تماما مافيه الااناوهو كانه البحر حقنا خخخخ والاكواخ تتشابه زي بعض وماهي مرقمه يعني ماعليها ارقام مشيت على البحروالجوكان خيال كنت لابسه برمود ابيض وتشيرت احمر فيه كتابات وفاتحه شعري ولابسه كبوس من القش شريناه من عندهم اشترى فارس واحد له واحدلي عشان الشمس وحاطه شال ابيض على كتفي عشان اخاف احد يطلع لي ومشيت وسرحت في افكاري تمنيت لو انه كان يمشي معاي اويعطيني وجه ولو يوم واحد الجوخيال والمكان رومنسي حسيت انيي رومنسيه في زمن مافيه رومنسيه وصرت امشي ورايحه جايه وعلى طرف البحر العب برجلي بالمويه كانت المويه بارده رووعه قلت ارجع عشان مااضيع يعني اتوه والتفت ادور الكوخ الي كنا عنده لان فارس متمددعنده على الرمل مالقيته وادرورامشي قدام وارجع امشي وراء مالقيته شكلي من السرحان مشيت كثير المشكله مدري وين ياربي وش اسوي خفت قلت بجرب امشي
قدامي مسافه اذا مالقيته برجع امشي على وراى مسافه المشكله لو كان فارس قام من مكانه وانا من ذكائي معلمه المكان بفارس
حاولت مالقيته ياربي وش اسوي خفت بغيت اموت من الخوف انا في بلد موبلدي وفارس اصلا مايهمه امري صرت امشي وانا اشهق من البكاء وين اروح والشمس قربت تغيب وانا تعبت من المشي وانا مدري كيف مشيت وانا مولابسه
عبايه على اساس انه مكان مافيه احد وشوي برجع مادريت اني بتوه يارب انقذني واستر علي استغفر واستغفر وانا ابكي لو غابت الشمس وش اسوي وين بروح يارب خلك معاي وفجئه :
كنت ناويه اخلي التكمله الجزء الي بعده بس قلت اكيد
مراح تنامون ويصير بالكم مع حنان قلت خلاص لعيونكم بكملكم
وفجئه:
وفجئه
وفجئه
شفته من بعيد وسمعته يقول حنان
احلى صوت سمعته في حياتي ردة فيني روحي رحت اركض وانا ابكي واقول الحمدلله الحمدلله اخر شيء توقعته من الخوف حسبتني اني خلاص مراح اشوفه ركضت لحد ماجيت عنده ورميت نفسي عليه وبكيت وقلت :
حنان : الحمدلله اني لقيتك كنت بموت من الخوف
*************
فارس : ابعدني بعصبيه انتي مهبوله انا ماقلت لك لاتبعدين
زين كذا وقفتيي قلبي صرت ادور عليك زي المجنون قلت لايكون احد خطفك او تهتي حرام عليك ياشيخه شسوي فيك اموتك
******************
اول مره يهاوشي وهواشه زي العسل اهم شيء اني لقيته خله
يهاوش لصبح هوشه تفوت ولااني اتوه بذا البلد الي ماعرف احد فيها فديت ترابك ياسعوديه المهم اثاريه الوقت الي كنت خايفه وادوره هو كان خايف ويدورني جلست اطالع فيه وامسح دموعي
******************
حنان : حرام عليك انا ضايعه وخايفه وانت تهاوشني
يعني انا قاصده اتوه الرحمه زينه يابن الحلال الاكواخ كلها شبه بعض وانا ماتوقعت اني بتوه
*****************
كان ودي انزل لكم جزين بس انا اليوم مشغوله ماقدرت
لكن البارت طويل تابوعني بكره عشان تعرفون وش رد عليها 000000الماهرات