اسفه على التاخير وشكر لكل الي سالوا عني تفضلوا حبيباتي جبت لكم بارتين


***الجزء الثامن ***
*****************
********************
حنان : حرام عليك انا ضايعه وخايفه وانت تهاوشني
يعني انا قاصده اتوه الرحمه زينه يابن الحلال الاكواخ كلها شبه بعض وانا ماتوقعت اني بتوه
******************
فارس : وانا خفت اكثر منك انا قلت البنت راحت خلاص
الحمدلله انك بخير بس لاتعيدينها مره ثانيه لاتروحين أي مكان الاوانا معاك سامعه
*******************
وجلسنا على التراب نريح بعد التعب الي تعبناه والمشي الي مشيناه قلت له صحيح انت خفت علي
**************
فارس : طبعا خفت عليك وش بقول لجده وابوي اقولهم البنت ضاعت
*****************
حنان : اف منك اف منك وقمت
**************
فارس : تعالي وين بتروحين
*****************
حنان : بعصبيه بروح انام
*****************
فارس : وهويبتسم تنامين من الحين ليه بكره بتروحين المدرسه
***************
حنان : عطيته اشكل مارديت عليه
***************
فارس : انتبهي تتوهيت مره ثانيه
******************
اول الا يام كنا ننام في كوخ فيه كذا غرفه فكنت انام في غرفه وهو في غرفه اما اخر يوم اخذنا بيت على البحر مافيه الاغرفه وصاله نام هوقبلي على السريرصرت اشغل نفسي لحد ماينام عشان مانام جمبه استحي ونمت على الكنب وحطيت الاب على رجلي يعني إن راحت علي نومه لكني من بكره اخذت زفه معتبره منه قالي :
****************
فارس : وهو معصب انا وش قلت لك ماقلت لاتنامين على الكنب ليه ماعندك سرير ولامبسوطه على الشيل كل يوم كسرتي ظهري
*****************
حنان : بغبت اضحك بس مسكت نفسي وقلت له لابس راحت علي نومه وانا على النت
******************
فارس : مره ثانيه انتبهي لاتعيدينها سامعه ترى هذه اخر مره اقولك
***************
حنان : حاضر الي تشوفه كنت بغلط واقوله سمعا وطاع يا مولاي خخخخخخ
وماصدقت قالي اليوم بنرجع ورجعت وفرحت كثير بشوفت الجدة وفرح ومرح
*******************
ومرت الايام عادي وفي يوم من الايام كنا جالسين على سفرة
الطعام على الغداء :
عمي : فارس ياولدي شد حيلك ابي اشوف حفيدي
****************
فارس : تونا بدري يبه مانبي احد يزعجنا نبي نتهنى بشبابنا
لاحقين على الازعاج
***************
عمي : لاوش هالكلام اذا انتوا ماتبون احنا نبي
**************
جدة : ايوالله نبيهم ويازينه من ازعاج ازعاجهم
*****************
وانا ضاع وجهي مدري وين اوديه استحيت من كلامهم
وعينه جت في عيني وعلى طول نزلت عيني
******************
في الليل كنت جالسه على النت ومطفيه النور بس نور الابجوره الي مفتوح ودخل ارتبكت وسويت نفسي ماشوفه
اخذ شور وغير ملابسه وتمددعلى السرير وقال :

فارس : انا تعبان وبنام بس مابي اقوم الاقيك نايمه على الكنب سامعه
****************
حنان : لاعادي انا بفرش لي على الارض وبنام عشان تاخذ راحتك واخذ راحتي
******************
فارس : تنامين على الارض هذا الي ناقص طبعا متعوده على
النومه على الارض بس خلاص انسي الي كنتي فيه
انتي هنا موفي بيتكم احنا هنا ماعندنا احد ينام على الارض حتى الشغلات على سراير تنامين انتي على الارض
****************
حنان : حسيت انه جرحني بكلامه واسلوبه القاسي كأنه حجر
قلت له وانا صوتي فيه بكاء اجل خلاص بروح انام في غرفتي الي كنت فيها قبل الزواج
*******************
فارس : ايوا عشان كل الي في البيت يدري لانامي هنا
هذي غرفتك وهذا سريرك ومابي اسمع كلام زايد وعطاني ظهره ونام
****************
حنان : بكيت بدون صوت حسيت انه هزئني قاسي مافكر فيني ولافي مشاعري وصرت ابكي ابكي وقصب عني
صرت ابكي بصوت عالي حسيت انه ظالم مايرحم
(رحت ادورمن يداوي جروحي لقيتني بعد انهان )
سمع صوتي وانا ابكي وقام وقالي :

فارس : افففف الحين ليش تبكين وش قلت لك يخليك تزعلين
كل هذا عشان قلت لك لاتنامين على الكنب نامي على السرير خلاص نامي على راحتك وين ماتبين
****************
حنان : بكيت اكثر لاني انقهرت من بروده يهزئني ويقول وش سويت لك ومارديت ولاكلمه
********************
فارس : حنان ترى انا ماعرف اراضي خلاص عاد حرام عليك انا جاي من الشغل تعبان وميت نوم خلاص عاد
معرف انام وانتي جالسه تبكين وابتسم وقال ماعرف انام في
الإزعاج
*****************
حنان : حسيت اني ودي احذفه بالمخده اواتهور واخنقه قهرني اكثر
وقلت له وانامعصبه و انا مابي انام جمبك انام
في أي مكان لكن موجمبك انت موانسان انت حجر
تجرح في الناس وماتبيهم يتالمون حرام عليك باخي
*******************
والحين بحط لكم الجزء التاسع

*** الجزء التاسع ***
*********************
*****************************

فارس : طالع فيني يعني (نظر الي )وكاني صعبت عليه وقال بهدوءانا اسف اناموقصدي ازعاج بس انا
مايطاوعني قلبي تنامين على الكنب وينكسر ظهرك
يعني هذا جزاي خايف عليك خلاص عشان خاطري اومالي خاطر عندك
**************
حنان : اوجعني قلبي كيف مالك خاطر وانت الخاطر كله لك ومسحت دموعي وقلت خاطرك كبير وانا مديونه لك يحق لك تسوي كذا
***************
فارس : لاوابوي بعد يبي عيال لوقالي مره ثانيه بقوله اسال حنان
*******************
حنان : مدري كيف تجرات وقلت كذا خلاص دور لك وحده
من مستواك يحبها قلبك عشان تجيب منها عيال انا مو من مستولك ودخلت
اغسل وجهي وطلعت لقيته نام وعلى انه طويل اللسان وقاسي
القلب الا انه كان نايم وكانه طفل .. فرشت لي مرتبه على الارض ونمت عليها على رأيه انا متعوده انام على الارض
***********************
في الصبح قمت وغيرت ملابسي لبست فستان بدون اكمام في الوان ابيض وعنابي وكحلي وفيه حزام كحلي ورفعت شعري وسويته زي ذيل حصان وحطيت روج عنابي وجلست مع جدة وجلسنا نسولف لحد الظهر وجت فرح ومرح من ألجامعه وسلموا علينا وجوا جلسنا في الصاله وجاء فارس وباس راس جدة وجت عينه بعيني وصار يتامل بلبسي وانا لفيت راسي الجهه الثانيه وجلس معانا وقال :
فارس :والله شغلة المحماة متعبه كثير نفسي اخذ اجازه لو اسبوع بس ماني قادر بس انا الحين وقفت خليت السكرتير حقي يمنع أي قضيه جديده عشان اخذ اجازه تعبان حدي
******************
فرح : الاماقلت لنا وش سويت في قضيت الحرمه
الي زوجها اخذ عيالها
******************
فارس : طبعا اخوك كالعاده كسبت القضيه واخذت اولادها
لان زوجها غير كفىء لانه مدمن ومايقدر على حظانتهم
والام فرحت كثير وصارت تدعي لي كسرت خاطري صراحه رحمتها
****************
حنان : تفجائت يوم قال كذا يعني فيه حريم كثير يكلمونه
عشان قضاياهم وحسيت بالغيره مع اني كنت زعلانه منه
اه منك ياقلبي كل الي يسوي فيك وللحين تحبه
*****************
فارس : كله كوم واليوم وحده كلمتني عشان قضيتها وقالها السكرتير إن احنا ما ناخذ قضايا حاليا لكنها اصرت الاتكلمني وتقنعني اخذ قضيتها تقول كل قضاياهم عندي وماتقدر تروح محامي ثاني ماتثق فيه لكني رفضت اكلمها قلت لسكرتير انت قولها ياتنتظر ياتدور لها محامي ثاني
********************
فرح : فارس كذا حنان بتغار بعدين عليك
********************
حنان : لا عادي هذا شغله عادي عندي يسوي الي يبي ولايهمني
******************
فارس خزني خزه حسيت اني خفت لانه مايبي احد يعرف
عن الي بينا فقلت عشان اصلح الي سويته
**************
حنان : اصلا انا واثقه فيه وادري انه قد الثقه
****************
مرح : ياعيني ياعيني يافارس من قدك
********************
وجلسوا كلهم يضحكون وقلت الحمدلله عدت على خير
******************
لكن اول مشافني جالسه بالحالي جاء عندي وقالي انتبهي على كلامك مره ثانيه بس انقذك انك صلحتيها ولاكان ياويلك مني
****************
حنان : يعني وش بتسوي بتضربني
******************
فارس : انتي عيديها وشوفي وش يصير لك
**********************
حنان : قلت له بثقه انت تحسب ماوراي ظهر عادي اعلم عمي اوجدة وهم يتصرفون معاك
****************
فارس : يعني انتي تتحديني مستقويه عشانك هنا
بس معليش مصيرك بتطلعين فوق وتشوفين وش بسوي فيك
*****************
حنان: لالاخلاص مراح اعيدها مره ثانيه توبه بعد هالنوبه
وبست يدي وحطيتها على راسه يعني وهذي راسك ابوسها

*****************
فارس : ايوا كذا خليك عاقله وبعد ين تسوين نفسك ماتغارين
تحسبيني ماشفت عيونك كانت بتطلع من الغيره
****************
حنان: ضحكت بسخريه ههههههههههه صراحه ثقتك بنفسك غريبه
على أي اساس اغار عليك على معاملتك الحلوه معاي ولاعلى
احترامك لي على أي اساس اغار تقدر تقولي
هذه حياتك وانت حر فيها ماتهمني عن اذنك وقمت وخليته
*****************
جلست انا وفرح ومرح وجلسنا نسولف وجبنا دونات
وتسالي مع القهوة وصرنا نسولف ونضحك كانوا يسولفون على ألجامعه وصديقاتهم وحسيت اني حنيت للحلم الي خربته
زوجت ابوي اني ادخل ألجامعه :
حنان : تعرفون بنات والله شوقتوني للجامعة تمنيت لواني معكم لوزوجت ابوي مخليتني اكمل كان انا سنه ثالثه بس
حسبي الله على كل ظالم
****************
فرح : طيب الحين ليش ماتكملين عشان تتسلين فارس ماهو فيه الصبح
****************
حنان : والله نفس تفكيري انا فكرت كذا بس مدري عن فارس
*****************
مرح : كلمتين حلوه منك بيخق اخوي على طول ترى اخوي
طيب وقلبه رقيق
****************
حنان : صحيح طيب بس شديد لم يعصب لايحوشك
*********************
فرح : جربي وش بتخسرين
*******************
فكرت اني اقوله على العشاء عشان احرجه قدام عمي وجدة ومايقدر يقول لا لاني بموت واكمل دراستي وفعلا نفذت الخطة الفاشله وعلى العشاء وكانوا كلهم جالسين قلت له :

حنان : وشرايك اكمل دراستي انا جايبه مجموع عالي بس زوجت ابوي ماخلتني اكمل
**************
فارس : عرف اني ابي احرجه ومايقول لي لا قال نشوف بعدين السنه الجايه يصير خير
*****************
عمي : والله برافوا عليك يابنتي خلها يافارس تكمل التعليم زين عشان اذا جوا عيالك
****************
فارس : وينهم عيالي قولها يبه ماتبي عيال كل ماقولها
نبي عيال تقول لامانبي الحين بعدين يخرب جسمي كلمها يبه يمكن توافق ورفع حواجبه يقهرني وابتسم بخبث يعني قصده وحده بوحده
****************
عمي : افا يابنتي وش هالكلام كل الحريم يحملون ويولدون
ماخرب جسمهم جيبي لنا واحد اثنين نفرح فيهم وخلي عنك هالكلام الي ماينفع
*********************
جدة : الاطفال يابنتي زينت الحياة حريم اول يقولون مايربط
الرجال الاالعيال
******************
فارس : هههههههههههههههه صحيح كلامكم صحيح
****************
حنان : وانا خلاص ضاع وجهي استحيت وماصرت ادري وش اقول تمنيت لواني مافتحت فمي
*******************
وبليل كالعاده جلست على النت ودخل علي الغرفه وقال
فارس : الاسبوع الجاي اوالي بعده يمكن اخذ اجازه اسبوعين اريح فيها ويمكن اسافر
***************
حنان : طاح قلبي في رجولي قلت لايكون بيقولي اسافرمعاه
ماصدقت رجعت من شهر العسل كان هناك صافطني ومايكلمني ولاكاني معه قلت تروح وترجع بالسلامه
****************
فارس :الله يسلمك بس ترا أعملي حسابك بتروحين معاي
****************
حنان : لاتكفى الله يخليك ماصدقت ارجع من شهر العسل
******************
فارس : ياساتر لهدرجه ماتبين تسافرين معاي
************
حنان : بصراحه طفشت انت سافطني ولاتكلمني وانا جالسه شهر كامل على البحر لاتمشيني ولاشفت شيء طفشت
انت تبيني اروح اكيد عشان عمي وجدة مايقولون ليش
لاتخاف انا بقول لهم اني مابي اسافر وفرصه عشان ترتاح مني
*****************
فارس : انا مااشتكيت لك وبعدين الحرمه لازم تسمع كلام زوجها وين مايروح تروح معاه ماتخافين علي من الفتنه
اوعيني تزوغ كذا اوكذا
*******************
حنان : لاماني خايفه وين بتلاقي اصلا احلا مني
******************
فارس : هههههههه هههههههه وش هالغرور
*****************
حنان : لاهذا مايسمونه غرور هذا يسمونه ثقه في النفس
*******************
فارس : اصلا بس تقولين كذا لكن اذا جيت اسافر
بتموتين ماتقدرين على فراقي يومين مو اسبوعبن
****************
حنان : انصدمت معقوله عرف اني فعلا مقدرعلى فراقه
رغم قسوته وتصرفاته الي تنرفز لكن فعلا مقدر على فراقه ولايوم واحد وقلت له وش هالغرور
*******************
فارس: لاهذه مغرور هذا ثقه بالنفس
***************
حنان : ضحكت على كلامه كان يضحك وهو يقلدني
****************
فارس : زي ماقلت لك جهزي نفسك بتسافرين معاي
ماعندي حريم يقولون لي لا كل ماقولك شي تقولين لي تم
*****************
شفتوا ماقلت لكم كنه طفل كلامه يقهر لكنه حنون و
يمكن تقولون يقهر لكن انا المره هذي مانقهرت يمكن تعودت اولاني فرحت انه يبغاني اروح معاه مادري المهم اني قلت له

حنان : امري لله تم وش اقول مالي الا السمع والطاعه
***************
وفي اليوم الثاني :
دخل الغرفه وهو يكلم بالموبايل وبصوت عالي وكاني ماني موجوده او انه مايهمه اسمع اولا وقال:
*************
فارس : ايوا عرفتك طبعا انتي الي حطيتي عندنا قضيه
من قبل صح
*********************
محدثته : -----------------------
*********************
فارس : شفتي كيف مانسيتك انا مانسى الناس المهمين
*******************
محدثته : ---------------------
*******************
فارس : تصدقين عاد احنا حاليا مانقبل أي قضيه
لاني بخذ اجازه بس ولايهمك قضيتك مانقدر نردها ارسليها وانا بشوفها بنفسي انتي تامرين امر
******************
محدثته :----------------------------
********************
فارس : لاولو ولاتعب ولاشيء اذا ماخدمناكم من نخدم اجل
****************
حسيت اني بموت من الغيره وتمنيت اكسر الموبايل على راسه وراسها يكلمها كذا بدون حيا ولا حتى يعمل حسابي حسيت إن دمي صار يغلي وبكل برود سكر ودخل يخذ شور صرت انا الف في الغرفه رايحه جايه مين هذي وليش يكلمها كذا المشكله هو قالي من الاول لاتدخلين فيني اكيد يقصد كذا وصارعقلي يروح ويجي بالافكار مدري اساله مقدر اسكت بموت اخر شيء قلت مافيه الااني اقوله كذا وانتظرت على احر من الجمر لحد ماطلع وقلت له :
*********************
حنان : ااااا خلاص مراح نسافر اوبنئجل السفر
******************
فارس : لا كيف نئجله بالعافيه اخذت اجازه ليش تقولين كذا
******************
حنان : لابس لاني سمعتك تقول للحرمه انك بتاخذ قضيتها
**********************
فراس : ردعلي وكانه في وجهه ابتسامه انتي تجسسين علي
*********************
حنان : لاطبعا بس صوتك عالي سمعته قصب الامن هذي
الي كنت تكلمها
*******************
فارس : هذه زبونه عندها قضيه ليش تسالين
********************
حنان :لابس سوال اشوفك مهتم فيها قلت شكلها زبونه مهمه
*******************
فارس : ليش تقارين منها
******************
حنان : بعصبيه انا لاطبعا بس استغربت لاهي زوجتك ولااحد من قرايبك وتكلمها كانك عادي مطيح الميانه معها انت كذا مع كل الي يجيبون لك قضايا
******************
فارس : هههههههههه ههههههههههه كل هذا ماتغارين اجل لوتغارين وش بتسوين
***************
حنان : لاتتوهم شيء مصار انا بس حبيت انصحك
انه مايجوز تكلم الحرمه كذا بهالاسلوب
******************
فارس :مشكوره على النصيحه انا كنت بقولك الحرمه هذي مين بس حسبتك تغارين لكن بماانك مايهمك خلاص ماله داعي اقولك
*********************
حنان : يعنيي لاازم اغار عشان تقولي قولي من باب الفضول
*****************
فارس : لاخلاص ماله داعي مايهمك خلاص
*****************
وتمدد على الفراش بينام وانا خلاص دمي يغلي ودي اعرف مين هذي بس ماودي اعترف له اني اغار عليه فقلت له
*****************
حنان: طيب استنى شوي لاتنام كلمني
***************
فارس : إنا لله وان اليه راجعون وش اقولك قلت لك زبونه وخلاص انتي موتقولين مايهمك وعادي ماتغارين ليش تسالين
خليني انام
******************
حنان : لاماتنام الاتقولي من هذي وليش تكلمها كذا حتى انا وانا زوجتك ماتكلمني كذا اول قولي وبعدين نام اواروح انام بالغرفه الثانيه والي يصير يصير
******************
فارس : مراح اقول ولاكلمه الالما تعترفين انك تغارين كل هذا موغيره اجل وش يسمونه هذا
******************
حنان : ايوا اغار ليش انت تحسب اني ماحس داخل وبكل جرائه تكلمها وكاني مو موجوده تحسب اني ماحس يالله قولي مين هذي بسرعه
******************
فارس : ههههههههه ايوا كذا شفتي قلت لك انك تغارين
تقولين لا انا بقولك من هذي شوفي جوالي مين اخرواحده كلمتها جده ومتى بعد من ساعه لاكلمت احد ولاشيء بس كنت بشوف تغارين اولا انا ماعمري كلمت وحده منهم الالضروره القصوه ودايما مع السكرتير وقليل لانهم يجبونها مع ازواجهم اواخوانهم محد يكلمني وين احنا قاعدين ارتحتي الحين
*********************
انتهى البارتين اتمنى تكون اعجبوكم ونالوا على اعجابكم اتمنى اسمع ارائكم واشوف ردودكم
0000000الماهرات

يسعدني ويشرفني اني اول واحدة ترد

يجنن يجنن يا مهورة هذا البارت
يسلمو الانامل اللي خطت هذا الابداع

يسلمو يا مبدعة

كتير حلوين

ننتظر البارت القادم بفاغ الصبر

يلا لا تطولي

تحياتي...

روووووووووووووووووووووووووووووعه