الماهرات :

اسفه تاخرت عليكم والله قصب عني والي طلبوا اني اطول القصه معليش حاولت اطول لكم في القصه قد ماقدر هذا اتمنى اكون رضيتكم حنين 46 السفر لاطاليا معليش سامحيني بس كنت كاتبه الجزء ومقدر اغيره كله الحين تفضلوالجزء القبل الاخير *** الجزء العاشر *** ******************* ********************** فارس : ههههههههه ايوا كذا شفتي قلت لك انك تغارين تقولين لا انا بقولك من هذي شوفي جوالي مين اخرواحده كلمتها جده ومتى بعد من ساعه لاكلمت احد ولاشيء بس كنت بشوف تغارين اولا انا ماعمري كلمت وحده منهم الالضروره القصوه ودايما مع السكرتير وقليل لانهم يجبونها مع ازواجهم اواخوانهم محد يكلمني وين احنا قاعدين ارتحتي الحين ********************* اخذت جواله وشفته فعلا زي ماقل لي قلت له *********** حنان : طيب ليش تسوي فيني كذا تحب تقهرني تنبسط تشوفني مقهوره انا وش سويت فيك اذيتك بشيء ضايقتك بشيء *************** فارس : انتي ااااه منك مافيه احد عذبني زيك *************** حنان : ومافهمت وش يقصد ***************** بعد الموقف هذا مصار يضايقني باي شيء وتعامله معاي كثير ذوق لكني لاحضت انه يجنبني وماكنت فاهمه ليش يسوي كذا لكني بعدين فهمت : وفي يوم من الايام جاء فارس وقالي : ***************** فارس : هذه الاوراق حق ابوك الله يرحمه والورث حقك وحق اختك وزوجت ابوك لازم اروح لهم عشان يستلمونها ويوقعون عليها بس انا ابيك تروحين معاي *************** حنان : انا لا اخاف اروح هناك **************** فارس : لاتخافين انامعاك وبعدين انتي زوجتي ماتقدر تسوي لك شيء وانا معاك بس انا مقدر اروح بالحالي ******************* وفعلا رحنا انا احس اني بموت من الخوف لكن وجوده كان مطمني وطقينا الباب وفتحت لي اختي حنان :السلام عليكم ******************** اختي : اهلا حنان وحشتيني وضمتني وانا مستغربه منوين طالعه الشمس وقالت لي ادخلي حياك ******************* حنان : لحظه زوجي معاي يبي يدخل لانه محامي ابوي الله يرحمه ويبك انتي وزوجت ابوي توقعون على الاوراق عشان الورث *************** اختي : طيب خليه يدخل المجلس وانا بروح البس عبايتي واجيكم ******************* ودخلته المجلس وانا مدري وش السالفه وشفيها كذا متغيره اوانها تضحك علي كنت خايفه وجت قالها فارس ****************** فارس :لو سمحتي الله يجزاك خير نادي الوالده عشان توقع على الاوراق لاننا مستعجلين ****************** اختي : وهي تبكي امي ماتقدر تجي بعد مارحتي ياحنان كانت معصبه تدور عليك ونازله الدرج بسرعه وطاحت من فوق لتحت وانشلت شلل كامل ماتقدر تتحرك وانا طلعت من ألجامعه وماقدرت اكمل عشان اخدمها لان الظروف صارت صعبه ومانقدر نجيب شغاله وامي ماعندها احد يقعد معها وكل هذا اكيد عقاب من الله على الي سويناه فيك وراتب ابوي يادوب يكفينا بالعافيه عشان علاج امي احيان ناكل واحيان مانلاقي شيء ناكله ********************* يمهل ولايهمل اتفاجئت من الي سمعته وعرفت إن ربي فعلا مايضيع حق احد ومرعلي شريط حياتي معهم تذكرت كيف كانوا يعذبونيي ويظلمونيي وكيف كانوا يخلوني من غير اكل ويحبوسني بدون سبب يمهل ولايهمل ونزلت دموعي لكن مادري ايش هذي الدموع لكني بكيت ********************* اختي : اذا تبون تطلعون عندها بالغرفة ونخليها توقع والله احنا محتاجين لهالفلوس ...حنان ليتك تسامحينا على الي سويناه فيك ادري انه موشوي لكن هذا ربي انتقم لك منا ******************** حنان : انا مسامحتكم بس روحي قولي لها عشان ندخل عليها ****************** ودخلنا عليها كان حالها حال كانت بس تحرك عيونها ماتقدر تتحرك واول ماشفتني دمعت عينها وقالت لي بالعافيه لانها يالله تقدر تتكلم قالت لي سامحيني ياحنان اناظلمتك وربي انتقم لك سامحيني تراني اتعذب كل يوم ميت مره ****************** حنان : سامحتك يا خالة سامحتك والله يشفيك ويعافيك وتقومين بسلامه ******************* وخلاهم فارس يوقعون على الاوراق وقراء لهم الورث وطريقة تقسيمه وبعد ماخلص انصدمت من الي قاله ****************** فارس : يا خاله انتي عارفه إن الي صار لك عقوبه من الله حاولي تكفرين عن ذنبك يمكن ربي يغفرلك ودي اسالك سوال بس حلفتك بالله تجاوبيني بصراحه لاتكذبين علي *************** زوجت الاب : اسال ياولدي اسال وانا اجاوبك ****************** فارس : انتي تذكريني انا الي قلت لك محامي ودخلتي علي حنان تذكريني او نسيتيني ************* زوجت الاب : ايوا طبعا اذكرك ***************** فارس : حلفتك بالله ياخالة انا كنت اول واحد تدخلينه اوفي احد قبلي تكفين يخاله قولي لي ****************** حنان : اخر شيء كنت اتوقعه انه بيسال كذا معقوله كل هالمده مكان مصدق انه اول واحد ****************** زوجت الاب : ايوا انت اول واحد واخر واحد وانا الي اجبرتها سحبتها لحد عندك كنت احسبك الي اتفقت معاه وهي ترجتني وتوسلتني لكن انا ماكنت اسمع توسلتها ****************** فارس : خلاص يخاله انا بوديك اكبر مستشفى في البلد عشان اعالجك وبجيب لك خدامه تخدمك عشان بنتك تكمل جامعه ويخف التعب عنها انتي صحيح الي سويتيه في حنان محد يسويه لكنك خدمتيني خدمة عمري لو ماسويتي كذا كان انا الحين ماعرفت حنان وهذا الجميل عمري مراح انساه لك **************** زوجت الاب : كانت تبكي وتدعي لنا انا وهو **************** وطلعنا من غرفتها وقال لي : يالله حنان نمشي **************** حنان : لا روح انت انا مراح اروح معاك وابيك تطلقني وانا اشكرك على كل الي سويتيه معاي جميلك مانساه ***************** فارس : موعلى كيفك تجلسين هنا انا زوجك ومابيك تجلسين هنا وبعدين ابوي وجدة وش نقولهم ******************** حنان : لاتخاف انا بقولهم انا طلبت الطلاق وانا ابي اجلس هنا زي منت شايف زوجت ابوي مامنها ضرر وانا بكمل دراستي وعشان انت بعد ترتاح مني على طول ***************** فارس :حنان لاتقولين كذا انا ماقدر استغنى عنك انا عارف انك زعلتي من سوالي الي سالته بس قصب عني كنت ابي ارتاح لاني كنت اتعذب كل هذيك الشهور ماودي انصدم إن في احد قبلي انا عارف انك بنت اخلاقك عاليه والف واحد يتمناك بس خفت تكونين خبيتي علي انها هي غصبتك على احد ثاني سامحيني.. وحتى قسوتي معاك كان هذا سببها ماكان ودي اضعف وبعدين انصدم والله مراح تشوفين الا الي يرضيك تكفين يحنان حتى السفر كنت اقدر اسافر بالحالي لكن انا كنت ابيك تسافرين معاي مقدر اروح بدونك حنان تكفين سامحيني ******************** حنان : خلاص الي جاء منك كفايه خلاص يافارس مابي اسمع ولاكلمه انا استحملتك كثير لكن الى هنا وخلاص انا تعبت من الاهنات ماقدر استحمل اكثر ******************** فارس : حنان انا قلت لك قصب عني انا قلت لك سبب قسوتي معاك لكن الي انتي ماتعرفينه انك سحرتيني بادبك واخلاقك وملكتيني بمعاملتك لي وحده مكانك ماتستحمل الي سويته فيها لكنك استحملتيني وصبرتي علي خليني اعوضك كل الي شفتيه معاي تكفين ياحنان سامحيني وعطيني فرصه *************** حنان : خلاص الحين ماينفع الكلام لوتنطبق السماء على الارض مارجعت لك معاد ابيك خلاص ورحت وخليته **************** دخلت غرفتي كانت شبه مهجوره دخلت فيها وعادة لي الذكريات من جديد ذكريات كلها الالم وحزن ورغم إن فارس جرحني واهاني وقسى علي كثير لكن كانت الايام الي قضيتها في بيته معاه ومع اهله من اجمل ايام حياتي رتبت غرفتي لانها كانت في حاله جدا سيئه من طول المده وجلست على سريري وغفوة غفوة من التعب التنظيف والتعب النفسي وحلمت بفارس حلم غريب وقمت مفزوعه وسمعت الموبايل يدق كانت فرح حسيت اني خفت قلت خير اللهم اجعله خير : ******************** حنان : السلام عليكم اهلا فرح وش اخباركم انتم بخير ************** فرح : وعليكم السلام احنا الحمدلله بخير بس السواق بيجي ياخذك الحين لان فارس صارله حادث ويبي يشوفك ********************* حنان : وش تقولين فارس وكيف الحين ليكون صار فيه شيء فرح تكفين قولي لي وش صار له لاتخبين علي *************** فرح : مافيه شيء اطمني حادث بسيط انا من شوي كنت عنده انا واهلي بخير لكنه يبي يشوفك اطمني ياحنان ****************** لكني ابدا ماطمنت كنت خايفه وجلست على اعصابي لحد مجاء السواق وصرت ادعي إن ربي مايحرمني منه ولايكون صار فيه شيء ودخلت المستشفى ادور بس غرفته الي قالت لي فرح ودخلت عليه كان متمدد على السرير ونايم وشفت الممرضة عنده سالتها وش فيه ****************** الممرضة : حمدلله كويس الحين هو فيه نوم بس شوي قوم بعدين كويس ******************* جلست عنده واقراء عليه وادعي إن ربي يشفيه ماتخيل حياتي بدونه وحسيت اني السبب في الي هو فيه لانه طلع من عندي وصارله الي صار وجلست لحد مافتح عيونه ******************** فارس : حنان الحمدلله انك جيتي ******************* حنان : معقوله ماجي قولي انت بخير وش فيك ****************** فارس : الحمدلله انا بخير حنان تكفين سامحيني بعد ماطلعت من عندكم حسيت إن ظلمت الدنيا بعيني ماكنت اشوف قدامي وصار الي صار اوعدك ماضايقك واعوضك كل الي فتيه بس عطيني فرصه اثبت لك كلامي ****************** حنان: سامحتك قصب عني سامحتك مع انك جننتي بقسوتك كل هالشهور لكن ماقدر الااسامحك ******************** وبعد ماسووا له الفحوصات وتطمنوا عليه طلع بعد يومين من المستشفى والحمدلله ******************** في السيارة : فارس : كنت خايف ماتسامحيني كان مادري وش بيصير فيني ************** حنان : بس انت وعدتني تتغير وتبطل قسوه معاي ****************** فارس : اكيد من غير ماتقولين بس هذا مومعناه انك ماتسافرين معاي الاسبوع الجاي هذا برى الاتفاق انا ابيك تروحين معاي ******************** حنان : بوافق بس على شرط تمشيني موتسوي زي المره الي فاتت كنت بموت من الطفش ******************* فارس : اكيد امشيك والف فيك البلد بعد وانتي اختاري البلد الي تبين ******************** حنان : ابي بلد عربيه ابي اروح مصر ******************* فارس : خلاص نروح مصر بس بقولك شيء قبل انسى المرتبه حقتك عطيتها للخدامه قلت لها تصرفي فيها لان مالها داعي بعد اليوم ****************** حنان : هههههههه هههه بما انك اعترفت لي دوري اعترف لك صحيح انك كنت قاسي معاي لكن من يوم انقذتني ملكت قلبي وماقدرت اكرهك رقم انك جرحتني وهزئتني لكن القلب ومايهوى ************** وعشت اسبوع من احسن ايام عمري نسيت فيها كل العذاب والحزن الي شفته وبعد اسبوع سافرنا مصر كانت سفره غير سفره لاتنسى من اولها لاخرها اكيد تبون تعرفون وش صار في السفر بقول لكم من طقطق لسلام وعليكم بس موالحين بكره بقولكم بالجزء الاخير اتمنى يكون الجزء اعجبكم ونال على اعجابكم 00000000الماهرات

اسفه تاخرت عليكم والله قصب عني والي طلبوا اني اطول القصه معليش حاولت اطول لكم في القصه قد ماقدر ...