السلام عليكم ورحمة الله وبركاته
قبل اكم من يوم اصر الطيب :arb: أروح للدكتورة علشان يطمن على الجنين والسبة إني قلت له انه صارت منه حركه متواصلة من يده في بطني لمده طويلة ووقفت فجأة وبس وهات ياوسواس اللي نزل بالطيب , وبعدين إلا أروح للدكتورة مع انه موعدي معاها بعد عشرة أيام وأنا أقول ما في شيء هذي حركه عاديه بس ركبت معاه إلا أروح .......... المهم ورحنا
أخذت رقم وجلست انتظر الدور ولاحظت انه في تأخير بالكشف وسألت وحده من الكرروشات اللي معي ايش السالفة قالت فيه في الغرفة الثانية حالة ولادة والدكتورة تروح كل شوي تطل عليها >>>>>>>>> :huh: اها هذا هو السبب
بس ومن لقافتي رحت يم الغرفة وسويت نفسي امشي واتحرك وفكيت الباب <<<<<<<<<< :freak6:واشوف اللي تتلوى المسكينة تتمخض ووجهها يدل على المها واسأل المرافقه اللي معاها هاه بشري ولدت قالت بعد ماولدت والله خفت وجاني خوف مو طبيعي وقعدت ادعي لها الله يفرج لها ويسهل امرها
وبدأت أحس بألم في بطني هو من الخوف او شيء ثاني مع اني في الأسبوع 30 من الحمل يعني في اخر السابع , وجاء دوري الا وانا رايحه تجي وحده شكلها تعبانه وماهي قادره تمشي
واسألها وش فيك عسى ماشر >>>>>>>>>>> :icon810:ما اخلي اللقافه ابد
الا المسكينه بتولد ويمسكني بطني مسكه بطاله ودخلت عالدكتوره اقولها : دكتوره في وحده بتولد برى لحقي عليها قامت الطيبه بهدوء وانا ودي اطير من المكان وتقول للممرضة دخليها غرفة الإنتظار " ما قبل الولادة " وانا عيوني طايره:icon33:
دكتوره بتخلينها قالت : ليه قلقانه انا عارفتها بتنتظر شوي ومافي مشكله , وانا ماني مرتاحه وتقوم تسألني : فيك شيء ليه جايه مبكره عن موعدك المهم علمتها بالسالفه وقامت كشفت علي الا وتسألني وهي تضحك وش تحسين
قلت شوي مغص الا وهي تقول انت عند طلق بسيط ماتدري <<<<< :o هاه وش تقولين !!!!
قالت انت متوتره من شيء صار لك شيء قلت والله اللقافه حقتي جبت الخوف لنفسي وهي اللي مغصت بطني الله المستعان .
قالت حنا مانبي تجيك ولاده مبكره لانك اللحين عندك تقلصات قويه ماندري ايش اسبابها >>> اللقافه الي مالها داعي
واعطتني حبوب لمنع الولاده المبكره اخذ نص حبه كل 12 ساعه وزوجي مو مرتاح لها خايف تكون سبب في تعسر الولاده .. اعرف طولتها وهي قصيره .... بس من عندها خلفيه بهالامور تفيدني والله يجزاها كل خير .
دمتم بخير
ام الدرر @am_aldrr_1
محررة
يلزم عليك تسجيل الدخول أولًا لكتابة تعليق.
ام الدرر
معليش بكون معك صريحة
مره مو حلوة حركتك يوم تفتحين الباب على الحرمة وهي فحالة ولادة
لازم تحترميين خصوصيات الناس
لاتخلين اللقافه والفضول تدفعك لتصرفات ممكن تخلي الناس تكرهك وتدعي عليك
حطي نفسك بمكانها
لو انتي تولدين بالغرفه ووضعك الله العالم فيه وكل شوي وحده فاتحه الباب وتطل عليك
بيعجبك هالشي ؟؟؟
احب لاخيك ما تحب لنفسك
الله يهديك بس ويسهل حملك وولادتك
معليش بكون معك صريحة
مره مو حلوة حركتك يوم تفتحين الباب على الحرمة وهي فحالة ولادة
لازم تحترميين خصوصيات الناس
لاتخلين اللقافه والفضول تدفعك لتصرفات ممكن تخلي الناس تكرهك وتدعي عليك
حطي نفسك بمكانها
لو انتي تولدين بالغرفه ووضعك الله العالم فيه وكل شوي وحده فاتحه الباب وتطل عليك
بيعجبك هالشي ؟؟؟
احب لاخيك ما تحب لنفسك
الله يهديك بس ويسهل حملك وولادتك
ام الدرر
•
مشاعر
الله يعطيك العافيه يالحبيبه
كنت متوقعه هذا الكلام بس انا مارحت وتجرأت الا يوم شفت الدكتوره فكت الباب
وكأنه مافي مشكله وخلت الباب مفتوح كامل
يعني كان باين انها في حالة مستقره وظننا مني انها ولدت بس وترتاح , هي شكلها مطوله ودوبها ..
غير انه المرافقه اللي وياها ماابدت اي تذمر من تصرفي بالعكس كانت حانه عليها وعلي ..
مشكوره يالغاليه
الله يعطيك العافيه يالحبيبه
كنت متوقعه هذا الكلام بس انا مارحت وتجرأت الا يوم شفت الدكتوره فكت الباب
وكأنه مافي مشكله وخلت الباب مفتوح كامل
يعني كان باين انها في حالة مستقره وظننا مني انها ولدت بس وترتاح , هي شكلها مطوله ودوبها ..
غير انه المرافقه اللي وياها ماابدت اي تذمر من تصرفي بالعكس كانت حانه عليها وعلي ..
مشكوره يالغاليه
الصفحة الأخيرة
والله ياقلبي ماعندي علم بهالحبوب لكن انتي استودعي الله نفسك وجنينك ...
ويارب يتمم لك حملك بصحه وسلامه