السلام عليكم ورحمة الله وبركاته
قبل كم يوم رحت اعزي عند ناس ولدهم الكبير مات رحمة الله عليه ويجعل مثواه الجنه واول مره اعرف اهله لاني اعرف بس اخته ولما دخلت والله كاني بحلم اشوف امه تقطع القلب صابره ومحتسبه :06:الله يجزاها الجنه وما غير تحمد الله سبحانه مع انه بكرها
بس تدرون مين الي قطع قلبي اكثر شي وحزنت عليها زوجته الله يصبرها ويعوضها بكل خير :44:
قاعده ساكته ومسهمه في عالم اخر ولما عزيتها تقول :الحمد لله وتستغفر وتذكر الله
يالله قد ايش موقفها صعب وعندها طفله صغيره وهي في عز شبابها وهو رحمة الله عليه توه بالثلاثينات بس قدر الله
وما قدرت اشيل عيني من عليها :icon33:
والي حزني اكثر اني قبلها بيومين شفته عندنا بالعماره كان جاي يزور اخته سبحان الله من يصدق انه بعدها بيومين
بيكون في عداد الاموات ونقول كان معانا والله شي صعب الله لا يوريه لاحد
كان مسكين طالع لدوامه وجاه هندي بتريله حسبي الله عليه عاكس الطريق وصدمه وساعتين وانتقل الى رحمة الي خلقه ........
فيا حريم لا تخلون الزعل يطول بينك م وبين ازواجكم حاولوا تهدوا النفوس ترى الدنيا ما تسوى وما حد ضامن عمره
ولو لثانيه الوحده ايش بتستفيد لو لا قدر الله وصار شي على زوجها وهم على خلاف :29:والله غير الحسره والندامه ...
ادري طولت عليكم بس ما ني قادره انسى منظر زوجته ولا اخواته ابد ابد واتخيل بنته لو جت تسال عنه ايش بيقولون لها لا حول ولا قوة الا بالله العلي العظيم
ادعو له بالرحمه وان يعوضه بجنه عرضهاالسموات والارض وان يكرم نزله ويجعله بالفردوس الاعلى من الجنان
محبتكم ::::حلم عشناه
حلم عشناه @hlm_aashnah
محررة
يلزم عليك تسجيل الدخول أولًا لكتابة تعليق.
ارجوانه الماسيه
•
الله يررررحمه ياااارب
الصفحة الأخيرة