رحت اقدم على وظايف مدارس وزارة الدفاع

ســـــــــــــــــــــــــــــــــــــــــلام عليكم يابنات حواء
اليوم سويت فيها اني فتاة نشيطه وقلت ابروح لاشراف وزارة الدفاع اقدم على وظايف مدارس وزارة الدفاع وابي اجيب الاخبار لخواتي في منتدى حواء الي ينظروني على احر من الجمر
ومن زود الحماس مانمت يعني رحت وانا مواصله
ومن زود الحماس اخذت معي ملفين بدال الواحد
ومن زود الحماس مسويه الفطور بنفسي لخوي الي بيوديني ومقلطته عند خشمه
ومن زود الحماس راكبه السياره ومقدمه راسي عند الطبلون كن الوظيفه بطير وصكيت على عبايتي بعد
ومشينا واخذت الوصف الي في منتدى حواء الي كتبته الاخت الله يجزاها خير
ومسكنا طريق المطار القديم ندور على المقهى وافترينا لين افترت روسنا ولعنت الساعه الي تخرجت فيها من الساعة 7 الى الساعة 11 واخرتها رجعت تيتي تيتي مثل مارحتي مثل ماجيتي
الي راحت تكتبلي الوصف الدقيق والتقديم الى متى وش اسم المكتب الي فيه تقديم
هل هو الاشراف الي في المربع ولا اشراف الروابي ولا وش القصه