السلام عليكم ورحمة الله وبركاته
جمعه مباركه على الجميع ان شاء الله
اولا صبحكن الله بالخير يالله حيهن القهوه :35:
اقولكم قصة ولادتي الي بدون ولاده :44:
انا الحين بنهاية التاسع وهذا الحمل الرابع لي بعد فترة نقاهه 5 سنوات نسيت فيها الحمل واعراضه خخخخخخخخخخخخخ
المهم امس من الظهر وانا حالتي حاله شي يمغصني وشي يشد وروكي وشي يكسر ظهري الى جت الساعه 7 المغرب ويبداء الالم يزيد وخشتي تنبئء بحدوث ولاده قريبه والله واقوم احورف بعمري والبس واجهز شنطتي واقوم ابو الشباب:arb: ويفزع ويستعد معي كانه هو الي فيه طلووق خخخخخخخخخخخخخخ
واركب السياره واجهز الدموع والوصيه واحلف زوجي ينتبه على بناتي:icon33:(( وتراهن معك امانه اسئلك عنهن يوم الماقف العظيم )) <<<لاتشرهون متأثره بجدتي
ويوم شفت الطوارئ وتبداء فيني النفاضه وعظيماتي تراقص واجي ابقراء وردي واضيع في سورة الاخلاص من الروعه الله لايبلاكم والا بنتي الي عمرها 5 سنوات حافظتها :27:
وادخل على الدكتوره واداهم الغرفه قالت وش فيه قلت ولاده ولاده قالت عندك السرير وانا انقز عليه وتجي تكشف واتشهد<<<<< يماااااه يالكشف ما اطيقه
وييوم خلصت من الكشف قالت قومي فزي يامال الماحي ماعندك ولاده توك رددي ياليييييييل ماطولك
والله ويبرد فيسي:44: قلت لا يا اختك قولي غير الكلام ده
قالت توك 2 سانتي ومسويه زحمه بالشارع
وانا اتفشل وارجع اجر اذيال الهزيمه واروح لزوجي قلت سرينا قال والولاده قلت ردد معي يالييييل ماطولك :44:
وارجع بيتي واشرب كف مريم واتبخر بمراميه ويروح الالم كله وانا سمعت انها تفتح الرحم لكن انا رحمي ماهو صاحي لذلك قلت مالي غيركم يابنات حواء الهمااام ساعدني وش اسوي ابي اولد
واللي ماعندها حل ترفع موضوعي بدعوه الله ياجرها
ام سوير ملح وقبله @am_soyr_mlh_okblh
عضوة نشيطة
يلزم عليك تسجيل الدخول أولًا لكتابة تعليق.
ام سوير ملح وقبله
•
الله يجزاك خير يالغاليه
التـــرف
•
انتظري لين ربك يفرجها ان شاء الله .. ونصيحتي لك لاتاخذين شئ يفتح الرحم اصبري لين ينفتح لوحده والله يسهل امرك امين ..
الصفحة الأخيرة