رحت جمعة ورجعت منهاااارة

انا من زمان ماخرجت ولا اختلطت باحد غير اخواتي واليوم رحت علي جمعة وحدة من الاخوات ..

وصراحة ضااااق صدري علي بنتي .. اطفال كثير بعمرها وماشاء الله تبارك الله عليهم بنتي ولاشئ جنبهم

حتي وهي جالسة زي الريشة لو احد مسكها طاحت

بس زعلت من وحدة من الاخوات ماسكة بنتي تعليقات ليه رجولها صغار.. ليه عيونها كذا.. تمسك اصابع بنتي وترفعها وتصرخ يالله شوفي كيف غريبة..
بكل وقاحة تتريق تقول مااتخيلها تقدر تمشي.. اذا بنتي جلست جنب طفل تقول شوفي شوفي ماكأنها اكبر منه
ضايعة جنبه..
حتي الحريم تحسسو وخافو علي عيالهم وانا والله احاول جاهدة مااعلق علي احد ولا اتكلم عن اي طفل بسبب حالة بنتي اخاف يفهموني غلط ويتحسسون مني
حتي ملابسها تقول معقولة هذا المقاس؟؟ من0-3 وهي عمرها سنة وشوي؟؟ شكلها ملابس عروسة

طول الجلسة استلمت بنتي ماعندها غيرها تعطيها الجوال وبنتي مااحسها تفهم كثير علي طول تحطه بفمها
الاخت الله يهديها تاخذه وتعطيه طفل ثاني واذا حطه علي اذنه تقولها شفتي كيف؟؟نتكلم فيه مونلحسه

:44:


:44:


:44:


ملاحظة عشان البنات يفهمون الوضع.. بنتي مريضة احتياجات خاصة متلازمة اقزام امستردام ولو ان المميزات اللي فيها من مرضها قليلة لكن واضح عليها لاي وحدة تدقق فيها..
والاخت اللي تكلمت فيها ادري انها الحين حاطة راسها ونايمة ولاتفكر انها جرحت احد بكلامها.. وانا ماابغي احد يقول عني حساسة او ياخذ ان بنتي نقطة ضعفي لما ارد عليهم



حبيت اقولكم ان اللي تتكلم علي بنتي هي اختي وكأنها ماتعرف بنتي ولاتشوفها عند امي
وهي تعرف ان بنتي مريضة لكن ماتعرف مرضها بالضبط


واللي تقول غيري الحليب بنتي لها نظام غذائي متكامل بس للاسف هذا طبيعة مرضها تكبر ببطء شديد


اسفة عدلت علي الرد لاني جديدة