اخر زواج حظرته كان الخميس اللي راح وكان زواج اخوي الله يوفقهم ويسعدهم
اهل العروس ماقصروا ماشاء الله عليهم والعروس مازفوها بنفس القاعه كان فيه صاله ثانيه وكانت فيه الزفه بس اهل العروسه والعريس المقربين بس يعني اخوانها واخواتها وزوجات اخوانهم والعريس اخوانه وخواته وزوجات اخواني بس زفتهم عادية لكن اول مادخلنا كانوا مستقبلينا ينثرون علينا بالورود ودفتر الذكريات و انواع توزيعات زفوا العروس ثم اخوي بعدها وزعوا علينا العصير والجاتوه وبعد ماطلعوا العرسان وجينا نطلع وزعوا علينا ورود طبيعيه
اما التوزيعات بذكر لكم اشكالهن /
نوع على شكل اعشاش طيور - توزيعه على شكل دفتر مفتوح ومكتوب فيه شعر اهداء للعروسين - توله عود مغلفه بخيشه وورد ومكتوب اهداء - نوع على شكل باقه ورد صغير فيه حلاوة )
وانا وخواتي سوينا توزيعات اهداء منا للعروسين /
سوينا توزيعات حصن المسلم جلدنا الكتاب وركبنا زخارف عليه وحطينا داخله الاهداء - شرينا توزيعات على شكل سيارة العروسين مزينه ومغلفه هي جاهزة بس حطينا الاهداء - شريت الجرار الصغيرة وحطينا فيها اهداء وحلوى صغيرة ( كأنها الجرة اللي تكون مجدوعه بالبحر وفيها رساله )
والقهر ماحضرت من الزواج الا الزفه عندي بنت ماشاء الله عليها ولعت صافرات الانذار وعجزت اسكتها وجلست انا وياها بالمدخل للقاعه ماتبي صوت الطق ولا تبي تشوف الناس ولا تبي احد غيري يناظرها ولا يشيلها لا شغالتي ولا خواتي ولا عماتها

_______

وقبل زواج اخوي باسبوع كان زواج بنت اخت زوجي الله يوفقهم ويسعدهم
انا ماحضرت كانت بنتي تعبانه لكن انا مساعدتهم ومطلعه على اغلب الاشياء
كان قبل الزفه حاطين اغنيه قديمة مرة وكانوا بنات العايله كل الصغار والكبار لابسين مقاطع ولفات ومعلقين في اللفه مسواك ومفتاح وينزفون مع بعض لين المنصه ويرقصون ويكون البنات الكبار كل وحده شايله على راسها زبيل وفيه توزيعات للعجز ( ديرمان وحنا وكحل الاثمد ) وبنص الاغنية ينزلن الكبار ويبدن يوزعن على العجز والصغار يكملون الرقص
زفه العروس كانت وحدة من البنات لابسه فستان ابيض يشابه لفستان العروس وتجلس على كرسي العروس ثم حطوا اصوات بواري سيارات تقوم البنت وحنا ملبسينها عقد لولو لاكن مقطوع ويوم وقفت يطيح منها العقد ويتناثر فتقوم تدور بين اللولو المنثور على حبة لولو وحدة منهن هي الولو الاصلي وكل شوي شايله وحدة وترميها وتقول مو هي مو هي وترفع وحدة وتكون الكاميرا عليها تعرضه على البروجكتر وهي ماسكه اللولو تكبر صورة اللولو اللي معها وتطلع عليها صورة العروس وتكون وقتها العروس عند السلم اللي تتنزل منه وتبدى تنزل ويكون معروض مباشر وهي تنزل الى وصولها لكرسيها بداخل حبه اللولو وبعد وهي تنزف كانوا يرشون عليها بحبات لولو فلين وعلى طاولات المعازين كانوا ناثرين حبات لولو
وفكرة اللولو لان اسم العروس ( اللولو ) الله يسعدها ويوفقها
والتوزيعات /
سوينا اساور صغيرة بلولو ومعها حلاوة واهداء - علب صغيرة فخمة وعبيناها حبات للولو نفس اللي نثرناهن على الطاولات وقطعه شكلاته - علب على شكل بيض معبينها حلاوة - ووزيعات شمعات على شكل ترتات واضافوا الاهداء - علب عطر صغيرة اللي تعبى مغلفينها ومزينينها بالورد - جبنا كب كيك صغير جاهز من محل حلويات وطلبيه ومزين بالكريمة الملونه وقطعه شكلاته فيها اسم العروسين تكون مع توزيع العصير - ووزعوا فواكة الصيف الصغيرة

وش رايكم بالافكار يالغاليات ؟!!!

هذا اللي عندي واصبروا الى يوم الخميس وراح احضر زواج بنت عمتي واعلمكم بالافكار اللي مسوينهم والمرة ذي بروح من دون بناتي يعني بشوف الزواج زين مو تقل جنيه بلحالي برى الصاله وكل من مر طل علي وعلى بنتي

انا اخر زواج حضرته الخميس الا فات كلمة روعه قليله حطهم الحلا مررره توب والكوشه والزفه رائعه جدا جايبين واحده لابسه قصيره اجنبيه ومعها الة الكمان المهم عزفت عزف خفيف بعدين دخلو معها الة البيانو بعدين دخلت العروس كانها اميره تجنننننننننننننن مشاء الله والطقاقه كانت المطربه مشاعل من جد روعه الله يهنيهم

انا لاحظت زواجاتنا طاحوا في الرقص المصري

مشكورات حبيباتي على المرور الاكثر من رائع
وام ريما وريفان الله يسعدك ماقصرتي وانتبهي لزواج بنت عمتك زين نتظرك تحكينا ياقلبي

انا اخر زواج حضرته كان بالبدايه زين مافيه شي

يوم دخلت العروس ولا الحريم كلهم عند الباب وحده قاااالت حرررررررررررررررررررررررررريقه طبعا مافيه حريق بس وحده بتخرب العرس
طبعا اناحطيت رجلي ماتشوفون الا غبرتي

والله العروس صارت وجع راااااااس