الصراحة بعض الاعراس تكون عادية وتقليدية لكن بعضها اهل العريس والعروسه عليهم حركات الصراحة غبية والبعض الثالث تكون مكلفة بزيادة وهم يكونون متسلفين وكمان شايفين نفوسهم اننا نحنا سوينا احسن منكم وهذا اللي يقهرني بزيادة ,وبالنسبة للتوزيعات في ناس من جماعتنا وزعوا دونات وناس ثانية وزعوا كابتشينو وبعضهم وزعوا ورود على الناس وهذي صراحة ماحبيتها ابدا ابدا لأنه احسها ماله داعي اهل العريس يوزعوا ورد وانتم تعرفون الورد الطبيعي مكلف وهم كانوا جايبين باقات كبار مررررة ( معليش احسه تبذير)
اما بالنسبة للزفات يا عيني اشكال والوان وكل بنت تخترع (عشان يقولون زفتي احسن من فلانه) كلام فاضي الصراحة, عندنا وحدة من جماعتنا رمت هي وعريسها بطايق شحن سوا وموبايلي ( الصراحة ما عجبتني الفكرة) ومعليش كمان يا كرهي للعروسة اذا جات تردد الاغنية في زفتها وهذي كثيييييير تصير وكمان تقعد تسوي حركات بيدها وتلوح لكل قريب وبعيد واذا نزلت تجلس تتحضن في بنات خالاتها وصحباتها ( خير سلامات كنها مسافرة للمريخ الاخت على غفلة) انا ما اقول لا تتحضنهم ولا تلوح بس بعض البنات في جماعتنا الصراحة يسونها بزيادة يعني تجلس تتحضن ساعة وتتمايل هي والبنت اللي معاها وتجلس تسوي حركات يعني انا عروسة جريئة وعادي ماني خايفة او خجولة , وبس هذا اللي عندي ومشكورة يا اختي ومعليه شكلي ثقلت عليك وطولت بالرد بس استحمليني لأنك فتحتي موضوع من زمان ودي اتكلم فيه
الصراحة بعض الاعراس تكون عادية وتقليدية لكن بعضها اهل العريس والعروسه عليهم حركات الصراحة غبية...
وماعندي نية احضر
ايه تذكرت بس عشان لا اصير كذابة زواج بنت اخت زوجي الاسبوع الي فات حضرته بس كان عائلي جدا في البيت بس نحنا واهل العريس