رحت عند اخصائية تغذية في مستشفى المانع في الجبيل وهذا النظام

السلام عليكم ورحمة الله

اللهم اجعل موضوعي خالصا لوجهك ومنفعه لاخواتي في الله

حبيباتي انا تزلت قبل كذا من وزني في خلال كذا شهر والله موفاكرة بالضبط كم شهر بس نزلت 30كيلو وتعبببببت

لين نزلت وزني ووالله مجرد مارجعت اكل عادي رجعت كلللللل اللي خسرتو وفوقهم 5كيلو زيادة لين اتفاجئت

بمشاكل صحية من الوزن الزائد 95كيلو والحمدلله على كل حااااال ولاكئنك يابو زيد ماغزيت :44:

وحاولت انزل وزني برجيماتي السابقة اللي هي الكيميائي والشوربة الحارقة وكلللللللل الرجيمات السريعه اللي

استخدمتها مافي فايده وخلاص نفسيتي تعبت قلت مالي الا الله ثم اني اروح اخصائية تغذية هذا اخر حل وشي صعب

بعد ماحرمت نفسي فترة طوييييييلة من الاكل مجرد ماارجع اكل عادي ارجع احرم نفسي مرة ثانية والله العظيم قمة

في الدمار النفسي لكن ايقنت ان الصعب مجرد بس في الايام الاولى بعد كذا الحمدلله ارادتي رجعت قوية ولله الحمد

حتى في وقت الجمعات والعزايم سفرررررر من والى وانواع الحلى والاكلات بس شهيتي ماجات عليها سبحان الله

عارفين ليه ......لان النظام اللي اعطتني هوا الدكتورة متكااااااامل ويوازن السكر في الجسم فمااشتهي لاحلى ولا

نشويات وانا من عشااااااااااااااق الحلويات والمكرونات والنشويات ومااحب الخبز بس الحمدلله طلع كل شي ok

رحتلها وحكيتلها مشكلتي وتاريجي مع الرجيمات فقالتلي راح اعطيكي نظام يخليكي ماتشتهي الحلا ولااي شي

غير صحي بس بشرط تلتزمي فييييييييييه مزبوط وهو ينزل الوزن العنيد اللي اتعود ع الرجيمات السريعه ويعتمد

ع السعرات الحرارية وهو 1200سعره حراااااارية والاحلى انو اكل كل ساعتين لاااااااااااازم وراح تحسي بقمة

الشبع والان احطو بين ايديكم وياااااارب تسفيدو منو وتكسبو صحتكم اللي مافي اغلى منها

الساعه 8 بيضة مسلوقة او لبن زبادي قليل الدسم او حليب قليل الدسم

الساعه 10 الفطور :شريحة توست اسمر او ربع خبز او رغيف واحد الصحي للي تعرفه +شريحة جنة قليلة دسم

او ملعقة لبنة قليلة دسم +كوب عصير طازج على قد حبتين فاكهة

الساعه12 الغدا:600جرام دجاج او سمك او لحم بقر+طماطم مع خيار +شريحة توست اسمر او ربع خبز اسمر

الساعه 2: 12حبة مكسرات غير مملحة ويفضل الجوز

الساعه4:فاكهة حبة وحده ماعدا الممنوعة اللي كلنا نعرفها + لبن زبادي او لبن شرب قليل الدسم

الساعه 6: 600جرام لحم او سمك او دجاج +سلطة خضرا او شوربة خضار بدون دهن

الساعه 8: شريحة توست اسمر او ربع خبز اسمر +ملعقة زيت زيتون + زعتر

انتهى

بالنسبة لاي شي مذكور يكون قليل الدسم وممنوع المخللات والموالح والملح الزايد لانها تعرقل نزول الوزن وان شالله

ان كل شي مفهوم والتوست والخبز لااااااااااازم بر عشان يشبعك ومايخليكي تطلبي المزيد زي الابيض العادي وانا

استخدم الرغيف الصحي رووووووووعه ويشبع اكثر وسعراته اقل من الكل مممممممم والنزول في الاسبوع يكون

بمعدل كيلو او نص كيلو وانا لي ولله الحمد اسبوع ونص نزلت خلالهم 2كيلو مشالله تبارك الله وعندي مراجعه يوم

السبت وراح تغيرلي نظامي اجربة اسبوع واذا نجح راح احطو في موضوع مستقل باذن الله ودعواتكم لي بالصحة

والعافية وان الله يرزقني من حيث لااحتسب والهداية لي ولزوجي وعيالي :26:

احبكم في الله :)