رحت قبل موعدي عشان اولد توامي

الحمدلله ولدت يوم الثلاثاء بتوأمي الاولاد وما توقعت ان ولادتهم بتكون ميسره والسر اني توكلت على الله ورحت المستشفى

اول شي قولوا ما شاء الله


نبدا....لما دخلت الشهر الثامن كان عندي امل اني اولد لان اغلب التوام ينولدون على الاسبوع 36 او 37 . خلصت الشهر الثامن ولا في شي دخلت التاسع وطاف الاسبوع الاول ولا حسيت بشي فقررت اني اروح العياده وشوف الوضع ... كل شي كان تمام بس خفت ان اوزان التوام يزيد اكثر لانهم كانوا حوالي كيلوين ونص فطلبت من الدكتورة انها تسويلي كشف نسائي عشان اشوف اذا الرحم فاتح ولا لا فكانت المفاجئة ان الرحم مفتوح 4 سم الحمدلله وسوتلي مساعده ومساج للرحم عشان ينفتح اكثر وقالتلي اذا كنت تعبانة من الثقل ورحت المستشفى وحطولي طلق خفيف راح اولد بصراحة اغرتني الفكره وتم عقلي يودي ويب اروح اصبر ولا انطر موعدي بعد 3 اسابيع هذا الكلام كان الساعة 9 المساء فقررت اني اروح اولد فشربت ماء ورد لان بولادتي كلها كنت اشرب واروح والحمدلله يساعد في زيادة الطلق فرحت الساعة 11 عشان كنت بعد ابي اولد بتاريخ حلو 27-7 ( الاخت فاضية ) المهم كشفت علي الدكتوره وشافت الرحم فاتح 6 سم فرحت وبدا الشغل حطولي تخطيط و جابولي سونار عشان يشوفون وضع الاجنة وكان واحد راسه في الحوض والثاتي بالمقعدة والساعة 1ونص انفتح الماي وبدا الالم يزيد وعلي الساعة 2 طلع الاول وبعد دقيقة على طول حار بحار الحمدلله سحبوا الثاني من رجولة وسمعت حبايبي ....بصراحة ما صدقت اني اخلص من خوف الولادة.....:09:



وعقبال باقي الحوامل ......ووقت الولادة كنت اردد يا حي يا قيوم برحمتك استغيث..... و لا اله الا انت سبحانك ربي اني كنت من الظالمين



ولا تنسون ادعوا لي خواتي ان الله يحفظ لي عيالي من العين لاني من ولدت وعيون الناس عليهم ...وعيني على تربيتهم لانهم صغار وبنتي بعدها صغيره عمرها سنه كاني عندي 3 توام ... ما اقول الا الحمدلله