ساعتها بيوم @saaatha_byom
عضوة فعالة
رحت لا اهل زوجي وطردوني طردة كلب
طبعا العنوان لجذب اكبر عدد من القراء :35:
بنات لعيونكم طلبت من المشرفه تغير عنوان الموضوع
اهل زوجي لاحظت اني اذا رحت لبيتهم خواته يتهربون من الجلوس معي
في البدايه يجلسون بعدين ينسحبون وحده وحده لغرفهم
فكرت في الموضوع اكثر من مره لقيت اني اقيد حريتهم وكنت اطول عندهم
وحتى ام زوجي احيانا ازورها وهي كانت ناويه تروح مشوار او بتسير على جيرانها وتجلس عشاني
واشوفها متوتره ومستعجله على روحتي
اخر شي فكرت اسويه
قلت لازم اذا جيتهم
اولا ما انتظر منهم الضيافه اجيب الشاهي والقهوه وتوابعها
ثانيا ما أحسسهم اني ضيفه عادي اقولهم خذو راحتكم في المشاوير واللي عندهار شغل تقوم عادي وامسك ريموت التلفزيون واقلب لحد مايجي زوجي وهم يروحون لاشغالهم
وبكذا صاروا يجون ويتفرجون معي التلفزيون وماحسوا اني بقيد حريتهم
ثالثا ما اتأمر عليهم في الاشياء اللي احتاجها بالمطبخ لو بغيت مويه مغلي لرضاعة ولدي عادي اروح للمطبخ واسوي اللي ابي
رابعا ما اتدخل في خصوصياتهم ابدا ابدا حتى مايحسو اني جاسوس عندهم في البيت وحتى الاشياء اللي يخبونها عني ما اسألهم عنها
اذا قالوا لي خير وبركه وماقالوا بكيفهم
خامسا ما اغتاب احد نهائيا وحتى لو جابوا سيرة احد اقولهم لاتتكلمون في الناس وبكذا راح يكونو واثقين فيني ان ما انقل كلامهم لاحد
سادسا ما احاول ادق احد منهم بالحكي واذا دقوني باي كلام اسوي نفسي مو فاهمه عليهم وربي معاد يكررونها
سابعا مايكون كلامي معهم عن زوجي ايش عطاني من فلوس ووين وداني ووين تمشينا علشان ما اثير غيرتهم ويحاولون يحرضونه مايعطيني
وامه تعرفون بتقول مسكين ولدي زوجته تشفطه شفط
ثامنا اسرار اهلي ماتطلع عندهم ابدا اخلي سوالفي عامه معهم درءا للمشاكل لان اهل الزوج علاقتك معهم تكون مثل الشعر اي شي بسيط يأثر عليها
تاسعا ما اخلي ام زوجي تسوي عشا او غدا بدون ما اساعدها علشان ماتعدني مع الضيوف
عاشرا ما اتدخل بين سوالف زوجي وامه وخاصة قدام امه الا اذا كانت سواليف عامه
وأخيرا اتمنى تستفيدون من تجاربي اللي لاحظتها على اهل زوجي ونجحت في كسب قلوبهم وكسر الحواجز وحطمت الغيره وكل شعور سيء منهم تجاهي والان والله كأني وحده من البيت لاني ماشيه على كل النقاط اللي فوق:39:
183
19K
يلزم عليك تسجيل الدخول أولًا لكتابة تعليق.
الحمدلله اني دخلت هالموضوع
جزاك الله كل خير ، والله يوفقك دنيا وآخره
كنت محتاجة هالنصااايح الذهبيه
جزاك الله كل خير ، والله يوفقك دنيا وآخره
كنت محتاجة هالنصااايح الذهبيه
كلامك صح 100%
جوزيتي خيرا
وياحبذا تكسبين ودهم بانك تجيبين معاكي هدايا ع القليل لام زوجك والله لها تأثير قوي
جربي وشوفي
جوزيتي خيرا
وياحبذا تكسبين ودهم بانك تجيبين معاكي هدايا ع القليل لام زوجك والله لها تأثير قوي
جربي وشوفي
الصفحة الأخيرة
بس حاولي متكثري زيارات لهم
اسالي مجرب