رحت لدكتورة جلدية وقالتلي..

السلام عليكم ورحمة الله وبركاته

كيفكم ياحلوات


بنات انا من طبعي اذا سمعت او عرفت معلومة مفيده
احب اجي اقللكم عليها ,, وافيدكم زي مااستفدت

واهم شي عندي حتى لو مافي ردود على موضوعي هنا ,, انكم تدعولي بقلوبكم
بالرحمة والمغفرة لوالديني وجميع المسلمين والمسلمات المؤمنين والمؤمنات وامهاتهم وابائهم الاحياء منهم والاموات
والستر والزوج الصالح


هذا ياطويلات العمر
انا رحت يوم السبت ل دكتورة جلدية وقيد كتبت قبل كده انو صحبتي تتعالج عندها وماشاء الله تبارك الله لاقوة الا بالله من اسبوعين تقريبا الى 3 ااسابيع بدأ الوجه يتحسن

المهم ..
انا رحتلها وحكيتلها مشاكلي ,, وقالتلي

الوجه.. قالتلي عندك حبوب واثار وحفر <<< مع اني مااشوف حفر ابداااا بس مدري كيف شافتهم
وكلف

الرقبة.. اول ماشافتها قالتلي انتي اش مسوية برقبتك؟؟
قلت ولا شي
قالت تستخدمي الليف الخشنة .. قلتلها ايوة
قالت وتبخي عطر عليها.. قلتلها ايوة
قالت رقبتك مررة مسمرة وفيها تصبغات من العطر ويبغالها فترة الين ترجع زي ماكانت


قالتلي ممنووووع تستحمي بالليفة الخشنة لانها هي اللي تسمر الجسم وتخليه خشن
والمفروض استحمى بالليفة الوردة و شاور جل دوف أو ((قالت واحد ثاني بس نسيته))
المهم انو شاور جل يرطب الجسم
وممنوع الحمامات المغربية واي شي يتفرك فيه الجسم

وريتها الشعر اللي داخل الجلد في رجلي
قالتلي من الحلاوة وانو لازم استخدم الموس

((لأان الحلاوة تضعف الشعرة . ف بعض الشعر يقدر يخرج الى سطح الجلد وبعضه يطلع ضعيف لدرجة مايقدر يخترق الجلد ف يصير شعر داخا المسام))

وعلاجي فقط الليزر

قالت لازم واقي الشمس لليدين والوجه و فعاليته فقط ل 5 ساعات من وضعه


وريتها السمار اللي في اصابع رجولي
قالت هذا وقاية اكثر منه علاج
قالت لاتلبسي الصنادل مرررة الا بالشديد القوي..



هذي النصايح اللي ادتني هيا يابنات
واعطتني علاجات بصراحة لمن رحت اشتريها طلع المبلغ عليا فوق ال600 ريال


لو تحبو اكتبلكم علاجاتها وتصيرو تمشو معايا خطوة بخطوة
انا حاضرة ومن عيوني

بس والله يابنات وماابالغ وربي شاهد عليا لو ماني شايفة نتايج على كثير من البنات ماكان رحتلها اساسا
ولا كان كتبتلكم الموضوع
وكل همي اساعدكم زي مااستفدت منكم كثييير